رواية مختلفة عن باقي الروايات .. غموض .. إثارة .. تشويق
...
طلاب في إحدى الكليات توصلهم رسايل تهديد من شخض مجهول
تتشابك الأحداث بماضيهم و بحاضرهم
من هذا الشخض و شن يبي منهم ؟
وشن ح تكون ردة فعل الشخصيات ،
تابعوا الرواية
و أغلبكم يبي تكملة .. قررت نكمل و أهم شي رضاكم هههه
فـ حنبدوا في الجزء الثالث ..
وإن شاء الله يعجبكم الجزء هذا و التكملة ..
.......................................
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ردة فعل - الموسم الثالث
الحلقة 18
الــعـــودة – Coming back
.............
" إبقَ قويا فقصتك لم تنتهي بعد "
بعد مرور شهرين ونص
من وفاة كريم
....
الشهرين ونص مدة قصيرة لكن غيرت منهم هلبا
كل واحد فيهم دار حسابات تانية في راسه وموت كريم غيرهم هلبا
عبدو و شهد و وسن و نهال يحاولوا يستمروا في حياتهم على قد ما يقدروا
و إلياس اللي طول الشهرين ونص حابس روحه في داره من تأثيره على موت كريم
و نادرا جدا ما يطلع .. وحتى كان طلع ما يعطلش و يرجع لداره وما يكلم في وحد و قاطعها مع الكل ..
رواد قاعد مسافر و قاعد مع خاله في استراليا و انقطعت اخباره عليهم تقريبا
.....................
........
في ليلة مظلمة ..
في مكان في وسط طرابلس شخص يمشي و كان لابس بنروص و شاد في يده بانقة بنزينة .. يقرب من سيارة تويوتا ليكسيز فخمة ويفرغ عليها البنزينة و يوقف بعيد .. ويطلع عود وقيد .. يولعه ويحذفه ع السيارة و يخليها كلها تنحرق و يمشي على حاله وتقعد السيارة راكبة فيها النار وتمشي فيها ..
.........................
............
الصبح مع الساعة 9
في شقة رواد .. عبدو يجهز في روحه و ينظم في اموره ويفطر
يلبس ملابسه و يبخ عطر و يطلع ..
يركب سيارته يولعها .. يشغل الراديو و يفتح على برنامج صباحي و يمشي ..
