يا صُدفتي النادرة وياهلاك البشر

Part 18

-
بقرب حدود قرية " آل هازع "
مهرجان مُبهج و الكثير والكثير من شعب قبيلتهم كان متواجد ..
مزون بذهول : شكل كل القرية موجودين
عزوف بضحكة : ايه والله صادقه
اتجه لهم رواف وبيده مثلجات ملونة ومده لهم : امسكوا
عزوف شهقت بفرحة : الله يبرد على قلبك قول امين
رواف ببتسامة : امين
مد جراح يده وابعدته عنه : لا ممنوع
بدأ يعبس بوجهه وفجأة بكى ، رواف بضحكة: عطيه شوي الجو حار
مزون بحرص : يتعب على طول
عزوف حن قلبها عليه : طيب لا تاكلينه قدامه حرام
مزون كشرت بملل ومدت مثلجاتها لرواف : امسكها بس شايلته بيدي مايمديني اكل والبرقع بعد ماهو مقصر
رواف بهدوء : خلاص لا جينا بنطلع بشتري لك
مزون بهدوء : خلاص بلاها بس
اما عند عزوف الي رفعت طرف برقعها ولفت للجهه الأخرى وبدأت تاكل ولكن اول ما لمحته مقبل عليهم نزلت برقعها بسرعة ولفت تناظر رواف بتوتر ، الي كان رافع يده له ويلوح له من بعيد ..
قرب لعنده وبدأوا يتكلمون مع بعضهم ..
مزون دقتها بكتفها : شكله شافك
عزوف بخوف : ياويلي
مزون بهدوء : احمدي ربك مالاحظ رواف ولا سوا سالفه ونكد علينا
تقدمت لهم ميساء والأبتسامة مرتسمه على عيونها ومدت يدها لتصافحهم : اخباركم بنات؟
صافحتها مزون بحرارة وبيدها اليسار شايله ولدها : بخير ياحبيبي انتي كيفك؟
ميساء تنهدت : ابد والله اني طلعت انفهه عن عمري شوي
عزوف بفضول : لا يكون ماتطلعين مثلي!
ميساء بضحكة : لا حبيبتي اطلع وما اخلي جاره الا مقلطه عندها بس انتي عارفه من تعبت امي وانا بس قاعده عندها
مزون بحرص : الا صدق وش صار ياعمري عليها؟
ميساء هزت راسها برضى : الحمدلله صارت احسن عشان كذا سياف حب يطلعني يغير شوي من جوي
عزوف ابتسمت : ياحليله والله
التفت عليهم رواف وعيونه على مزون : بتمشون معنا ولا بتروحون لحالكم؟
تلفتوا لبعضهم بـ تعابير محتارة ..
واستغل فرصة السكوت و تكلم على طول : نمشي سوا احسن ولا يا رواف؟
رواف بهدوء : على هواكم
مشى سياف ورواف قدام اما البنات كانوا بالخلف وعيونهم تتناقل على كل شي كان بالمهرجان و تناسوا انفسهم بالسوالف ، حتى عزوف صارت اكثر راحة مع ميساء الي كانت متوسطتهم بالمشي ..
اخذت قطعة قماشيه تمسح يدها بعد المثلجات و رفعتها لناحية شفايفها والأكيد انها اضطرت ترفع طرف البرقع ولكن فزت على طول اول ماسمعت صوته الجامد من خلفها : نزليه
التفتت عليه بسرعة وعيونها على فارق الطول بينهم وتوجهت خلف مزون الي كانت بعيدة عنها بمسافة ..
مزون بإنفعال : وجع عزيف! دخلتي بظهري
عزوف بتوتر : يمه بموت خوف
مزون بخوف : وش فيك بسم الله؟
عزوف بربكه : ا..
قاطعها مداخلة ميساء بينهم وهي تناظر للي بيدها بتفحص ومدت لهم السلاسل : ميته عندهم ما اقدر!
مزون وكأنها تناست عزوف وسحبت سلسلة واحدة وابتسمت : هذي الي صدق تاخذ القلب
اكتفت تسمعهم بدون اية مشاركة وعيونها على سياف الي كان يحاكي ويضحك مع اخوها ولا كأنه قبل شوي كلمها بنبرة قاسية وغريبة عليها ، رغم قلة التواصل بينهم والي يكاد ينعدم ولكن عمرها ماسمعت هالنبرة منه ابد حتى عينه ماكان يرفعها عليها بمجرد ماتكون على النطاق القريب منه عيونه تكون بالأرض ، ولكن الثواني القليلة الي وقفت امامه وعينها بعينه كانت غريبة ومصاحبه لها مشاعر اغرب ..
-
نعود مرةً اخرى لـ قرية بطلتنا ، قرية "آل ثايب "