REAL LOVE {M_Preg} {Complete} Taekook Fanfiction

EP 1(U+Z)

ကြီးကျယ်ခမ်းနားလှသည် မဟုတ်သော်လည်း တင့်တယ်လှသော မဂ်လာခန်းမကြီးထဲ၌ ကျင်းပနေသော မဂ်လာပွဲပင်။ သတို့သားနှင့် သတို့သမီးတို့မဟုတ်ပါပဲ သတို့သားအချင်းချင်းသာ လက်ထပ်ကြသည့်ပွဲပင်။ လက်ခံသူရှိသလို ကန့်ကွက်သူလည်းရှိ၏။ ထို့အထဲမှ အဆိုးဆုံးကတော့ သတို့သားနှစ်ယောက်၏ ဆန္ဒမညီသော လက်ထပ်ပွဲပင်။ တစ်ယောက်က လက်ခံသော်လည်း တစ်ယောက်မှာ ခါးခါးသီးသီးငြင်း၏။

"ဘုရားရှင်အား ဦးခိုက်ပါ၏"

ဖာသာ၏စကားအဆုံး ဘုရားရှင်အား ဦးခိုက်လိုက်ကြသော သတို့သားနှစ်ဦး။

"မိဘများအား ဦးခိုက်ပါ၏"

"တစ်ဦးကိုတစ်ဦး ဦးခိုက်ပါ၏"

"သတို့သား Jeon Jungkookသည် သတို့သား Kim Taehyung အား အိုသည်ဖြစ်စေ နာသည်ဖြစ်စေ ကျိုးသည်ဖြစ်စေ ကန်းသည်ဖြစ်စေ နာမကျန်းသည်‌ဖြစ်စေ ကျန်းမာသည်ဖြစ်စေ သေတစ်ဖန်သက်တစ်ဆုံး ပေါင်းသင်းနိုင်ပါသလား"

ဖာသာရဲ့စကားအဆုံး တိတ်ကျသွားသော Jungkook၏ အသံ။ အတန်ကြာပြီးနောက်မှ တည်ငြိမ်စွာ ထွက်လာ၏။

"ပေါင်းသင်းနိုင်ပါတယ်"

Jungkook၏ အ‌ဖြေစကား‌ကြောင့် Taehyungမျက်နှာလေးညှိုးနေရာမှ အနည်းငယ်ပြုံးမိသေး၏။

"သတို့သား Kim Taehyungသည် သတို့သား Jeon Jungkookအား အိုသည်ဖြစ်စေ နာသည်ဖြစ်စေ ကျိုးသည်ဖြစ်စေ ကန်းသည်ဖြစ်စေ နာမကျန်းသည်‌ဖြစ်စေ ကျန်းမာသည်ဖြစ်စေ သေတစ်ဖန်သက်တစ်ဆုံး ပေါင်းသင်းနိုင်ပါသလား"

"ပေါင်းသင်းနိုင်ပါတယ်"

"မဂ်လာပွဲဖြစ်‌မြောက် အောင်မြင်သွားပါပြီ သတို့သားနှစ်ယောက် နမ်းနိုင်ပါပြီ"

ကွပ်ခနဲပျက်သွားသော Jungkookမျက်နှာကြောင့် Taehyungအနည်းငယ် လန့်သွားမိ၏။ သူမနမ်းပဲ တစ်ခုခုများလုပ်လိုက်မလား။ မဂ်လာပွဲကိုများ ဖျက်ဆီးလိုက်လေမလား။ ဒါမှမဟုတ် လူအများအလယ်မှာ အရှက်ခွဲမှာလား။

"ဟင်!"

အတွေးမဆုံးခင် ထိကပ်ခံလိုက်ရသော နှုတ်ခမ်းဆီမှ ခပ်နွေးနွေးအထိအတွေ့‌ကြောင့် Taehyung စိတ်ထဲ ကြိတ်၍ သက်ပြင်းချမိ၏။