ردة فعل (رواية ليبية)

الحلقة 15

ما تنسوش رأيك  ع البارت 

و التصويت عليه .. 

ما نعطلش عليكم : 

............

الحلقة 15

نصف القمر –Half Moon

......

بعد شوية وقت توصل رسالة للطاهر وهو كان يسوق في سيارته

يفتحها يلقاها رسالة من رواد ..

فيها صورة وسن و راسها ووجها دم و متلوحه ع الأرض

الطاهر : هذا وين بدي يحلى الجو ..

و يتلفت للكراسي الخلفيات .. كانت شهد متلوحة ع الكراسي و عيونها مصكرات و كأنها في غيبوبة

.........

.............

رواد بعد ما يبعت الصورة للطاهر يتلفت لوسن

رواد : خلاص نوضي ..

تنوض وسن من ع الأرض

وسن : خلاص مشت الأمور ؟
رواد : إيه ..

(فلاش باك قبل شوية :

رواد واقف قدام وسن وفي إيده الهراوة ..

رواد : مفروض أنا حاليا نضربك بالعصا اللي في يدي و نفقدك الوعي ..

وسن تقعد مش فاهمة وخايفة

وسن (بخوف) : لـ ليش ؟ شـ شن السبب ؟
رواد : ما تخافيش .. قلت مفروض لكن مش ح نديرها لكن ضروري ندير راي تاني
وسن : علاش شن السبب يعني انا مش فاهمة شي
رواد : الطاهر طالب الشي هذا بونطوا في بوك او عقاب ليه يعني
وسن : باهي انت ليش قاعد تنفدله في طلباته مش فاهمة !
رواد : تقدري تقولي مصالح مشتركة بينا ..

يحط الهراوة ع الأرض و يطلع موس من جيبه

رواد : و توا .. لازم نديرو تمثيلية عيه لأن ما نقدر ندير اللي يبيه بالزبط
وسن : وليش ما تقدر ؟

وتشوفله في عيونه .. ويبادلها النظرة

رواد : على خاطر بوك ..
وسن : أها تمام .. احم .. آ .. وتوا شن المطلوب ؟

ياخد الموس بيده اليمين و يضغط بيه في كف يده اليسار و يجرحه

و يبدا يصب في الدم و وسن تنخلع

وسن : ليش درت هكي ؟ ايدك !
رواد : بسرعة لازم نقطر دم عليك باش يصدق مافيش حل تاني ..
وسن : باهي .. كيف ما تحب .. )

بعد وسن تغسل وجهها من الدم ..

وسن : جرحك عميق ؟
رواد : لا مش هلبا ..
وسن : استنى عندي كحول و لصقة جروح في السيارة
رواد : وعلاش عندك ؟
وسن : نخدم في صيدلية أنا .. فطبيعي يكون عندي حاجات زي هادي
رواد : أها ..