رواية مختلفة عن باقي الروايات .. غموض .. إثارة .. تشويق
...
طلاب في إحدى الكليات توصلهم رسايل تهديد من شخض مجهول
تتشابك الأحداث بماضيهم و بحاضرهم
من هذا الشخض و شن يبي منهم ؟
وشن ح تكون ردة فعل الشخصيات ،
تابعوا الرواية
حاب نشكر كل حد تبعها وقعد يستنى في الحلقات رغم التأخير
ونشكركم على تعليقاتكم .. كلها نقرا فيها
(ملاحظة قبل ما تقروا : النهاية اللي حتقروها كنت مخططلها من لما بديت نكتب فيها .. يعني كتبت اللي انا شفته مناسب)
بعد النهاية تحت في شوية ملاحظات مهمة أقروها ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 17
كارما – Karma
(الأخـــيــــرة)
ينزل كريم من السيارة و هو مصدوم ويحاول يستوعب اللي قاله إلياس
يجيه إلياس
إلياس : كريم .. كريم : قصدي يا إلياس مستوعب انت اللي قاعد تقولي فيه ؟ إلياس : عارفك والله عارفك .. لكن الله غالب ما حبيتش ندس عليك اللي هناك بالذات رواد يضغط عليا من جهة و القصة هادي من جهة
يقعد كريم واقف و إيديه على راسه
كريم : باهي .. غر لحظة .. من قال هادي مش كذبة من الطاهر و يحاول يوقعنا في بعض ؟ انت بخالك و انا بـ بوي ؟ مرات تكون منه حركة أخيرة و يدخلنا في بعض إلياس : للأسف .. يا ريته هكي صار لكن مشينا لخالي و أكدنا منه و اعترفلنا باللي داروه .. فمش عارف يا كريم كيف بنجيبهالك كريم : قصدي كيف ؟ مستحيل يعني بوي شن جابه لـ بو رواد ؟ إلياس : الشي هذا تعرف لما تسأل بوك يا كريم .. والله راني في دوامة يا كريم نفسك و احرف
يقعد كريم ساكت ووجهه ما يتفسرش من الصدمة
.........
........
.........
عبدو في الطريق يسوق و يجيه تلفون من رقم ما يعرفاشي
عبدو : ألو
.... : أيوه عبدو .. استاذ ابراهيم معاك عبدو : ايوه استاذ ابراهيم نسمع فيك ابراهيم : وين انت ؟ عبدو : كيف طلعت من الكلية مروح ان شاء الله خير ؟ ابراهيم : ارجع للكلية بسرعة وتعالى مبنى الإدارة عبدو : شن في ؟ ابراهيم : غير تعالى تو تعرف
يصكر عبدو المكالمة و يرجع بالسيارة و يقعد مستغرب شن في !
