وهناك قلوب جميلة، نحادثها مرة، ونرغب بها للآبد"..🌼🦋
Güzel kalpler var onlarla bir kere konuşuyoruz ve sonsuza kadar istiyoruz"..🌼🦋
__________________________
_قال وهو يراقب "فريد":انا ح اعتمد عليك يا نادر ووثقت فالزول ده بناء علي ثقتك واي حاجة تحصل انت ح تكون المسؤول..!
_طيب..!
_قال ولا زال ينظر إلى "فريد" الذي وقف علي بعد منه:ما عارف رغم ان كل الإشارات بتقول انو ممكن اوثق فيك ما قادر..!(قالها ثم أخرج هاتفه واتصل بها)بيبي..!
_نظرت الي الرقم لتقول:كرم؟
_أيوة..!
_في شنو نبرة صوتك ليه كدة؟وبعدين بيبي دي شنو؟
_كيف؟عادي مش انتي حبيب..(قاطعته لتقول )
_المهم متقول بيبي دي تاني..!
_المهم انا شغلي مطول لو حتمشي خلي كمال يوصلك..!
_تمام..!(قالتها ثم أغلقت الخط )
_عقد حاجبيه ثم قال:دي مالا؟
_تحرك "فريد" بإتجاهه وهو يقول:لا انتو من زمان كنتو وين؟انا ليه ما اشتغلت معاكم؟
_ما مشكلة تشتغل معانا من اليوم..!
_ده المخزن الوحيد؟
_ليه طمعان فاكتر من كدة؟
_زيادة الخير خيرين ولا ما كدة؟
_والله نحن نشوف لو الدفعة الأولي أمورها ظبطت الباقي هين ..!
_لعن حظه داخله ثم قال:بحب حرصك علي كل صغيرة وكبيرة..!
_إتعلم مني..!
بعد ساعات متواصلة من العمل ونقل الثلاجات إلى الشاحنات الخاصة ب"فريد":
_قال وقد بانت الثمالة في حديثه:طلعت ظرييف..!
_نظر إليه وهو يلعن هذه اللحظة:ما كأنك كترت؟
_قبيل قلت زيادة الخير خيرين..!(قالها ثم اغلق عينيه)
_نهض "فريد" ببطء ليسمع صوته:علي وين؟
_ابتسم وهو يقول في داخله "جهنم":الحمام..!
_قال وقد بدأ بالضحك بصورة هستيرية:انت مالك بتمشي الحمام كتير كدة؟
_قال بتفاهة:عندي سكري وانت الصادق..!
_تركه في ضحكه ليذهب بإتجاه احدي الشاحنات وقبل ان يتمكن من رؤية ما فيها باغته أحدهم..!
فشنو حابي تمو..ت.؟الدخلك هنا شنو؟
_ابتسم ليقول:بس بتأكد انو كل حاجة تمام..!(ثم همس في نفسه)ما كان ناقصني إلا انت..!(ثم إنتظر حتي ذهابه وعاد الي الشاحنة وفور ان رأي ما بداخل الثلاجات وضع يده علي أذنه ليقول)أدهم انت معاي؟
_الو أيوة..!
_وقبل ان يقول اي شئ سمع صوت المسد..س وهو يستعد للإطلاق وجاءه صوته:كنت عارف إنك مستحيل تكون مننا وفينا كدة،مشيتك،اسلوبك في الكلام،تسريحة شعرك وكل حاجة بتدل أنك إنسان جنتل محترم ما ليك علاقة بالإجرا..م والعصا..بات..!/عارفين جلد الذات اهو الجملة دي "كرم" بيجلد فنفسو..!ضر.ب نفسو باللفة/وريني انت تبع منو..!
_رفع يده ليقول:لو صبرت على شوية كنت ح اجي اتفاهم معاك..!وانا تبع نفسي ما تبع زول تمام..!/اهو الولا بيتلامض عايز يمو..ت/
_قلت مستحيل اخليك براك يالتبع نفسك..!(قالها وهو ينظر في عينيه )
_اتأخرت يا حبيبي..!
_مثلا ما حاسي بالغرابة....(قاطعه ليقول )
_اششش اوعى تبدأ صياح علشان انت فاشل فالتمثيل وحوار أنك مقعد وسكران ده ما مشي فيني اصلا..!(صمت قليلا ثم قال )انت غبي يا ابني واضحة من البداية اصلا أنك بتمثل وبعدين انا عشت التجربة وعارف كيف بيكون الإنسان المقعد حتجي انت تخدعني.؟
_والله؟طيب ممكن أعرف غلطت وين؟عشان قبل ما تمو..ت توريني كيف اصلح الغلط..!
