_انت فاكرني عبيطة؟ما في زول بيتغير بين ليلة وضحاها ومافي مشاعر بتتغير كدة د كله تزييف وميكياج مؤقت وبمجرد الأنا عاملاهو د يختفي كل اللي حاسس بيه حيختفي فبالله عليك كفاية تغش نفسك وتغشني معاك لانو احنا الاتنين عارفين نهاية علاقتنا شنو انت عارف كويس انت ليه بتعاملني كدة وانا مستحيل انسي كيف كنت بتعاملني وما تحاول تقرب مني تاني عشان ما ح يحصل خير..!وبمجرد ما تمثيليتنا دي تنتهي ونرجع الخرطوم تسلمني ورقتي..!انا خليت القراية بسبب الزواج الفاشل د مستحيل أفكر أكمل فيه علي حساب دراستي اتخليت عن كل حاجة بحبها عشان امشي معاك وفي الأخير النتيجة كانت خسارتي لكل شي، انا معاك خسرت حتي احترامي وثقتي وكل حاجة بخجل اقول عنك راجلي بل بخجل اقول عنك راجل اصلا انت أسوأ حاجة حصلت لي في حياتي وأسوأ عقاب عاقبني ليهو ربنا انا بكرهك من أعماق قلبي بكرهك بكل المشاعر الجواي بكره كل لحظة لمستني فيها وكل دقيقة حبيتك فيها ببساطة انت أكبر غلط انا غلطتو..!وما عملت التغيير د عشان ابهرك بالعكس عملتو عشان اوريك مكانتي اوريك انو انا بقدر اكون الحاجة العايزاها فالوقت العايزاهو عشان اوريك انو لو ما أنت اخدتني في الف غيرك يتمناني فارس انا زهجت منك ومن طفولتك وعدم وعيك زهجت من مراهقتك اللي ما بتنتهي ديمة عليك طايش قراراتك متذبذبة وحياتك جايطة انا ما عارفة أقول ليك شنو بالضبط لكن بالجد تعبت لأنك بتغلط وأنا بصلح بتهينني وبمشيها ليك علي امل تفهم وتعاملني كويس فيوم لكن أنا تعبت من الانتظار بجد هلكت...!(ركضت بإتجاه غرفتها وبدأت بالبكاء )
_____------
المساء:
_فاريييد..!
_خير
_هو انا ح اجيب لك غير الخير؟طبعا انت عارف انا حاليا ما ح اقدر أبدأ شغل غير لما تبقى كويس شوية واعضاء جسمك قادرة تتحمل المجهود،عموما انا الفترة دي ح ابقي معاك بحيث انو اعرف مفضلاتك وروتينك وكدا عشان اكون قادرة أتعامل معاك...!
_والجديد شنو ما كل يوم من جيتي بتقولي لى نفس الكلام..!
_طيب الجديد يبتاع الفضاء انت انو انا بكرة حاجي 4 ص عشان أبدأ معاك روتينك..!
_أربعة صباحا؟
_يابني مش بتطلع تتدرب الساعة اربعة؟
_وح اتدرب كيف وانا كدة
_ح نتدرب بس بكرة لما اجي حوريك كيف يلا باي تصبح على خير حاول تنوم..!(قالتها ثم خرجت )
-----___
_خليك جاهز انا شايف الهدف طالع من باب المستشفى..!
_تم تحديد الهدف..!
_(أنتظر قليلا إلى ان ابتعدت عن أنظار الناس لحق بها ولكنه عاني صعوبة في خطفها واخيرا نومها في وسط مقاومتها التي لم تجدي نفعا )
_البت ف يدنا
_ممتاز..!
____---
_(عادت من منزل "العرس" بعد ان انهوا العمل مع بقية السيدات،توجهت إلى غرفتها مباشرة وخلدت الي النوم دون ان تبدل ملابسها حتي، ربما كانت مرهقة جدا حتى لتلاحظ انها ليست وحدها )
صباح اليوم التالي:
_(نهضت من الفراش وبدأت تفرك عينيها لتستوعب انها ليست وحدها فالفراش صرخت بأعلي صوتها ليصرخ هو ايضا ولحسن الحظ ان والدة زوجها ليست بالمنزل)انت بتعمل شنو هنا؟
_انتي البتعملي شنو هنا انا لما جيت انتي ما كنتي في الغلط منك انتي
_انا برضو لمن جيت انت ما كنت ف...(صمتت لوهلة لتتذكر انها كانت شبه نائمة )اووف كيف رقدت بدون ما اركز اذا في زول ولا لا
_فعلا..!
_اوعا تكون لعبة منك صدقني ح اقتلك لو اكتشفت أنك ورا الموضوع د
_اهو ما قربت منك د قدر ربنا
_استغفر آلله العظيم يا رب،فارس الجابك تنوم هنا اصلا شنو؟
_يا بت الناس مش غرفتي؟
_فارس الله كم؟ما تجننني
_يخي الأوضة وخليتها ليك..!(خرج ليرجع بعد لحظات)ح تقومي تسوي لى قهوة ولا اشتكيك للبوليس
_فارس بتعرف اللعنة؟بس عشان ما العنك طير من وشي..!ابو تقل دمك ياخي
_يسلملي اللي بيعصب..!(رمت على وجهه الوسادة )كدة يا سلمي؟
_(ركضت بإتجاهه )الواضح أنك عايز كف يعدل ليك مخك د
_خلاص والله خلاص حأقعد عاقل بس القهوة عشان مصدع..!
_ما عارفة كيف قادر تنسى كل حاجة ببساطة كدة..!كيف قادر تتعامل معاي ولا كانو متشاكلة معاك
_القهوة يا انشراح
_بتكلم مع منو انا..!(قالتها ثم ذهبت)
