الحلقة 8
الشك - suspition
الجزء 2
كريم و رواد في ساحة الكلية مقعمزين
و كريم شاد هاتفه و متوتر و يفتح و يصكر فيه
رواد : اسمع .. ارخي روحك معش توتر روحك
كريم : نستنى في رسالة ولا حاجة مهناك شي
رواد : باهي راك تزيد توتر فيا هكي انت
كريم : شن تبيني ندير باهي ؟
رواد : اشرب ميه اشرب
كريم : زعما شن صار في إلياس و الباقي ؟
.......
...................
نهال واقفة ع روشن المكتبة و تشوف و سارحة
و يجي إلياس من وراها
إلياس : خايفة ؟
تتلفتله نهال
نهال : الحق لا .. مش عارفة علاش لكن عندي احساس يقولي ما تخافيش
إلياس : حلو .. كويس
نهال : السؤال هنا لعند وين يبي يوصل هذا ؟
إلياس : مش معروف .. خلاص انا وصلت معاي لهنا و ربي
نهال : عندك الحق والله لعند امتى ؟
إلياس : ما فيش رسالة ولا حاجة ؟
نهال : لا لا .. زعما شن صاير في شهد ؟
...................
...........................
شهد و عبدو في قاعة في قسمهم .. عبدو مقعمز على الكرسي و شهد واقفة وتفكر
شهد : لازم نديرو حل .. قصدي لعند أمتى بنقعدوا نديرو اللي يبيه .. هو هذا منو أصلا و شن يبي مننا لوين يبي يوصل وصلت حدها عندي
يوقف عبدو ويقرب منها
عبدو : ما فيش فايدة منه الكلام هذا توا .. هدي روحك لازم نفكروا صح و نركزوا على كل شي كان نبوا نعرفوا منو ..
تاخد شهد نفس و تقرب من الروشن و تحاول تتنفس .. الجو كان مغيم و كأنها بتمطر
و شوية توصلهم رسالة على نقال عبدو
" فيه ظرف بإسم عبدو و شهد في الكشك امشو خودوه "
...........
...................
رواد و كريم قاعدين في الساحة .. و شوية يفوتوا شهد و عبدو من جنبهم ماشيين للكشك
كريم تطيح عينه على عين شهد .. و يوقف بيمشيلهم و يشده رواد بقوة ويرجع يقعمز
رواد : شندير انت ؟ شن تحاول ادير ؟
كريم : بنشوف شن صاير معاهم
رواد : بالله عليك ؟ واعي لروحك انت ؟ " ممنوع التواصل بأي شكل من الأشكال" هي قال كان تبيني نفكرك .. بالله عليك كريم فكنا من التصرفات الطفولية متعك و طيب
يقعد كريم متعصب و ساكت ..
.......
يخشوا كريم و شهد للكشك
عبدو : السلام عليكم
أنس (صاحب الكشك) : و عليكم السلام
عبدو : في ظرف بإسم عبدو و شهد هنا ؟
أنس : ايه موجود .. هيا تفضل
أنت تقرأ
ردة فعل (رواية ليبية)
Mister / Thrillerرواية مختلفة عن باقي الروايات .. غموض .. إثارة .. تشويق ... طلاب في إحدى الكليات توصلهم رسايل تهديد من شخض مجهول تتشابك الأحداث بماضيهم و بحاضرهم من هذا الشخض و شن يبي منهم ؟ وشن ح تكون ردة فعل الشخصيات ، تابعوا الرواية
