_________-----
تحذير:قد تكون بعض المشاهد في هذا الجزء غير لائقة او قاسية بالنسبة للبعض..!وقد تحتوي على ألفاظ غير لائقة أيضا..!
----------_____
_جوري..!انا وفيت بوعدي وجيت زرتك ما حتوفي بوعدك وتقعدي هنا؟عشاني..!
_ايهم..!
_(جاء من الخارج )أيهم عايزك
_هاا؟
_تقدر تسوق جوري هسي لو عايز..!لكن من واجبي اوريك كل المخاطر..!
_بعدين بالله عليك أنا هسي مزاجي رايق ما تخربوا لي..!
_طيب بس خلي بالك منها..!
_ودي محتاجة توصية؟
(اخذها إلى المنزل والفرحة تكاد تتدفق من عينيه)
_نورتي بيتك..!
_منور بيك.!
_تأكلي شنو؟
_على زوقك..!
_ثواني ويكون الاكل عند حضرتك
_(ضحكت لتقول)حضرتي..!ماشي فتطور..!
_كلو يهون في سبيل الضحكة دي..!
____-----
صباح اليوم التالي:
_عايز اعرف كيف تتخطف فوجود كل الحرس د؟
_انا ما فاهم انت كيف ضمنت انها مخطوفة ما يمكن ما عايزة الشغل..!
_مصطفي..!انا واثق انها مستحيل تمشي كدة بدون اي سابق إنذار.!
_كيف قادر تكون واثق كدة..!
_شايفك بقيت بتلمح لحاجات ما تمام..!
_ما كدة بس..!(قاطعه)
_عموما(تنحنح ثم قال والنار في عينيه )العمل كدة د لو عاش بعد اعرفو أسمي د بغيرو وما ابقي فريد ولدك يا فهمي لو ما جبتك..!
____-----____
_فارس..!قوم..!يولدي المرقدك هنا شنو؟متزاعل مع مرتك..؟
_(قال بعد ان صمت لفترة من الزمان وهو يتذكر ما حدث بالأمس:
_كنتي بتعملي شنو مع أحمد؟
_أحمد منو ؟وقصدك شنو بالسؤال بالطريقة دي؟
_انا شايفك وانتي واقفة معاهو..!
_انا ما وقفت مع زول هو لاحقني براهو وبيضايقني من امبارح..!
_افهم أنك مبسوطة..!
_كيف يعني؟انت بتقول فشنو؟
_ما عندك راجل انتي تشكي ليهو؟
_لو جيت شكيت ليك مثلا حتصدق؟فارس عليك الله حل عن سماي(قالتها وتحركت لتتوقف عندما سمعت كلماته )
_الطريقة البتصديني بيها لو جربتيها مع غيري مافي زول بضايقك(قالها ثم ترك المكان ))
_فارس وين سرحت؟
_ولا شي بس شالتني نومة وانا بحضر..!
_ايووااا..!طيب قوم اجهرز عشان نمشي..!
_بيت العرس؟ما ماشي
_كيفن يعني كدي اتعوذ وقوم البس..!
_امي ممكن تخليني؟مزاجي مافي محلو ..!
_طيب راحتك،عموما انا سبقتك..!
______----
_هااا؟الاميرة حاسة بشنو؟اكيد بتتألمي؟كدي حاولي تعرفي لى بما أنك دكتورة وكدة حصلت كسور فجسمك ولا لسة؟
_....
_وين صوتك؟اختفى؟
_(بصقت على وجهه)واحد حمار..!ناقص..!
_(مسح البصاق ليرفع يده ويضربها مجددا لتفقد وعيها)حاوريك الحمار منو؟(ليجلب عصاة حديدية بطول عشرة سنتيمترات )دي حتربيك يا عديمة التربية..!(أراد ان يضربها لولا تلك اليد التي اوقفته )
_الله انت حتأكل حقي ولا شنو؟
_قصدك شنو؟وليه وقفتني؟
_مش من البداية اتفاقنا كان انو لو حتموت يبقى انا الحقتلها؟
_اومال انا جايبها لي؟
_(تأتأ ليقول )انا الجبتها نسيت؟طيب حاذكرك..!حضرتك حاولت تخطفها ورجالك للأسف فشلوا لكن انا فدقيقتين عرفت أجيبها..!
_ما بنسي لكن انت كشخص عادي حتقارن نفسك بي؟انا رئيس عصابة اوعي علي نفسك هييي..!(قالها وهو ممسك بياقته)
_(عدل تصفيفة شعره ليقول )نزل يدك..!بحركة واحدة مني ممكن الشرطة تكون هنا..!
_بتهددني؟
_لا بوريك الحيحصل بس..!
_ انت ما قدري احسن ليك تطلع من الدور الداخل فيهو د
_عموما انت ما حتأذيها حاليا لحد ما اشيل منها العايزو..!
_(تفحصها بنظره ليقول )قصدك شنو؟
_ما اللي فبالك.!صحيح أنك واحد وسخان..!(قاطعه )
_ هييي ما تتعدى حدودك.!
_عموما هسي انا حامشي وبكرة حاجي تاني وصدقني لو اتاذت ما ح يحصل خير..!
_(أنتظر حتي خروجه )شكلي حاقتلك قبلها،أنا ما اي زول انا رشاش.!شكلو ما عارف انو رشاش ما بتهدد..!
