REAL LOVE {M_Preg} {Complete} Taekook Fanfiction

ép 25

ယနေ့ LAသို့ သွားမည်ဖြစ်၍ အထုပ်အပိုးတွေကိုပြင်ဆင်ကာ ဂျီမင်းဟျောင်းအား အကူအညီတောင်း၍ အင်ချွန်းလေဆိပ်သို့လိုက်ပို့ခိုင်းရလေသည်။ ကိုယ်တိုင်ကားယူသွားဖို့ကျလည်းအဆင်မပြေသည်မို့ အလုပ်မအားသည့် ဂျီမင်းဟျောင်းအား လှမ်း၍ အကူအညီတောင်းရခြင်းပင်ဖြစ်သည်။

"မအားတာသိပေမယ့် မတတ်သာလို့ အကူအညီတောင်းလိုက်ရတာ အားနာပါတယ် ဂျီမင်းဟျောင်း"

"ဟဟ! ဂျောင်ကုက အားတောင်နာတတ်နေပြီလား။ အရင်တုန်းက ဂျောင်ကုနဲ့အရမ်းကိုကွာသွားတာပဲ။ ငါသာမင်းအနားမှာရှိမနေဘဲ အဝေးရောက်နေခဲ့ရင် မင်းကငါသိခဲ့တဲ့ဂျောင်ကုမှ ဟုတ်ပါမလားဆိုပြီး စဉ်းစားမိလိမ့်မယ်ထင်တယ်"

ဂျီမင်းရယ်ပြီး ပြောလိုက်မိသည်။ တကယ်ပင် ဂျောင်ကုက ပြောင်းလဲသွားခဲ့သည်။ အရင်ကဆို ခက်ထန်နေတတ်သည့် မျက်နှာက ယခုတော့သူ၏စိတ်အပေါ်မူတည်ကာ အသွင်ပြောင်းသွားတတ်လေသည်။ သို့သော်အေးစက်ဆဲပါပင်။ တစ်ခြားသူတစ်ယောက်ကို သူဖြစ်စေချင်သည့်အတိုင်း ဖြစ်မလာရင် အလိုမကျကာ လိုသလိုပုံသွင်းပစ်တတ်သည့်သူက ယခုတစ်ဖက်သား၏စိတ်ကို နားလည်ပေးတတ်လာလေသည်။ သို့သော် ထယ်ယောင်းနှင့်ပတ်သတ်ရင်တော့မရပေ။

"ဒါဆို ငါပြန်တော့မယ်နော်။ ဆေးရုံက ဂျူတီ၀င်ရဦးမှာ၊ ထယ်ယောင်းလည်း ဟိုရောက်ရင် ကျန်းမာရေးဂရုစိုက်နော်။ ကိုယ်၀န်ကလရင့်ထဲရောက်နေပြီ"

"ဟုတ် ဟျောင်း"

ဂျီမင်းစကားကို ထယ်ယောင်းပြုံးပြရင်း ပြန်ဖြေလိုက်လေသည်။ LAသို့သွားမည့်ခရီးက ရက်အနည်းငယ်ပင်ဖြစ်သော်လည်း ကိုယ်၀န်ဆောင်မိခင်တွေအတွက်လိုအပ်သည့် အားဆေးမှန်သမျှအား တစ်လစာပင် ထည့်ပေးလိုက်သော ဟျောင်းပါပင်။ အစားကိုလည်းပုံမှန်စား။ အိပ်ချိန်လည်းမှန်အောင်အိပ်၊ ဆေးလည်းမှန်အောင်သောက်ဟု ဆိုသည့်စကားကိုသာ အထပ်ထပ်မှာနေသော ဟျောင်းကြောင့် ထယ်ယောင်းခေါင်းငြိမ့်နေရတာ အခါခါပင်။

"လေယာဉ်က အသိပေးချက်ထွက်လာပြီ ၊ သွားတော့မယ်ဂျီမင်းဟျောင်း"

ဂျီမင်းအားနှုတ်ဆက်ပြီးနောက် luggageကိုတစ်ဖက်၊ ထယ်ယောင်းကိုတစ်ဖက်ဆွဲကာ လေယာဉ်ပေါ်သို့တတ်လာခဲ့သည်။ ထယ်ယောင်း၏ ဗိုက်ကလေးကတော့ ခပ်ပွပွအ၀တ်အစား၏အောက်တွင် မြုပ်နေလျက်။ ယောကျာ်းလေးကိုယ်၀န်ဆောင်ဖြစ်သည့်အပြင် ပထမဆုံးလွယ်ရသည့်ဗိုက်မို့ အရမ်းကြီးပူနေသည်မရှိဘဲ ခပ်လုံးလုံးဖောင်းဖောင်းလေးရယ်သာ။ အကျီအကြပ်တွေ၀တ်လျှင် ပူပြီးဖောင်းနေတတ်သော်လည်း ခပ်ပွပွ long coatကို ၀တ်လိုက်သည့်အခါတွင်တော့ အနည်းငယ်မြုပ်သွားရလေသည်။ သို့သော်လည်း ခပ်ပူပူလေးတော့ ပေါ်နေဆဲပင်။ ထင်ထင်ရှားရှားကြီးမဟုတ်သော်လည်း ချစ်စဖွယ်ကောင်းအောင်ပူနေပါသေး၏။