REAL LOVE {M_Preg} {Complete} Taekook Fanfiction

ep 24

ဆိုယောင်းနဲ့မီနာ လက်ထပ်ခဲ့တာ ယခုဆိုလျှင် သုံးလတင်းတင်းပင်ပြည့်လေပြီ။ သုံးလပြည့်ပြီးသည့်နောက်တွင် မီနာက ကိုရီးယားကို ပြန်ချင်ပါသည်ဟု စကားဆိုလာသောကြောင့် ကိုရီးယားသို့သွားရန် လေယာဉ်ကွင်း၌ ရောက်ရှိနေတာဖြစ်သည်။ ခွန်နစ်ကတော့ ထိုင်းနိုင်ငံ၌သာ ကျန်နေခဲ့လေသည်။

"P' အစစအရာရာ ဂရုစိုက်ပါနော်။ နွန်က P'ကို ဂရုစိုက်မပေးနိုင်တဲ့အတွက် တောင်းပန်ပါတယ်"

"မလိုပါဘူး နွန်ရယ်။ နွန်ရဲ့P'က ဘယ်လောက်တောင်သန်မာတဲ့ မိန်းကလေးလဲ ဟင် "

လက်မောင်းကိုကွေးကာ ထွက်မလာသည့်ကြွက်သားအား အတင်းညှစ်ထုတ်ပြရင်း မျက်ခုံးလေးပင့်ကာ ပင့်ကာဖြင့် ဆိုလာသော နစ်ကြောင့် နွန်ရော မီနာပါ ပြုံးလိုက်မိသည်။

"ခွန်နစ်ကို မီနာက လက်တွဲဖော်လေးရှာစေချင်တယ်။ ဆိုယောင်းကို မီနာကဂရုစိုက်ပေးမှာမို့ ဆိုယောင်းအတွက်စိတ်မပူပါနဲ့။ ခွန်နစ်ကသာ နောင်ရေးအ‌တွက် လက်တွဲဖော်ရှာပါနော်။ အဲ့တာက ဆိုယောင်းရော မီနာပါ ခွန်နစ်ကိုမှာချင်တဲ့အရာပါ။ အခုတောင် ဆိုယောင်းက ခွန်နစ်ကိုစိတ်မချဖြစ်နေတာ။ နေခဲ့ပါ‌‌ဆိုတော့လည်းမဟုတ်ရဘူး၊ လိုက်ခဲ့ပြန်တော့လည်း ခွန်နစ်ကို တစ်ယောက်တည်းမို့စိတ်မချဘူးတဲ့။ အဲ့တာကြောင့် ခွန်နစ်က ဆိုယောင်းစိတ်ချရအောင် လက်တွဲဖော်ရှာလိုက်ပါ"

"P'ရဲ့ နွန်လေး စိတ်ချချသွားပါ၊ P'လည်း လက်တွဲဖော်ရှာပါမယ် စိတ်မပူပါနဲ့"

"ရသွားရင် ဖိတ်စာလှမ်းပို့ လာခဲ့မယ်"

"နွန်က ကိုရီးယားကိုရောက်သွားရင် အားပါတော့မလား။ ပတ်ဆိုယောင်းဆိုတဲ့ နာမည်ကြားတာနဲ့တင် လူတွေဝိုင်းအုံလာစေမယ့် နာမည်ကြီး kpop idolတစ်ယောက်က သွားချင်တိုင်းသွား ၊ လာချင်တိုင်းလာရပါ့မလား"

"P'အတွက်ဆို လုံး၀အားတယ်"

ဆိုကာ ခွန်နစ်အားသိုင်းဖက်လိုက်သော ဆိုယောင်းအားကြည့်ကာ မီနာပြုံးမိသည်။ ဆိုယောင်းက ဖြူစင်လွန်းတဲ့ကလေးလေးတစ်ယောက်လိုပဲ။ အရမ်းကို အပြစ်ကင်းလွန်းတယ်။