_سيادة الرائد بألف خير بفضل ربنا والخطر زال بصورة مؤقتة الي أن يستعيد وعيه،ما حاطمنك بس الوارد أنه يدخل فغيبوبة،يحصل ليهو فقدان فالذاكرة،شلل نصفي او كامل،فقدان حاسة من الحواس ولا زالت القائمة طويلة،عموما زال البأس.
_لازم نبلغ اهله..!
___-_- _
_يماا،الحقي،يمااا..!
_اهاا فشنو ياتو شمار المبكيك د..!
_فريد سوا حادث..!
_(صرخت بصوت عالي)وبعلي يا يما جناي الما شفتو من سنوات يوم ما قرر يجيلي افقدو،وبعلي أنا عين السواد والرماد الطرتك،فال الشوم اللحقك وي علي جناي انا.! وبعليييااا انا وبعلي في حشاي انا.!
(وضعت يديها علي كتفيها)يما كدي روقي فريد لسة عايش وفالمستشفي،قالولي هو عافية لكنو ما حسا لسع
_قوديني ليهو بس أنا كان ما شفتو قلبي ما ببرد.!
_(تمالكت دموعها)سمح..!
_-_-_--
_اها طمنني يا عمر؟
_ايهم دي حالتك دكتور؟حالتها اتدهورت شديد.
_(قال في توتر)انا زاتي ما عارف لي حصل كدة صدقني لي قرابة السنتين بديها الدواء فموعدو وكل حاجة عايزاها بعملها ليها وما بزعلها نهائي كيف الكلام د،انا متأكد أنو في حاجة غلط/تراه يكذب خلاني انفصمت /
_الاضطراب ما بيتطور بالصورة الانت حكيت لي عنها دي الا في حالة انو المريض يبطل ادوية،وبالنسبةة للهواجس العندها فالمفروص تكون بدأت تخف منها بس هي بقت اسوأ اللوم بيقع عليك انت لأنك اتعهدت قبل ما تأخدها من هنا أنك تحميها وتعالجها بصورة افضل بس الواضح أننا غلطنا لما سمحنا ليك تطلعها..!
_(جلس علي الأرض ووضع يده علي رأسها وغاص في دوامة "الذكريات")
شريط الماضي:
_ايهم انت قدر مسؤولية جوري؟جوري ما انسانة عادية؛جوري محتاجة معاملة خاصة يعني ما تنتظر منها حاجة،بتعمل الفي رأسها وبس..!
_عمر انا بحبها فاهم يعني شنو تحب ليك وحدة يعني بتكون عايزها هي وبس وبتتقبلها بعيوبها ومميزاتها وبتتأقلم مع كل حاجة بتخصها د عشان انت بتحبها وما عايزها يوم او شهر انا عايزها معاي طول العمر عايزها هي وبس ومستعد اتحمل كل حاجة عشانها حاتعلم اصحي بدري فمواعيد دواها وحاتعلم انوم والنور فاتح ،حارمي كل حاجة هي بتكرهها حاعمل كل حاجة عشان تكون مرتاحة،حاتعلم كيف اسرح ليها شعرها حأاقلم كل حاجة بالصورة الهي عايزاها..!عليك الله خليني اطلعها عايزها تشوف الدنيا عايز اشوفها مبسوطة..!
_انا حاكتب ليك تصريح بس لو فيوم حصل ليها اي حاجة يا ايهم اي حاجة ولو كانت بقدر صغير جدا ما حاسامحك وحتكون انت المسؤول الوحيد.
_شكرا شكرا يا دكتور..![قالها ثم ركص ناحية غرفتها]
عدنا الي الحاضر:
_ايهم..!
_(رفع رأسه ونظر اليها)جوري..! ليه قمتي؟
_مليت وجوا ما معاي زول،في حاجة؟ليه عيونك كدة؟
_(امسك بيديها)جوري انا اسف اسف،حقيقي اسف علي كل حاجة اسف علي اهمالي اسف لأني وصلتك للمرحلة دي،اسف لأني طلعتك من هنا،واسف لأني حبيتك اسف علي كل حاجة واسف لأني ظهرت فحياتك(قالها ومن ثم تحرك بإتجاه الباب)
_ايهم..!ماشي وين؟انا ما زعلانة منك اصلا نسيت انك زعلتني بس ما تمشي،ايهم انا بتكلم معك،ما بتقدر تخليني هنا وتمشي،ايهم..!(قالتها بينما عينيها تقطر ماءً)
_يلا يا جوري..!
_عمر،انت طلبت من ايهم يمشي ويسيبني،هو انا زعلتو فحاجة ما كانت عربية اللي تخليه يسيبني كدة..!عليك الله خليهو يرجع انا كنت مبسوطة عنده،ما عايزة اقعد هنا..!كلموا يرجع يسوقني وصدقني ما حازعلو وما حازن علي حاجات فارغة وحابطل مسلسلات وحاخد الدوا بس خليه يرجع..!
_(هزها لتستفيق)كابوس؟
_وين ايهم؟انا حلمت حلم مش حلو خالص..!هو ايهم ممكن يمشي ويسيبني؟
_دي حاجة انا ما بعرف فيها حسب مصلحتك ايهم حيتصرف..!
_(نظرت اليه بإستفهام)ايهم وين؟خلي يجي هسي هسي بس..!
_(نهض من الارض عندما سمع صراخها فدخل ووجدها تكاد تجعل المكان مجزرة)جوري!فشنو؟
_(اسقطت ما في يدها من ادوات وركضت نحوه واخذت تعاتبه)وين كنت؟انا سألت عنك زفتون عمر د وقعد يتعولق انت عارف انا حلمت حلم ما حلو خالص،حلمت انك خليتني هنا تاني ومشيت ،انت ما ممكن تمشي وتخليني صح،صح؟
_(التقط الدمعة التي سالت علي خده)اكيد لا..!
_(قفزت وكأنها انتصرت)يس..!كنت عارفة اصلا ايهم ما بيكذب(قالتها بعد ان امسكت بيده والتفتت نحو "عمر" واخرجت له لسانها)
_ممكن هسي ترجعي السرير؟
_المهم ما وريتك مشيت اجرب زي في المسلسلات عاين اتجرحت كيف،غبية انا نسيت ان الواقع عكس الاحلام..!
_(حبس دموعه قبل ان ينهص)برجع هسي..!(وفور خروجه سالت دموعه)جوري ليه بتصعبيها علي ليه؟يا ريتني مشيت بدون ما اشوفك..!
