استيقظت لتجد والدها ووالدتها بجانبها،نهضت ببطء وهي تحاول ألا تفيقهم ولكن والدتها شعرت بحركتها لتقول:سيلا مالك في حاجة واجعاك؟انتي كويسة؟عايزة حاجة؟
_قالت في دهشة:مالك بتتكلمي بلهفة كدة؟عادي اي حاجة دايراها بجيبها ما تقلقي على..!انتي ارجعي كملي نومك ..!
_نهضت لتقول:طيب ماشة وين؟
_انتي داسة مني حاجة؟امبارح الدكتور قال عندي شنو؟ح امو.ت صح؟
_انفتحت بالبكاء:لا ما ح تمو.تي مافي كلام زي ده..!
_اومال؟سوسن اتكلمي..!حلفتك بي أوس تقولي لي عندي شنو..!
_تقطر دمعها وهي تقول:نفس الحصل مع امك بيتكرر..!(قالتها ثم جلست علي الأرض وهي تنتحب)
_عادت خطوتان إلى الوراء في صدمة:يعني حام.وت عندي كانسر حام.وت صح؟ كل أحلامي ح تتبخر صح؟ما ح ابقي دكتورة واعالج الناس صح؟كل أحلامي انتهت صح؟كدة خلاص باقي لي الأمنية الأخيرة بس وامانيي كلها تعتبر شفافة..!(وضعت يدها علي رأسها وهي تقول)لااا..!ليه كدة يا دنيا ليه؟(جلست بجانبها ثم قالت )ما تبكي وأخيرا ح افضي الجو لي أوس عشان ابوي يهتم بيهو براهو..!مافي بنت زوجة أولي عشان تشغلو منكم..!
_احتضنتها لتقول:لطالما اتمنيت يكون عندي بنت وكنت مبسوطة جدا انو نصري خلاك تقعدي معاي لطالما اعتبرك بتي وكنت وما زلت بحبك وما عايزة اسمع كلام زي ده تاني انتي قطعة من روحي انتي أول طفل فحياتي أول تجاربي فالتربية والأمومة انتي أول مسؤولية فحياتي، حتى ولو ما كنت أمك الحقيقة بس على الأقل ساهمت فتربيتك وحبيتك كأنك بنتي واكتر..!اكيد حتي لو ما كنت بحبك بهذا القدر مستحيل اتمني م.وتك عشان حاجة تافهة زي دي..!
_تشبثت بثيابها وهي تقول:اصلا انا اشتقت لأمي عايزة اشوفها بعد كدة خلاص..!
_جلس يتابع حديثهم في صمت إلى ان قرر أخيرا احتضان زوجته وابنته في ان واحد ليصبح المشهد مريح للأعين يدخل السلآم في الروح..!
_قالت بعد ان مسحت دموعها:عايزة امشي لي انسام..!
_طيب انا بمشي معاك..!
_قال بحزم:تخلي بالك منها..!
_حاضر ح اشيلها في عيوني..!
-----------------------
_في مكان ما في زاوية مظلمة جلس شاب في الثلاثينات وهو يتفقد حدة سك.ينه بأصبعه،كان كأنه يصغي لأحد ما،وبعد أن أكمل ذلك الشخص حديثه صنع لنفسه جرح ليراقب دمائه وهي تتقطر:انا مش قلت ليك ما المفروض تقوم؟
_قالت وقد ارتبكت افكارها:انا حاولت افصل عنها الأجهزة صحت ما فهمت كيف حصل كدة..!
_نهض وهو يقترب منها:يعني يا بيبي كان المفروض اقول ليك خليها تصحى عشان تمشي تق.تليها؟
__اسمعني انا حاولت على الأقل..!
_أمم وبالنسبة للأستاذ فريد؟
_ما عارفة في حاجة غلط هو ومصطفى دايما بيتوشوشوا كدة وفي حاجة ما تمام..!
_اوعى يكون رجع يمشي وأنا ما وعارف..!
_تساقط عرقها لتبتلع ريقها:ما عارفة لكن اكيد لا طبعا مستحيل تفوتني حاجة زي دي..!
_ مسح العرق من علي جبينها وهو يقول:بتكذبي علي؟(سحبها ناحيته ليضع الجزء الحاد من السك.ين على عنقها)مش قلت ليك ما عايز كذب؟
_تساقط دمعها وهي تقول:يوسف حتج.رحني..!
_ضغط علي السك.ين ليقول:ألف مرة قلت ليك اسمي رشاش ما يوسف اسمي رشاش فهمتي؟(تركت سكي.نه اثر على عنقها ليتركها )
_(ابتعدت عنه لتتحسس قطرات الدم التي خرجت بسبب الجر.ح الذي سببه لها )انا اسفة..!
_شاطرة بتستوعبي بسرعة..كلامي معاك المرة الفاتت نفع ..!
_خلاص ممكن تخليني فحالي؟
_وضع يده على عنقها وتحرك حتى التصقت بالحائط،قبض على عنقها وهو يقول:يا قلبي ما قلنا أنا ما حاسيبك عشان بحبك..!
_بس أنا كرهتك بتخليني اعمل حاجات انا ما عايزة أعملها..!
_انتي عارفة إني ما بحب أنك تضايقي مني صح؟طيب حاطلعك تغيري جو..!
_ما عايزة خليني ارجع المستشفى..!
_ابعد يده ليقول بصورة مخيفة:يا حبيبي الدم..!تعالى امسح ليك الجرح،انا اسف بس اني بتضطريني اعمل حاجات انا ما عايز أعملها..!خلاص ما تبكي..!ح اضمدو ليك ونطلع سوا..!
_بس عايزة ارجع المستشفي..!
_خليني انظف ليك الجرح اول..!
