____________|||||||_____||||||______||||||_______
_خالتي عليك الله وريني وين فارس؟
_اتسجن بسببك..!
_بسببي؟
_عاملة رايحة..!مش ضرب أحمد وفرج الحلة كلها علينا..!بعدين احمد مشا قدم فيهو بلاغ..!
_ما لازم يحصل كدة المفروض اطلعو.!
_من الافضل أنك تبعدي عن ولدي وتخلي فحالوا..!انا ما عارفة اختي ماتت وخلت لي ياتو مصيبة ..!
_(بدأت بالبكاء )انا حاصلح غلطي وحاطلعو ما تخافي..!
_لاا شكرا خليك بعيدة من الموضوع طول عمرك شوؤم والناس وعتني وانا ابيت أصدق..!.
_اعمل شنو دي حاجة ما في يدي د قدري..!كتبتو براي؟مش ربنا الكتبو لي يبقا انا راضية بيهو..!
_يبت هييي خشي لمي هدومك وشوفي عايزة تمشي الخرطوم ترجعي بيتكم بطريقتك لكن تاني ما اشوفك جنب ولدي تقومي تقتلي علي يا يمة..!
_لكن..(قاطعتها)
_ما لكن ولا حاجة خشي لمي حاجاتك اطلع واجي ما القاك فالبيت د..!(ذهبت وتركتها)
_حامشي وين.!(جلست علي الأرض وبدأت بالبكاء،بعد دقائق نهضت ثم جهزت حقيبتها وخرجت وعينيها لا زالت تنزف ماء)
______----
_يا جنابو أنا المفروض أمشي بعد كدة..!
_تمشي وين؟
_انا مش حكيت ليك القصة وفهمتك الموضوع وقلت لي تمام ليه بيتتني هنا؟
_ لما أحمد يجي..!
_انا المفروض أمشي..!
_ح تنتظر ولا اخليك تنتظر بأسلوبي..!
_والله...(وقبل أن يتهور قاطعه دخول رجل في منتصف الاربعينات بجسم هزيل وشعر اسود بانت صبغته،خاتمه الفضي علي يده ولمعته شئ من نوع آخر،لباسه الرسمي وانضباطه،مشيته قصة ثقة منفصلة،حذاءه الذي لا زال يلمع رغم كل تلك المسافة التي قطعها من سيارته "المرسيدس" إلى داخل مركز الشرطة،نظرته الحازمة وهو يتحدث..!وكل تلك التفاصيل المبهرة رغم تقدم عمره؛ كأنه شاب عشريني)
_السلام عليكم..!انا السيد الحسين والد احمد..!انا سحبت الشكوى بالنيابة عنه..!في سوء تفاهم حصل واتحل الحمدلله
_طيب في إجراءات لازم تتم حتى يطلع..!
_المهم انو يطلع..!
_(قال في حيرة )انا مش دقيت ولدك ليه بتدافع عني؟مش كنت حاقتلو؟
_عشان انت عملت حاجة دلعي من عربات لي قروش لي سفر ما عرفوا يعملوها..!وبعدين إي راجل فمكانك كان حيتصرف كدة..!
_ما فهمت..!
_ يعني امك عرفت تربي راجل..!موقفك كان فمكانو..!نكتفي بهذا القدر كمل إجراءاتك واتفضل على بيتكم..!
_انا كنت منتظر اطلع من هنا عشان ارفع عليهو قضية تح.رش بس كأنك جيت وامتصيت غضبي وعشان خاطر حضرتك حاكتفي بالضرب الضربتو ليهو.!عموما شكرا..!
_يعني كنت واثق أنك حتطلع..!
_أيوة لأني ما غلطت..!
_لسة مقتنع بكدة؟
_يعني انا غلطت؟
_انت عملت الصح بس بأسلوب غلط..!
_أمم..!عموما شكرا مرة تانية وفرصة سعيدة..!
_أنا الأسعد..!ربنا يحفظك..!(قالها وهو يربت على كتفه )
_____
_(رمي الملفات على الأرض)ما حاقبل اي دكتور ولا دكتورة فيزيائي/ة تاني ما شايفين الحصل؟ما عايز اقتل ناس اكتر من كدة..!
_فريد حاول تفهم..(قاطعه )
_ما عايز افهم اي حاجة ادوني شهر لحد ما جسمي يتحسن شوية وحاتعلم المشي برأي من أول وجديد..!
_فريد لو الشغلة ساهلة كدة ما كان عملوا ليها دكاترة..!
_انا ما حاجيب لي زول اقتلوا تاني..!نقطة الكلام منتهي..!
_طيب ممكن تتابع مع الطبيب النفسي؟
_انا ما مجنون دي مجرد فترة ضغط وحتمر..!
_أنت ليه ما عايز تفهم انو المرض النفسي ما بيعني انو صاحب المرض مجنون بعدين المرض النفسي بختلف عن المرض العقلي..! انت....(قاطعه )
_قصي ما تحاوول تقنعني..!اطلع لى برا عايز انوم
