يا صُدفتي النادرة وياهلاك البشر

Part 3

-
بـ قرية " آل هازع "
بـ بيت ام وضاح ..

جلست جنبها وصبت لها القهوة ومدته لها : يمه وش بتسوين بسالفة ساره؟
ام وضاح بتعب : اختس ذي مدري وش علتها عوبه عوبه
عزوف بزعل : يعني وش بتسكتين؟ حرام ساره ام ١٤!
ام وضاح هزت راسها : لا بتكلم وبكلم وضاح اخوتس يكلمها يشوف لها صرفه بعد
عزوف تنهدت : حسبي الله عليها من اخت
ام وضاح : اختس يا عزوف عيب تدعين عليها
عزوف بعصبية : تستاهل الودرة مستفزة الله يفك الكل من شرها
دخل رواف ببتسامته وعيونه عليها : افا وش مزعل عزوفنا؟
عزوف تسندت بتعب : من غير اختك الكبيرة المريضة
جلس جنبهم وناظر امه بجدية : ايه يمه بالله تدخلي سوي اي شي
ام وضاح بعصبية : وانتوا وش فيكم تضغطون علي؟ بحاول حتى انا مانيب راضيه حفيدتي تتزوج بهالعمر
عزوف انسدحت وهي تعدل قميصها : اذا ماسمعت الكلام يارب تموت وتنتهي مشاكلنا
ام وضاح بحدة : وقص لسان يا عزوف كم مرة اقولك لا تدعين على اختس؟
عزوف ببرود : بدال اهتمامك ببنتك الكبيرة شوفي مزون ترا ولدها المسكين مغير يتعب وتراكض وراه حتى نفسيتها تعبانه
ام وضاح مسكت راسها بتعب : يالله انك تحسن الحال كاني بشقى على اخر عمري
وقفت بصعوبة وطلعت برا بمساعدة رواف ورجع لها معصب : وانتي وش فيك الا غصب ترفعين ضغطها!
عزوف بملل : كان ماعندك شي مهم اطلع برا
رواف جلس بهدوء وتنحنح : اسمعي
ناظرته و تمتمت بالرد : ههـم!
رواف برتباك : اخوك وضاح امس مكلم امي عن البنت الي جتنا قبل فترة
جلست على حيلها بفضول : ليه وش عنده؟ صاير شي؟
رواف التفت لناحية الباب ورجع يناظرها : يقول انه شافها يوم لقاء كلمة الكبير اهي وثنتين معها وركضوا انحاشوا برا القرية
عزوف بستغراب : ليه انحاشوا؟
رواف رفع كتوفه : مدري ، بس الموضوع مو هنا
عزوف بفضول : اجل؟
رواف : انا بنفسي انا وامي طلعنا وراها يوم الكل راح ينام ولقيناها ما ابعدت عن القرية بواجد بس انها طلعت للصحراء
عزوف بخوف : ايه؟
رواف تنهد : المهم ركبناها معنا قلنا بنوصلك وبالطريق وقفونا الشرطة واخذونا للقسم واهلها هناك اخذوها
عزوف بخوف ضربت خدها : ياويلي الشرطة!
رواف بحماس : ايه اهلها مبلغين المهم انها راحت ورجعت بعد ما تمرمطنا انا وامي بالقسم
عزوف : طيب دامها رجعت لأهلها اخوك وش عنده يقول انها شافها؟
رواف برتباك : ذا الي خلاني اشك فيها اهو قبلها كلمني قال اذا شفتها علمني يمكن وراها بلوه هنا بالقرية بس اني سلكت له لأني بنفسي متأكد انها راحت مع اهلها وقلت وش بيرجعها؟ بس يوم قال انه شافها وبلغ القسم الصدق والله اني شكيت فيها
عزوف بخوف : يمه الله يستر لا نبتلش بمشكلة!
رواف : وش السواه؟ اخوك واضح مستقعد لها مايبي يخليها يتوعد لو يشوفها سحبها بنفسه لأهلها
عزوف شهقت بخوف : بذمتك؟ مستحيل لا مايسويها اهو حالف ماتطب رجله بقريتها
رواف : انتي عارفه اخوك بس قلت اقولك تشوفين صرفه للموضوع لا يكبر او تتفاهمين مع امي تحاول تهديه وتسكن شياطينه
عزوف بتعب : ياربي! نخلص من سالفة مزنه وبنتها ولا مزون وولدها التعبان ولا بنفسي ولا بأخوك! المشاكل تتكبكب علينا
رواف تنهد : الله يهدي الحال يارب
عزوف : امين
-
بـ قرية " آل ثايب"