و اليوم نبدوا رحلة الموسم الثاني من الرواية ..
أتمنى من كل حد عجباته أو حتى عنده انتقاد يعطيني رأيه
و يحط تصويت لكل بارت .. ويشاركها
رأيكم يهمني و يحفزني نكمل ونكتب أسرع ..
............
بارت طويل هلبا وخدي مني وقت هلبا في الكتابة .. استمتعوا !
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ردة فعل - الموسم الثاني
الحلقة 10
فوضى – Mess
.............
" جميعنا نريد نهاية سعيدة .. ولكن لا تنتهي الأمور دائما بهذه الطريقة "
........
بعد أسبوع من اللي صار اخر مرة و يوم اللي شدوا فيه الاستاذ إبراهيم
مع الساعة عشرة في الليل و الجو صقع
في ريفودجو السيارات متع العمارة .. رواد ينزل من سيارته وكان مروح من الجيم
وهو يمشي يحس في حد يمشي وراه .. يتلفت ما يلقى حد
و يرجع يتلفت بيمشي يلقى واحد واقف قدامه .. و يطلع واحد تاني من وراه
يزبط رواد إن في شي .. يحاول يتفاداهم لكن لما يجي فايت يشده الراجل من كتفه
يخبطه رواد بمرفقه على رقبته و يشوطه في رجله يطيح ع الأرض
لكن يهجم عليه الثاني و يتخطى ضربته و يضربه رواد على بطنه و على وجهه
و يجيه الأول من الخلف و يخنقه من رقبته و يقلبه رواد قدام و يطيح على ظهره
و يجي التاني يضرب رواد على وجهه و يردهاله رواد و ينوض الأول و يطلّع
موس و في لحظة يضرب رواد بالموس في جهة كتفه و يطيح رواد و يتسند ع
العرصة و يقعد شاد مكان الضربة بيده و يرجع يشوفلها يلقاها دم
يتوجع رواد منها و يقعد يشوفلهم وهما قدامه
أنت تقرأ
ردة فعل (رواية ليبية)
Mystery / Thrillerرواية مختلفة عن باقي الروايات .. غموض .. إثارة .. تشويق ... طلاب في إحدى الكليات توصلهم رسايل تهديد من شخض مجهول تتشابك الأحداث بماضيهم و بحاضرهم من هذا الشخض و شن يبي منهم ؟ وشن ح تكون ردة فعل الشخصيات ، تابعوا الرواية
