اهلا ..
ما تنسوش شيراتكم للرواية و ما تنسوش تعلقوا و تصوتوا و مشكورين كلكم 🤍
.......
الحلقة 3
" العلاج - The Cure "
ــــــــــــــــــــــــــــــــــــــــــــــــــــــــ
المجهول (بعصبية) : تعرفوا شن اللي درتوه توا انتم ؟ خسرتوني وخسرتوا روحكم .. أول مهمة و فشلتوا فيها .. استعدوا من عواقب جايتكم (ويصكر عليهم الخط)
يقعدوا الخمسة و اقفين و يشوفوا لبعض بصدمة و توتر ..
قبل ساعة - فلاش باك
المجهول : بـ تنفذي اللي ينقولك عليه ولا نشوف شغلك مع أمك ؟
شهد : شن المطلوب ؟
المجهول : تعرفي جريمة القتل اللي صارت صح .. السكين اللي انقتل بيه قاعد موجود في المدرج .. نبيك تدوري عليه وتجيبيه قبل لا تلقاه الشرطة
شهد : انت اللي قتلته ؟ انت شن تبي مننا ؟
المجهول : تخطيها الأسئلة هادي .. لان حيجي يوم و ح تعرفي كل شي
شهد : نبي نعرف السبب اللي يخلك تجي تكتب اسم كريم المرة الفاتت و اليوم اسم حسين ؟ شن الهدف؟
المجهول : أولا مش انا شخصيا اللي انجيك في من ينفذ بدلي الحاجات هادي هههه .. تاني شي انتي ديما متأخرة .. كنتي تقدري تنقذيهم حتى لو كان الاحتمال ضعيف و على فكرة وقتك يمشي من بكري .. لو ما قدرتيش تجيبي السكين تحملي ما يجيك (و يصكر عليها الخط)
شهد (بعصبية) : أووووووف
نهال : اسمعيني هدي روحك انتي بس ...
.......
.............
........
كريم : شن يجبرنا نديرو اللي تبيه ؟
المجهول : صاحبك إلياس يزبط .. ولا شنو رأيك ؟ ما تبيش حد من عيلتك تصيرله حاجة نفذوا اللي نقوللكم عليه ..
إلياس : شن تبي اختصر !
المجهول : ح تمشوا المستشفى .. في شنطة ح تنحط بعد ربع ساعة من توا في مكان في المستشفى .. مهمتكم تلقوها و تجيبوها للمكان اللي نقوللكم عليه .. الوقت يمشي و مش في مصلحتكم .. ما تضيعوهاش وما تخلوش حد ياخدها منكم!
كريم : شن قصدك ؟ في حد يبي الشنطة هادي غيرك ؟
المجهول : أكيد .. هلبا
كريم : شن فيها هي ؟
المجهول : اللي الناس كلها تبيه .. (ويصكر)
إلياس : شن يقصد ؟
........
...........
......
رواد : شن ؟ .. شن عندك ؟
المجهول : ح نقولك شن السبب اللي خلى بوك ينتحر
رواد : كيف ؟ من وين تعرف بوي انت ؟
المجهول : ما نعرفاشي .. لكن مش تسحابني داخل اللعبة هادي و فاضي ! انا نعرف كل شي على أي حد .. فـ كان تبي تعرف دير اللي نقولك عليه !
رواد : شن المطلوب ؟
المجهول : شي بسيط .. ح تمشي مول **** تمام ! في شنطة ح تتبدل بين طرفين .. نبيك انت تسبقهم و بأي طريقة تجيبلي الشنطة هادي قبل ما توصل للطرف التاني .. الشنطة هادي بالنسبة مهمة هلبا فـ لو جبتها ح نقولك كل شي يخص بوك
رواد : تمام
المجهول : ح تلقى في سيارتك شنطة نفس شكل الشنطة اللي ح تلقاها غادي .. بدلها بيها و ننصحك تستعجل شوي ( ويصكر الخط )
أنت تقرأ
ردة فعل (رواية ليبية)
Misterio / Suspensoرواية مختلفة عن باقي الروايات .. غموض .. إثارة .. تشويق ... طلاب في إحدى الكليات توصلهم رسايل تهديد من شخض مجهول تتشابك الأحداث بماضيهم و بحاضرهم من هذا الشخض و شن يبي منهم ؟ وشن ح تكون ردة فعل الشخصيات ، تابعوا الرواية
