_(احتضنتها قبل أن تؤكد على وصاياها )اوعك تنسى الوريتك ليهو سامعاني مهما كان اوعك تضعفي قدامه..!
_حافقدك..!
_اوعك تبكي يهبلة بكرة علاقتك بفارس تتصلح وتنسيني..!
_مستحيل أنساك ولا أنسى فضلك علي خالص ..!
_خلاص اطلعي ليهو وبطلي شكر..!زي ما حفظتك..!
_حاضر
.....
_عبدو يخ ما تمشي كيف يعني اقعد برأي(وفور أن رأها تلخبط حديثه )كيف حتقعد براك هاا؟كيف؟
_فارس انت كويس دشنو الخارجيات دي؟
_(إنتبه لنفسه )كنت بتقول فشنو؟
_(وصلته وهي تتمايل بثوبها الأحمر الحريري،لم تعتد على الكعب العال لذلك فور أن وصلته تعترت قدمها ومالت عليه )اسفة اتعترت..!
(بعد أن امسك بها،اخذ نفسا عميقا وهو يستنشق رائحتها )ولا يهمك،انتي كويسة؟
_أيوة،نمشي؟
_ااا،أيوة يلا،خلاص يا عبدو اشوفك مرة تانية نحن اتأخرنا ..!(حمل حقائبها وخرج لتلحق به )
_عملتي ليهو شنو يخسيسة..!
_ما كتبتو عند الشيخ بس وريت بت الناس فهم أخوك النسونجي د شنو..!
_انتي بتقولي عنو نسونجي قدامي اخجلي مرة..!
_ يزول دي الحقيقة ولا لا..!
_(صمت لوهلة ليشتت تركيزها،ثم احكم قبضته حول خصرها )حقيقة ولا ما حقيقة ما شغلتي لكن انا سفرتي دي شهر عسل غصب عن كل زول..!
_عبود،اشدخل خليني امشي..!
_ابيت لا في زول معانا ولا في زول حيشوفنا ولا عندك حجة عشان كدة احسن تخليك ساكتة عشان ما اسكتك بإسلوبي..!
_بالمناسبة انت بقيت واحد قليل ادب،وفاكي ساي ..!
_احلفي؟انا اصلا من ما شفتك نسيت الأدب..!(اقترب منها قليلا)
_(جاء من الخارج علي عجلة )عبدو انت ال ...(وعندما رأهم غطي عينيه )اسف والله اسف جيت عشان أسألك لكن خلي بالتلفون يعمك. .!
_(تركها ليلحق به )فارس استني ..!في حاجة؟
_لا خلاص نسيت داير اقول شنو زاتو المهم رحلة سعيدة..!
_لنا ولكم..!
_(عاد إلى الداخل )كنا واقفين وين؟
_عبود ما جادي شفت فارس قبضنا ونحن بنتعاور زي الشفع..!
_يزولة مش مرتي ما يشوف قدر شنو بحبها..!
_لو قربت تاني بطلقك ونشوف مرتك كيفن..!
_بتهدديني؟(نظر إليها بتحد لتركض وهو وراءها )
_(قالت ولضحكتها صدي )عبود خلاص هتعب من الجري..!
_روني أحسن تقيفي بالزوق .!
_(تحركت بإتجاه وامسكت بياقة قميصه)قلت مين؟
_روان الله في حاجة؟
_لا ما قلت روان قلت اسم تاني احسن تعترف قبل ما اقتلها واشرحها واجيبها ليك مقطعة واأكلك ليها فشكل واجبات فطور غدا وعشا،دي اخرتها تمام(وبدأت بالبكاء)
_(اقترب منها وهمس في اذنيها)علفكرة قلت اسمك بس د دلع عشان اوقفك وعرفت اجيبك،قربتي حتي وانتي رافضة تقربي والدموع دي ما أشوفها تاني،وحتي لو في غيرك مليون فحياتي حيبقي اسمك متملك لساني ولو حاول ينطق بأسم غيرك لازم ي..(اغلقت فمه بيديها )
_(احتضنته لتقول وهي تلاعب أزرار قميصه )عبود انت عارف انا محظوظة جدا عشان انت فحياتي،أنت الهدية المثالية الاداني ليها ربنا وحافضل أشكره عليها طول عمري..!
_(ضمها بين ضلوعه)خلاص ما تبكي يمجنونة..!(وبدأ جدال آخر بينهما انت المجنون وانتي ودامت هذه الحالة لساعات شجار ثم صلح ثم شجار آخر وبعده صلح اخر )
