- هل تُحبني ؟
- ﻻ
- إذاً أقسم
- أقسم أنني تَجاوزتُ الحب و بدأتُ أتنفسك🤎🤎🦋.
______________________________________________________
(مشي حتى وصل سيارته وبدأ بالتذمر):هسي دي حالة دي؟بعد د لو ما لقيت انسام حيجيني احباط ما ممكن يا رب..!(قبل ان يواصل في حديثه رأي عبدالرحيم ليتحرك بإتجاهه،أشار إلى نفسه):شايف شايف؟
_حاول ان يمسك ضحكته ولكن سرعان ما خرجت:د شنو؟
_يخي واقف في أمان الله بتكلم معاك قلت اقيف في ظل الحيطة رغم انو الشمس كانت لسة بتشوي فيني فجأة أحس ليك بالموية،المشكلة ما في انها موية المشكلة اني ما عارف دي موية مسح ولا عدة ولا شنو حاسس نفسي ملبك ووسخان حاسي بالعفن..!والعجب البنت الفتحت لي حاجة فقمة الاستفزاز قال شنو رأسك مطفج.!
_أكمل في ضحكه:خلاص تعال شيل ليك هدوم ونمشي نشوف زول تستحمي عنده..!
_والله يا رحيم اسمعك بتضحك تاني حنتخاصم..!
_خلاص ما تبكي..!
_ضرب بقدمه على الارض:يا الله من الحظ العندي..!
_____----------------
وصل إلى إمام إحدى غرف المستشفي ومن الواضح ان هنالك شئ من اثنين قد حدث أما مصيبة او معجزة؛فقد توافد أكثر من طبيب إلى تلك الغرفة،حرك كرسيه ليدخل ولكن هنالك من اوقفه:-
_انت بتعمل في شنو كيف عايز تدخل؟
_قال بنفاذ صبر:فلة ابعدي من طريقي..!
_وضع مصطفي يده على كتف فريد وضغط عليه:فريد كلامها صحيح ما مسموح ليك تدخل..!
_قال بنبرة غاضبة:كيف ما مسموح لي انا الرائد فريد فهمي.!
_قالت بلهجة استهزاء:بربك فريد انت رائد ما طبيب..!
_نظر إليها مصطفى بنظرة تحذيرية:فلة من الأفضل تلتزمي بالصمت..!
_نظرت إليه وهي تحادث "فريد":فريد تعال عايزاك..!
_بالله ما عايز اتكلم فاي حاجة حاليا..!
_فريد..!(لم يعرها اهتماما،صمتت قليلا ثم قالت):فريد يا انا يا البت الجوا دي /لا واثقة بسم الله ما شاء الله/انا لو اتحركت من هنا مستحيل ادي علاقتنا فرصة تانية وانت بنفسك حتكون السبب فالحاجة دي مرة ثانية..!
_فلة امشي من هنا..!ما عايز اتشاكل معاك ونسمع بعض كلام فارغ..!
_ردك وصلني بس إياك ثم إياك تندم بعدين..!
_تدخل مصطفى محاولا ان يسعف الموقف:كدي اهدأي يا فلة هو ما قال حاجة لسة..!
_نظرت إليه ثم إشارت إليه بإصبعها مهددة:انت بالذات ما تتكلم معاي من جيت وهو وبيتصرف بغرابة زيك كدة..!
_انصدم من رد فعلها فصمت وتابعها وهي تتلاشي بعيدا عن انظاره:دي مالا؟انا عملت شنو؟
_مفتكرها مثلا حتكون ما فهمت الدراما الغبية العملتها قبل نص ساعة دي؟
_اوكي اعترف اني اتهابلت بس ما للدرجة دي..!
_نفسي اعرف بس كيف....(قاطعه خروج "قصي" وهو يتناقش مع أحد الاطباء)
_أكمل حديثه مع الطبيب ثم تحرك بإتجاهه:فريد..!أحب اطمنك وأخيرا نور صحت بس في بعض المعاينات والفحوصات المفروض تتعمل بعدين حتكون قادرة تتحرك وتقابلكم وممكن إذا طلعت الفحوصات نظيفة فظرف أسبوع تطلع..!
_رفع رأسه نحو السماء ثم قال:الحمدلله،واحد من همومي أفرجت الحمدلله..!
_وضع يده على كتفه:حمدلله علي سلامتها يا ريت قريبا نشوفك انت كمان بصحتك..!استأذن انا حاشوف بقية المرضى..!
_اذنك معاك..!
_ممكن انا اوصلك الأوضة يا رائد فريد فاااهمييي..!
_انت ح تتريق..!
_امسك بمقبضي الكرسي وبدأ بدفعه:والله انت طلعت دراما كينغ اكتر مني قلت درامتي غبية بس انت حقتك دي دراما من نوع آخر إحساس بتقول ليها انا الرائد فريد فهمي حسستني أنك عندك رخصة بتسمح ليك تمارس كل المهن..!
_رفع رأسه لينظر له:ما خلاص انت حتذلني؟ذلة لسان ما تجنني..!
