- أنه يحبّها ..
كيف عرفت ذلك ؟
- ألا تراه، لا يستطيعُ أن يُرتّب جُملةً مُفيدةً عندما يكون أمامها ..!💙
------------------------------------------------
في أحد المستشفيات بمدينة الخرطوم نهض شاب في نهاية العشرينات وهو يقول:خلاص انا ح امشي بعد كدة..!
_تمام ابقى طمنني
_صحي مش قلت لي نور صحت ح اشوفها وامشي بعد كدة..!
_طيب خلي بالك..!
_وانت كمان..!(قالها وهو يتحرك بإتجاه غرفتها،وصل ثم طرق الباب ليسمع صوتها وهي تقول بعصبية "اتفضلل")
_الدراما كوين صارت الأميرة النائمة..!
_وفور ان رأته اضأت عينيها كأنها انتظرت رؤيته قالت بإبتسامة:أيهم..!
_جلس الي جانبها وهو يقول:قررتي تاخدي بريك من الحياة ولا شنو؟
_اسكت بس كلو بسبب فريد د وبعد د ما عايز يرجعني الشغل..!
_لآ وانتي مبسوطة بالحاجة دي؟عايزة تاني تحصل ليك حاجة؟
_قالت بصورة تمويهية:يعني حتفرق مع زول لو حصلت لي حاجة؟
_نظر إليها "بالعين الحمرة":كيف يعني؟ما تخليني اتضارب معاك بعد بقينا كبار..!
_يعني انت فارقة معاك؟
_طبعا (لم يمهلها حتي تسعد فأردف قائلا )فالنهاية انتي أول وأفضل صديقة لى..!
_قالت وملامحها كشخص اضطر لأكل طعام لا يؤكل:اممم اتفضل امشي كمل حياتك..!
_نهض وهو يقول:انا اصلا كنت حاستأذن..!
_قالت وفي نفسها تتمني ان تقول له "ابق معي لوقت اطول":ما تجي تزورني تاني بالله..!
_قال مازحا:حاجيك أربعة مرات فاليوم يزفت الطين..!
_ توففف طير عامل فيها شخصية مهمة شاحداك جية انا..؟
_انطمي وخشي شوفي مرضك بي وين..!
_يلا من هنا ياض..!(قالتها وهي تراقبه بينما يحاول اغاطتها بوجهه حتي تلاشي عن ناظريها)
_______________
_ركض بإتجاهها وهو ينادي عليها:حجة خديجة..!حجة خديجة..!(وصلها ليقول)وين كنتي من قبيل بفتش فيك..!
_والله يا عبدالرحيم يا ولدي كنت واقفة في أمان الله فجأة لمحت بتي فالمستشفي ولمن جيت سألت قالوا لي عيانة متين هو؟انا هسي خليتها كانت عافية..!
_بتك؟عندها شنو؟
_انسام،بري قالوا لي انهيار عصبي،لكن كانت كويسة..!
_ضحك ثم ضرب كفيه معا وامسك برأسك:لا كدة كتير،مستحيل..!
_فشنو يا ولدي مالك؟الشمس كانت كعبة برا اوعا تكون جاتك حاجة نحن ما ناقصين..!
_والله لو احكي ليك القصة دي ما حتصدقي..!اتخيلي انو انسام مرت فارس وفارس كان بيفتش فيها فكل البيوت وما لقاها إلا في بيت حاج نصري اللي استضافنا بالصدفة عنده بس عشان فارس يستحمي وما عندنا اي صلة بيهو وبالصدفة طلعتي بتعرفيها وانا كنت متحير حاوديها وين وهي اصلا جات من وين؟ فاكتشف انو عندك بيها علاقة سبحان الله..!
_ربنا لمن يكون كاتب حاجة بتحصل لو نسميها صدفة او قدر او غيره..!
_قال وابتسامته من الضرس إلى الضرس:خلاص جهزيها حاوصلكم بيتكم عشان اعرفوا وين زاتو..!(اخرج هاتفه وهو يقول آخر كلماته، أخذ هاتفه يرن كما لو انه يتصل بشخص ما)الو..!ازيك.!
_قالت بشوق:عبودد..!اشتقت ليك.!
_وانا يا عيون عبود بس ما ح نطول..!
_ليه ما اتصلت علي..؟زعلانة منك..!
_اسكتي الدراما الحصلت هنا شطبت مخي..!
_فشنو فارس كويس؟
_لالا كلنا بخير الحمدلله..!بس حصل انسام حكت ليك عن امها ولا حاجة بالشكل ده؟ولا وحدة بتعتبرها امها؟
_كيف؟يعني لقيتوها؟
_ااي الحمدلله بس في حاجات لازم نحلها قبل ما نجي..!اها حاولي تتذكري معاي..!
_(أخذت وقتا وهي تتذكر،ثم قالت فجأة)ايووة..! تتذكر ايام التمثيلية بتاعتكم ديك كنت قلت ليها ليه ما كملت قرايتها قالت لي امها مرة كبيرة فالسن حاجة زي كدة انا ما متذكرة كويس بعدين ممكن تكون قصة من خيالها حسب التمثيل زي ما كذبت علي وقالت انها مخطوبة ممكن تكون فبركت قصة امها دي..!
_خلاص بتصل عليك بعدين..!
_خلي بالك من نفسك..!
_الجملة البتجهجه افكاري..!
_ضحكت لتقول:برضو خلي بالك من نفسك..!
_وانتي كمان ابقي علي بتي عشرة..!
_حاقفل الخط واتجاوز أنك طلبت مني اخلي بالي من نفسي عشان بتك..!(قالتها ثم أغلقت الخط)
_مجنونة..!
