REAL LOVE {M_Preg} {Complete} Taekook Fanfiction

ép 19

အခန်းတစ်ခုထဲတွင် သံကြိုးတွေဖြင့် ချည်နှောင်းထားခံရသည့်လူတစ်ယောက်။ ပတ်၀န်းကျင်အား ခပ်စိမ်းစိမ်းအကြည့်သေတွေဖြင့် စိုက်ကြည့်နေကာ ခေါင်းကိုအတွင်တွင်ခါယမ်းနေလေသည်။ ထိုသူသည်ကား ကင်မ်မီဆိုပင်ဖြစ်သည်။

"မဟုတ်ဘူး မဟုတ်ဘူး"

သူမအနှစ်နှစ်အလလ ဖုံးကွယ်ထားခဲ့သည် psychoဆိုသည့်ဤအရာကြီးက ကင်မ်ထယ်ယောင်းဆိုသည့်သူနှင့် ပြန်ဆုံတွေ့ကာမှ ဖြစ်လာရပြန်သည်။ ကင်မ်ထယ်ယောင်းကို သူမသိပ်မုန်းသည်။ သူမရဲ့ မကောင်းတဲ့စရိုက်မှန်သမျှကို သူနှင့်မှ ဖုံးဖိလို့မရအောင် ပေါ်လာခဲ့ရသည်။ သူမ၏ပုံမှန်ဖြစ်နေသည့်စိတ်က ကင်မ်ထယ်ယောင်း လူပျိုပေါက်ဖြစ်လာချိန်မှာ ဆိုးရွားဖောက်ပြန်လာသည်။ ကင်မ်ထယ်ယောင်းက ယောကျာ်းလေးဖြစ်ပြီး လှသည်။ နူးညံ့သည်။ ယဉ်ကျေးသည်။ လူတိုင်းကို ဖော်ရွေတတ်ပြီး လူတိုင်း၏အချစ်ခံပုဂ္ဂိုလ်လည်းဖြစ်သည်။သူမကတော့ ထိုလူသားနှင့် ဆန့်ကျင်စွာပင်။ ဆိုးသည်။ ကြမ်းတမ်းသည်။ တစ်ဇွတ်ထိုးနိုင်ပြီး တစ်ယူသန်သည်။ လှသည်ဆိုသည့် ဂုဏ်ပုဒ်ကလွဲလျှင် ကောင်းသည်ဆိုသောအရာတွေကို သူမမပိုင်ဆိုင်ခဲ့ပေ။ ထို့ကြောင့်ပင် ထယ်ယောင်းကို သူမမုန်းသည်။

သူ့ကြောင့်နှင့် စိတ်ဆေးရုံမှာ ခြောက်လလောက်နေခဲ့ရသည်။ သူ့ကို သူမရဲ့ချစ်သူဖြစ်သည့်လူက ချစ်ကြောင်းဖွင့်ပြောသည်ဆို၍ ပေါက်ကွဲရာကနေ မထိန်းနိုင်ပဲ စိတ်လွတ်သွား၍ စိတ်ဆေးရုံရောက်ခဲ့ရခြင်းပင်။ ထိုဆီကနေ ထွက်ပြေးပြီး အိမ်ပြန်လာကာ တစ်ယောက်တည်း တံခါးပိတ်နေရင်း ကိုယ့်ကိုယ်ကို ပြန်ကုသရသည်။ ပြန်ကုသပြီး သက်သာလာသည့်နောက်တွင် ကင်မ်မီဆို ထယ်ယောင်းကို သည်းခံပြီးပေါင်းသင်းကြည့်သည်။ သို့ပေမယ့်လည်း စိတ်တိုလာတိုင်း ထိုလူသားအောင် သေလောက်အောင် ရိုက်နှက်လိုက်ရမှ စိတ်ကပြေတတ်သည်။မဟုတ်လျှင် တစ်နေကုန် စိတ်မကြည်ဘဲ ဖြစ်တတ်သည်။

ထို့နောက်တွင်တော့ ဂျောင်ကု။ သူ့ကို စမြင်မြင်ချင်း သိပ်ကိုစွဲလမ်းခဲ့သည်။ ကင်မ်ထယ်ယောင်းက သဘောကျနေသည့်လူဆိုပြီး ပြရာကနေ အမှတ်မထင်မြင်မိပြီး မူးယစ်ဆေးလို စွဲမက်သွားသည့်ထိုလူ။ ကမ်ထယ်ယောင်းကလည်း ထိုလူ့နောက်ကို တစ်ကောက်ကောက်လိုက်ကာချောင်း၏။ မုန်းသည်။ သူလုပ်နေတာတွေကို ဂျောင်ကုက သတိထားမိပြီး သူ့အပေါ် ဂျောင်ကု စိတ်ယိုင်သွားမှာ သိပ်ကိုစိုးရိမ်သည်။ ထို့ကြောင့်လည်း ဂျွန်မိသားစုအကြောင်း စုံစမ်းပြီး ဂျွန်ဂျီအွန်းနဲ့ မိတ်ဆွေဖွဲ့ခဲ့သည်။ ထို့နောက် ဂျွန်ဂျီအွန်းဆိုသည့် သူမမွေးနေ့ပွဲမှာ ထယ်ယောင်းကိုခေါ်သွားပြီး အိပ်ဆေးခတ်ကာ ကြံခဲ့သည်။