_إبتسم بسخرية:ولو اني ما بوافقك فالجملة بس ح اوريك،حضرتك لما نور وقعت الكباية فالحفلة اتنفضت معاها وحركت وسطك علي الكرسي وتاني لما كنت مسوي نفسك سكران بالغت قليلا ونزلت رجلك من الكرسي وكمحاولة منك عشان تصلح غلطك بوظت كل حاجة..!وبعدين حصل لاقاك سكران بيرمي أمثال فوسط الكلام وبتكلم بمكر زيك كدة؟حصل لاقاك مقعد بيهز رجلو وهو متوتر؟
_ملاحظة دقيقة..!
_قال بثقالة:دقيقة ولا دقيقتين هخخخخ(ثم ضرب علي يده واقتلع المسد..س ورماه بعيدا..!)
_انت بتتحدي كرم السيلاوي..!
_يا مان انا اتحديت رشاش وقعدت سنتين في بيتنا..!
_يمكن المرة دي ما ترجع بيتكم من الأساس..!(قالها ثم ضربه على وجهه ليبدأ فمه بالنز..يف)
_ ركله في إحدى ركبتيه:واضح أنك مولع بالجلوس على الكرسي المتحرك ح اخليك تقعد فيه بحق وحقيقة..!
_ ركع على ركبتيه ليقول:*****
_وضع يده على أذنه:ايه يعم اللفظ ده مش قلت ما ح ارجع بيتنا..؟ما متعود على الدق ولا شنو؟(ضحك ليقول )اقسم بالله الليلة دي المتعة..!فينك من زمان يا أدهم..!(أراد النهوض ليضر..به مرة اخري وهو يقول )ارح ارح قوم لي يادوب دي تمارين احماء،اححح اشتقت اني اضر..ب واتضر..ب..!
_ضحك وهو يحاول النهوض:يعني معترف إنك كنت بتضر..ب..!(لكمه مرة اخري ليقول )يا ترى كم مرة اتمرمطت كدة؟/الولا مصر يضربو فوجهه ما عارفة لو ضربو ضربة تانية انا ح اعمل شنو..! /
_يا مان كلهم بنات للأسف وانت عارف المبادئ لا تسمح لنا بالتعدي علي النساء.!/اووف باد بوي متجنتل..!/
_يعني انت في واحدة ممكن تقبل تضربك اصلا برأسك المربع ده؟(قالها ثم حاول ضربه مرة اخري ليتفاداها )
_وجه لكمة في منتصف بطنه ثم قال:كلهم كانو زيك كدة..!/اوووووووو لمو الجبهة..!/
_الواضح انو لسانك طول زيادة عن اللزوم(قالها وهو يقترب منه)ومحتاج يتقص.!(قالها ثم وجه له لكمة في بطنه)انا كرم السيلاوي انا الدون يا مان يعني البيفكر يلعب مع الدون نهايتو كدة..!
_قال بألم وهو ينظر إلى تلك "المطواة" التي غرزت في بطنه:اصلا كانت متوقعة منك..!ما راجل لدرجة تكتفي بقواك الطبيعية لازم تلجأ لسلا..ح بس ما كنت متخيلك حتستسلم من بدري كدة..!
_جاء الضابط "أدهم" ليقول:كرم السيلاوي انت رهن الإع..تقال ايدينك ورا رأسك وبهدوء سلم نفسك..!
_فاكرين كدة انتهيت لا وحياتك انا كرم السيلاوي انا الدون والدون ما بنتهي..!
_وقبل ان يتحرك حتي ركض "فريد" بإتجاهه لينبطح به علي الأرض :الأصفاد بسرعة..!
_أعطاه إياها ليضعها على يديه ثم قال:أحلم تهرب بعد كدة وقعت مع الرائد فريد فهمي..!
_ابتسم "فريد" ليقول:انت ورقتي الرابحة ح اجيب بيك الضيعتو ورا رشاش..!
_انت ما بتقدر..(قاطعه ثم قال)
_يا الله انا من الكلام الكتير..!معاك لصقة؟لصق للشخص ده خشمو من الصباح انا كرم السيلاوي كرم السيلاوي وبعدين يعني؟أهو انت الدون الما بتنتهي وانا أوعدك أنك انتهيت..!/مستفز وطول عمري بحب الاستفزاز..!❤😩/
_شكرا..!
_انا بشكرك،حقيقي كنت محتاج دفرة زي الاديتني ليها دي..!شكرا وأبدا ما حاندم اني مشيت وراك..!
_ولو..!
_تحرك بإتجاه المخرج ليقول "أدهم"..!
_بالنسبة للبنت اللي معانا..!
_خلوها تمشي بيتهم ما عليها خطر بعد كدة..!
_قال علي اللا سلكي:أفرجوا عن الآنسة والطفلة اللي معاها وكرم السيلاوي وشريكه حاليا معانا..!
_علم..!
