اسف جدا ع التأخير ..
ما كانش مفروض الحلقة تعطل ... شوية ظروف صارتلي الايام الفاتوا خلتني ما نكتبش ..
المهم المفروض الحلقة كانت اطول من هكي ..
بس مش مشكلة .. الحلقة الجاية تتعوض .
........................
ما تنسوش التصويت ع البارت
طبعا رأيكم يهمني زي كل مرة ... ومشكورين
ــــــــــــــــــــــــــــــــــــــــــــــــــ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 13
لعبة الشطرنج - Game of Chess
( فلاش باك يوم 11 / 7 :
نورا في المطبخ بعد ما حست بجوع وتبي ادير حاجة تاكلها
حاطه براد الشاهي ع الفرنيلوا تسخن فيه و تدير في سندوتش
شوية ويدخل بوها الطاهر
الطاهر : شن جعتي ؟
تقعد نورا ساكتة بدون ما ترد
ياخد الطاهر شيشة مية ويشرب و يحطها ع الرخامة
وفي وقت نورا لاهية في السندوتش وتقص في طماطم بالموس يقرب منها ويحط يده على خصرها
و تنخلع و تتلفت بسرعة من الخوف و توجه عليه الموس
نورا : وخر .. ما تقربنيش
الطاهر : خيرك خفتي ؟ حاجة مش أول مرة عليك
نورا : والله نقتلك هنا ونقتل روحي ولا عاد نخليك تمسني تاني يا وسخ
الطاهر : والله ؟
و بسرعة الطاهر يشدلها ايدها وينحي الموس من يدها
تمد يدها التانية لبراد الشاهي و تحذفه عليه يجي على ايده و تنحرق كلها من الشاهي السخون
وعلى طول يطلقها ويبدا يعيط من الوجع و هي تطلع تجري
يحط هو ايده تحت شيشمة المية باش يخف عليه الوجع
الطاهر : اخ يا كلبة والله لما نوريك والله لما نقتلك ...
تطلع نورا للجنان وتتخبى ورا وحدة من الشجرات الموجودات
أنت تقرأ
ردة فعل (رواية ليبية)
Mystery / Thrillerرواية مختلفة عن باقي الروايات .. غموض .. إثارة .. تشويق ... طلاب في إحدى الكليات توصلهم رسايل تهديد من شخض مجهول تتشابك الأحداث بماضيهم و بحاضرهم من هذا الشخض و شن يبي منهم ؟ وشن ح تكون ردة فعل الشخصيات ، تابعوا الرواية
