يا صُدفتي النادرة وياهلاك البشر

Part 6

ظهر يوم جديد ، على ابطالنا .. بأراضي كوريا

مستشفى كبير و اصوات العجة يملئ المكان ، اصوات الأجهزة ، اصوات اللغة الغير مفهومه بالنسبه لهم ..
الجازي بفضول : يبه وين المترجم؟
ابو الجازي : اليوم مافيه شي مهم ولا عند امكم جلسات عشان يجي
نوف بستغراب : واذا حصل واحتجته؟
ابو الجازي : سهلة اتصل عليه ويترجم لي
ذيب بملل : متى بندخل على جدتي؟
ابو الجازي بهدوء : اصبر شوي الصبر زين
الجازي ناظرته : لف الشال على رقبتك الجو بارد
ذيب تأفف بملل وتكتف : انا ابي اقعد عند جدتي كثير! بنشوفها الحين وبكره بنرجع وش هذا
نوف تقدمت وناظرته بإنزعاج : اقول يا ابو لسان اسكت ترا ازعجتنا
ذيب بنرفزه : انتي الي اسكتي ولا بعلم جدي وش سويتي
لفوا عليه والجازي ابتسمت برتباك ، ماتدري وش بيقول بس جاها شعور غير مريح اربكها ..
ابو الجازي ابتسم : وش مسويه؟ عشان اقلع اذانها لك
ذيب خزها وبنبرة ابتزاز : اعلم؟
نوف بلعت ريقها بخوف : وش يعني لأني اهاوشك دايم! عادي انا خالتك
ذيب ابتسم بستفزاز : لااا! شي ثاني
الجازي وقفت بسرعة وسحبته : تعال لدورة المياه من الصباح تبغاها ونسيت اوديك
مشت بعيده اهي وياه عنهم ..
ابو الجازي بستغراب : وش مسويه بولد اختس؟ عيب يانوف تراه صغير
نوف بخوف : مزحي ثقيل معه
ابو الجازي بتحذير : انا قلت لتس عن هالمزح وهالحركات الي مالها داعي لو اسمع شي مايسرني يانوف بتندمين
نوف بخوف : يبه! انا بنتك وش دعوه
ابو الجازي : بنتي وحبيبة قلبي بعد بس الغلط غلط وانتي عارفه حركاتك انتبهي لها
نوف ابتسمت برتباك : وش دعوه يبه سويت لي محاضرة بس عشان هالنتفه دقني بالحكي؟
ابو الجازي : انا ابو و احس ولا ابي اعرف اشياء تضيق صدري نخيتس يا بنت فالح لا تزعليني!
نوف حست بالغصه الي كتمتها وهزت راسها بهدوء : ابشر
من ناحية اخرى ..
انحنت لمستواه ومسكته بحزم : وش كنت بتقول؟
ذيب بعفوية : كنت بقول انها ضاعت عشان..
ضربت فمه بخفه وناظرته بعصبية : ياويلك يا ذيب تتكلم عن اشياء انا حذرتك ماتجيب طاريها ..تفهم؟
ذيب بزعل : ان شاء الله
الجازي بحزم : لا عاد تعيدها
هز راسه بهدوء : ابشري
-
بـ قرية "آل ثايب "
بـ بيت ابو فالح ..

خلود بتعب : جده خلصت تنظيف الغرفة
ام فالح ابتسمت : لبى قلبتس والله انتس اسنع من هالرفله الي منسدحه تقول صخله
شالت الغطى عن وجها وجلست على حيلها بسرعة : عن الغلط يا ام فالح ولا رحت لأمي وخالاتي وخليتك لحالي
ام فالح ابتسمت: تهددين يعني؟
هاجر هزت راسها : ايه
ام فالح : امحق والله
تغطوا بسرعه وهاجر عدلت جلستها اول ما سمعوا حس ابو هزاع ..
ابو هزاع : درب درب
ام فالح : تعالوا ادخلوا
فتح الباب كله ودخلوه بعربيته وعيونه بالأرض لأجل ما يشوفهم ..
هاجر شهقت بقوة : يمه
خلود مسكتها بخوف وهمست : هذا وش جابه!
الجدة كانت عارفه بجية هالضيف ولكن لفت عليهم بستغراب بما انهم كانوا يتكلمون فيما بينهم : وش بلاكم!
خلود بخوف : لا جده ولا شي
دخلوه للغرفة وطلع هزاع وتنهد بتعب : اسمعوني جلسة هالكم يوم بالحوش لا تجلسونها روحوا للملحق لأن الرجال هنا ويبي راحه و اصواتكم عاليه
ام فالح : ان شاء الله
خلود حاولت تهدي نفسها : مين هذا هزاع؟
تكلم بصوت واطي : والله مدري قبل كم يوم جاء لجدي واليوم عاد جدي اصر يجي هنا
خلود ناظرت هاجر الي كانت مرتعبه بشكل لا يوصف ..
خلود سحبتها للمطبخ وضربت خدها بخوف : وش بنسوي؟
هاجر تكه وتبكي : يمه نوف لو رجعت وشافته اقسم بالله بتقلب البيت
خلود مسكت قلبها : ياويلي من هالمصيبة
سكتوا شوي وكملت خلود : اسمعي مافيه الا حليين يا ان وحده فينا تقعد هنا ونحاول قد مانقدر مانخليها تشوفه! او اننا نلعب عليها ونخليها تنام عندنا بالبيت لحد مايروح
هاجر ابتسمت : جبتيها! بتنام عندنا
خلود عبست : تهقين توافق؟
هاجر : بحاول فيها قد ما اقدر
دخل هزاع وناظرهم مستغرب : وش عندكم؟
خلود فزت بسرعة : اشرب ماء تبي؟
هزاع هز راسه : لا وبعدين ترا جدتي دخلت للمجلس روحوا معها و وحده منكم تقعد هنا كم يوم عشان تسوي الأكل للضيف
هاجر بحدة : نشتغل عند ابوه!
هزاع ناظرها وتكلم بعصبية : هاجر! عن لعب البزران الضيف تعبان وجدتي وجدي كبار ماراح يشيلونه
طلع بسرعة تاركهم مايبي كثرة حكي ..
خلود ضربتها وناظرتها : غبيه انتي غبيه!
هاجر بستغراب : ليه؟ عسى تبينا نشتغل عنده
خلود : ياوجه النكبه! نوف تحري لها بكره ولا بعده جايه لازم تكونين انتي فيه عشان تسايرينها
هاجر بتفكير : والله شوفي اهو مايستاهل بس عشان ماتقبع مشكلة بالبيت اذا شافته فـ بصبر هالكم يوم
خلود ابتسمت براحة : اشوا يعني النومه هنا جت منهم مو مننا
هاجر وشعور الخوف لازال يتملكها : انا اقول الله يستر
طلعت اهي وياها لـ جدتها ، متعدين غرفته المخصصه مستغربين وجود هالغريب ، ليش جاء؟ ..
-
بـ اراضي كوريا ، بالمستشفى تحديدًا ..
بغرفة والدتهم ..