_تمام..!(ركب سيارته وتحرك)
_غريب د..! وبعدين مع مروان د مش عايز يصالحني اوف منك اووف..!(قالت جملتها ومن ثم توجهت الي منزلها)
_-_-_-_
_لا كيف يعني ما عايزة تكملي معاي؟
_كدة يا فارس أنا تعبت منك.!
_كيف يعني أنتي ما بتحبيني يعني؟
_ما كدة بس..
_(قاطعها)اومال كيف يعني؟
_كدي بنتكلم يوم تاني عايزة امشي انا.!
_مافي حاجة اسمها تمشي.!
_(تحركت بعد ان قالت) لا حمشي وما علي كيفك.
_(اراد اللحاق بها ولكن فرح قاطعته)فارس؟مش كأنو عبدالرحيم اتأخر؟اضرب شوفو مالو
_ما اتأخر انتي شايلة هم ساي.
_اضرب ليهو.
_حاضر.
_(اخذ هاتفه ثم اتصل به)الو؟مالك اتأخرت؟
_يخ البت جننتني وعاملة لي جاكات.
_في حاجة اجيك؟
_لا تجي وين أنا خلاص ح اجي عليكم واحكي ليكم بالتفصيل.
_طيب.
_تمام يا زول..!
_اها قال ليك شنو؟في حاجة؟
_لا قال ح يجي يحكي لينا
_اها تمام.!
_ما تجي تاخد ليك كأس معاي؟
_مش قلنا حنسيب البتاع دا؟
_اعيش بدون شراب؟
_كدة ربنا حيعيشك فعذاب
_يا بني عادي ما أنا عايشة فعذاب...!
_-_-_-_
(جلس في غرفته الفخمة يحادث احد اصدقاءه)
_يعني انت فاكرني بحبها؟ما عاشت ولا كانت اللي تخلي مروان يحبها.!
_تسلية؟
_حاجة بالشكل د.!
_مش خطبتها..!
_ما رسمي الموضوع د بس عشان توقف زن فراسي لكن هسي زهجتني عديل كدة خلاص بقيت ما قادر استحملها ح احاول بقدر الإمكان ابين ليها لأن بقت كلامها كتير ولحاحه وبايخة وشينة زاتو..!
_علي اساس كانت مكسراك فالبداية.!
_خدعتني اسوي شنو..!
_هسي يعني حتسوقها.
_لالا ولا سايقها ولا يحزنون وكان دايرة تزعل براحتها..!
_يا اهبل سوقها واتفكفك منها هناك..!
_قولتك كدة؟
_اسمعني مجرب انا افتعل اي مشكلة ولومها مرتين تلاتة بتعتقك
_ظابط نمشي نلحقها قبل تتهور..!
_-_-_-
_(رن هاتفها الذي لم تستطع تجاهله)نعم؟
_زعلتي؟
_لا
_متاكدة؟
_وليه ازعل يعني؟
_يعني ما حتفرق معاك المشية ابطل العربية؟
_شنو؟يعني حتوديني،ما جادي،يخ بحبك بحبك والله مسافة توصل ح اكون جاهزة..!
_اوكي لوف يو..!
_لوف يو او..!(اغلقت الخط ثم حادثت نفسها)يس وأخيرا حس.
_-_-_-
(وصلهم والدم يغلي في كل انحاء جسده جلس تارة وجال في المكان تارة) أنا ما فاهم يعني شنو الذلة دي،شايف اخرة المشي ورا الاستاذ فارس؟مبسوط كدة؟انا وحدة بت ناس تمشيني بمزاجها،انا كعبدالرحيم ما كنت فاهم موقعي من الاعراب شنو فما بالك بيها اللي كانت بتقول لي انت دليفري ومحتاج،محتاج؟هي منو الوراها اني محتاج شكيت ليها ولا حاجة؟طيب شكيت ليك ما اكون وانت قلت ليها؟يا رب صبرني علي اليوم د،يا الله.!
_عبدو اهدأ ايزي يا مان بتحصل.!
_بالنسبة ليك لكن انا ما عادي بالنسبة لي.
_د كلام شنو د؟
_(نظر الي ساعته ثم امسك بعمود انفه وقال)عموما أنا ماشي البيت..!
_سوقني معاك..!
_ما حتمشي لي سيلين
_ما تذكرني.!
_فشنو؟متشاكلين تاني؟
_ياريت المرة دي قالت المفروض ننفصل
_دي اخرة مباراة البنات.
_شكرا علي الطبطبة.
_اصلا ما بقصر.
