-----______
_انا عايز اعرف كيف يعنى يحصل كل د في وجودكم كلكم؟دي الحالة قلت لي اني ما قدر المسؤولية؟دي المسؤولية الانت قدرها؟
_ايهم اسمعني كدي!
_ما عايز اسمع اى حاجة انا ح اسوقها معاي وكلامي انتهى..!
_طيب ممكن تسمعني؟
_ما عايز اسمع حاجة..!(تحرك بإتجاه الباب )
_(ليصرخ بصوت عال )الخطر زاد..!جوري ممكن تموت يا ايهم..!
_(عاد إليه ليمسك بياقته )انت كيف تقدر تقول كدة بي ياتو حق دي حاجة في يد ربنا..!بي بياتو حق؟هاا(ليفلته ويجلس على الأرض لتتساقط دموعه )عملت كل حاجة عشان ما أفقدها حاولت أحافظ عليها قدر الإمكان صدقني كنت دايما بحاول اخليها سعيدة ولو أننا مرات بنزعل من بعض بس والله بحبها والله ما حاقدر اشوفها بتموت وآلله ما حاقدر..!
_لسة عايز تسوقها؟
حافضل طول عمري عايز اسوقها معاي وين ما مشيت ومهما كانت النتيجة لسة عايزها انا...!
_(فكر ملية ثم قال )طيب ممكن تسوقها معاك بس خليها يوم او يومين هنا عشان نتابع حالتها شوية ونحاول نصلح حاجة على الأقل..!
_انا عارف انها مستحيل تستسلم كدة وصدقني حنبهرك..!
_آن شاء الله..!
___----____
في صباح اليوم التالي:
_صباح الخير..!
_صباح النور يا بتي ..!
_في حاجة اساعدك فيها.!
_انا ممكن اعمل الشاي..!
_أنا ختيت الموية فالنار لو عايزة كمليهو
_طيب..!
_هناك فارس متعود ينوم لوقت متأخر كدة؟
_(ارتبكت لتقول )بس بكون من تعب السفر..!
_ ايواا..!هاا ما ناويين تفرحوني..؟
_كيف يعني؟
_ما تعملي رايحة انتي فاهماني..!
_لا بجد ما فاهماك يعني في حاجة معينة عايزاني اعملها ليك؟
_عايزة أشوف اولادكم..!
_(في تلك اللحظة كانت قد بدأت بتصفية الشاي أكملته علي عجلة ثم تحركت بإتجاه غرفتها،أغلقت الباب ثم بدأت بالبكاء)
_(فتح الباب ودخل ولا زال النوم في عينيه، وفور ان رأته مسحت دموعها )
_صباح الخير..!(قالها ثم ارتمي الي السرير )
_صباح النور..!
_(سمع الرجفة في صوتها ليفتح عينيه )في حاجة؟بتبكي انتي؟مالك في شنو؟ليه بتبكي؟
_ما في حاجة مهمة ساي بس..!انت كنت نايم وين؟ما خفت زول يسألك؟
_انتي بتغيري الموضوع صح؟
_ليه ما عايز تفهم؟لما اقول ما في حاجة يعني ما عايزة احكي..!ممكن تخليني برأي
_(خرج من الغرفة وقد طار النوم من عينيه،اغتسل ثم ذهب إلى امه)صباح الخير..!
_صباح النور..!
شكلك ما رايقة..!منو الزعل البرنسيسة دي..!
_مرتك بتكلم معاها فاتت خلتني ولا كأني قلت ليها حاجة..!
_ما بتكون سمعتك،انتي قلتي ليها شنو؟
_لا سمعتني وسمعتني كويس كمان وردت علي كمان تاني لمن وقعت ليها الكلام فاتت خلتني بتكلم براي..!
_لا انتي قلتي ليها شنو ما فاهم..؟
_ما ناويين تفرحوني..! كلامي عادي وين المشكلة؟
_يا أمي لكن في زول بسأل الزول كدة؟بتكون اتحرجت..!عادي ما ترد ..!
_طيب اسوي شنو؟
_ما تعملي حاجة ارجي نصيب ربنا بس..!
_مشمم غايتو انا الشايفاهو ان شاء الله يطلع كذب..!
_هسي كدي خلينا من موضوعكم د وين قهوتي ولا حتشربوني شاي ..!
_اشرب ساي الشاي مسوياهو مرتك..!
_شايفك بقيتي تغاري يا سامية شايفك انا..!
_كيفن عاد تسكت تبرر ليها من جيت..!
_خلاص ح اكلمها تعتذر ليك..!
_الله يكضب الشينة..!
_الله يخليك ما تزعلي..!
_خلاص انا اصلا نسيت..!
_أيوة كدة وريني الضحكة يا جميل..!
