رواية مختلفة عن باقي الروايات .. غموض .. إثارة .. تشويق
...
طلاب في إحدى الكليات توصلهم رسايل تهديد من شخض مجهول
تتشابك الأحداث بماضيهم و بحاضرهم
من هذا الشخض و شن يبي منهم ؟
وشن ح تكون ردة فعل الشخصيات ،
تابعوا الرواية
طبعا اسف جدا على التأخير . الحلقة خدت مني وقت طويل هلبا لانها طويلة ومعبية أحداث بحكم فيها هلبا دقة وتفاصيل .. فنقعد نكتب فيها على ايام متقطعة باش تطلع بأحسن صورة وما تصيرش فجوات كتابية .. أتمنى تتفهموني و شكرا ع الدعم .. .... طبعا الحلقة هادي هي الحلقة الأخيرة في الجزء هذا .. و راجعين بجزء جديد المدة الجاية بعد ما نرتب أموري ونرتب الرواية .. .. So Enjoy ✨️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 9
تفاصيل – Details
الحلقة الأخيرة
يقعد يقلب في اللي مصوره و يلاحظ حاجة
يقرب الصور بصدمة .. ويلاحظ توقيعة بوه موجودة ع هلبا أوراق
و اللي صدمه أكثر .. إن التوقيعات بعد شهرين من وفاته
رواد : بوي ؟ كيف صار
يطلع رواد من القاعة وهو متوتر وتفكيره مشوش
وهو طالع يشوف بنت تفتح في مكتب ابراهيم رئيس القسم وتخش
يلحقها رواد و يفتح عليها الباب .. ويلقاها واقفة ع الدولاب و كأنها تدور على حاجة
و تتلفتله و هي مرتبكة و تقعد تشوفله بتوتر و خوف ..
رواد : تفضلي !
تصكر البنت الدولاب و تحط ورقة لقتها فيه في جيبها من ما رواد ينتبه و تجي طالعة و بتفوت من جنب رواد
و يشدها من مرفقها ..
رواد : وين ماشية ؟ البنت : تقدر تطلقني لو سمحت ؟ رواد : مش قبل ما تقوليلي شن كنتي اديري هنا ؟ البنت : ما ليكش علاقة ..
و تمشي و هي متوترة ..
وهي نازلة من الدرج تتلاقى مع نهال ..
نهال : وسن ؟ وسن : نهال .. شن حالك ؟
و يسلموا على بعض بالأحضان
نهال : وين مغيبة لينا فترة معش تلاقينا وسن : أهو قاعدة في الدنيا زي ما انتي شايفة
و يجي رواد ويشوفهم واقفات على بعض و يهدرزوا
نهال : شني اديري هنا ؟ وسن : جيت لبوي .. خشيت لمكتبه ما لقيتاشي .. شكله طلع !
