အချိန်တွေကုန်လာသည်နှင့်အမျှ ထယ်ယောင်း၏ဗိုက်ကလေးမှာ ပိုပိုပြီးပူထွက်လာကာ မွေးဖွားဖို့အချိန်ပင်နီးကပ်လာပြီဖြစ်သည်။ မွေးဖွားဖို့နီးလာသည်နှင့်အမျှ စိတ်မချနိုင်စွာ တစ်ဖွဖွမှာတမ်းခြွေနေသူ ဂျွန်သခင်ကြီးမှာတော့ LA၌ပင် မနေနိုင်တော့ဘဲ ကိုးရီးယားသို့ လိုက်လာသည်အထိပင်။
အရင်တစ်ခေါက်က ဂျောင်ကု၏အလုပ်ကိစ္စဖြင့် LA၌တစ်ပတ်လောက်သောင်တင်ပြီး ပြန်လာသည့်အချိန်အထိပင် ဂျွန်သခင်ကြီးမှာ LAမှ လုပ်ငန်းတွေအား လက်စမပြတ်သေးဘဲ ရှိနေသော်လည်း တစ်လလောက်ကြာသည့်အခါတွင်တော့ ဆိုင်းမဆင့်ဘုံမဆင့်ဖြင့် ကိုရီးယားသို့ရောက်လာခဲ့ခြင်းပင်။ အရင်ကတည်းက ထယ်ယောင်းအားချစ်သည့် ဂျွန်သခင်ကြီးမှာ ယခုအချိန်တွင်တော့ ထယ်ယောင်းအားဖူးဖူးမှုတ်ထားမည်ဆိုတာ ဧကန်မလွဲပင်။
ထို့ထက်မကသည့်အကြောင်းအရာတစ်ခုမှာတော့ ပတ်ဘိုဂမ်နှင့်ဂျီအွန်းတို့၏လက်ထပ်ပွဲအတွက်ပင်ဖြစ်သည်။ နောက်ဆုံးမှာတော့ ဂျွန်သခင်ကြီး၏ မြေးလိုချင်သည့်ဆန္ဒတွေက အကောင်အထည်ပေါ်လာပြီဖြစ်သည်။ သားဖြစ်သူကလည်း အိမ်ထောင်ကျပြီဖြစ်သလို၊ သမီးဖြစ်သူမှာလည်း အိမ်ထောင်ပြုဖို့ လမ်းစပျိုးလာခဲ့ပြီဖြစ်သည်။
4 years later,
"ဆူယောင်း၊ ဝူယောင်း ကျောင်းသွားရအောင်"
အကျီလဲနေရင်းမှကြားလိုက်ရသော ပါပါး၏အသံကြောင့် ဆူယောင်းနှုတ်ခမ်းလေးဆူထွက်လာရလေသည်။
"အဲ့ဒီပါပါးကလည်းလေ သူများကမှ ကျောင်းသွားရမှာ ပျင်းပါတယ်ဆို ခနတိုင်းကျောင်းသွားဖို့ပဲပြောနေတယ်"
ပင်ကိုယ်အကျင့်ကပင် အစွာဓာတ်ခံလေးပါသည့် ဆူယောင်းက တစ်ခုခုဆိုလျှင်နည်းနည်းလေးမှပင်မခံတတ်သည့် စွာတေးလန်လေးပင်ဖြစ်သည်။ ဆူယောင်း၏အမွှာမောင်လေးဖြစ်သည့် ဝူယောင်းမှာတော့ ဆူယောင်းနှင့်ဆန့်ကျင်လွန်းလှစွာပင် အနေအေးကာ လိမ္မာ၏။
"ဆူယောင်း ကိုယ့်ပါပါးကို အဲ့လိုမပြောရဘူးလေ၊ ပါပါးက သမီးကို ပညာတတ်ကြီးဖြစ်စေချင်လို့ စေတနာနဲ့ပြောတာကို အခုလိုအပြစ်တွေတင်နေတာ daddy မကြိုက်ဘူးနော်"
YOU ARE READING
REAL LOVE {M_Preg} {Complete} Taekook Fanfiction
FanfictionKookv fanfiction Start date - 22nd April, 2022 ( Friday ) End date - 3rd April, 2023 (Monday)