ردة فعل (رواية ليبية)

الحلقة 16

شكرا لكل المتابعين .. 

حب كبير ليكن .. 

طبعا وصلنا لنهاية روايتنا وهادي الحلقة ما قبل الأخيرة

بارت طوبل هلبا .. ما نعطلش عليكم .. 

.........................

الحلقة 16

حيرة – confusion

(ما قبل الأخيرة)

يشوف الطاهر لرواد بغل و حقد ..

الطاهر (بعصبية) : رواااد .. روااااد

يقرب منه رواد و يكلمه بكل ثقة

رواد : رواد ايه .. اسم الفيلم هذا رواد .. وهذا كله الاعلان بس

يتكنطى الطاهر و يقعد يحاول يفلت من الشرطة

شهد : روحوا بيا نبي نروح ..
عبدو : تمام هي ..
كريم : جاي معاكم ..
عبدو : أوكي

يمشوا كريم وشهد وعبدو لسيارة عبدو

يفلت الطاهر من الشرطة و يمشي يقرب من رواد و يرجعوا يشدوه

الطاهر : تبي تعرف من قتل بوك وخلاه ينتحر ؟

يشوفله رواد بفضول .. و يتلفت الطاهر و يشوف لإلياس

الطاهر : سليمان خال إلياس ..

وينصدموا .. ويتلفت الطاهر لكريم ويشوفله من بعيد

الطاهر : و محمود بو كريم ..

ينصدموا من كلام الطاهر وما يستوعبوش شن اللي قاله

الطاهر : حلها توا كان تقدر تحلها يا رواد

و يضحك ضحكة خبث و يركبوه الشرطة في السيارة

رواد و إلياس يشوفوا لبعض و يقعدوا في حالة صدمة

يضغط رواد بقبضة يده بقوة و يضغط سنونه على بعضهم بعصبية ..

يمشي رواد يجري يركب لسيارته و يلحقه إلياس على طول

إلياس : رواد .. اسمع نكلم فيك

ما يردش عليه و يولع السيارة ويركب إلياس و يطلع رواد بالسيارة بسرعة

.....

.........

كريم و عبدو و شهد في السيارة

شهد تشبح للروشن و سارحة و حالتها حالة يشوفلها عبدو مرة مرة من المرايا الوسطية .. وكانوا الطريق كلها مسكتين