الحلقة 2
" فشل - failure "
.........................................................
تتلفت نهال و تشوف كريم ع الارض و تنصدم
و يبدو الناس يلتموا على كريم
تشوف نهال لشهد و تلقاها مصدومة أكثر منها
يفتح كريم عيونه و يشوف الناس فوقه متجمعين و يحاول ينوض لكن ما يقدرش
.........
.............
يطلع إلياس نقاله من جيبه و رواد قاعد شاده من رقبته
يفتح على رسالة "جاهز ؟" و يوريها لرواد
علامات الاستغراب بدت ترتسم على وجه رواد
و يقعد يشوف للنقال و يرجع يشوف لـ إلياس
يرخيه رواد و يرجع للخلف شوية
إلياس : عندك جواب ؟
رواد : انت شاك فيا صح ولا ؟
إلياس : اي
يضحك رواد ضحكة استهزاء ..
إلياس : علاش تضحك ؟
يطلع رواد هاتفه و يوريه نفس الرسالة وصلاته حتى هو مكتوب فيها "جاهز؟"
إلياس : حتى انت ؟ كيف صار ؟
رواد : مش عارف
يتصل إلياس بالرقم يلقاه مقفل
رواد : شن اللي يخليك متوتر هكي ؟ اكيد حد فاضي ويبي يلعب علينا
إلياس : ما وصلاتك رسالة فيها تاريخ ولا حاجة؟
رواد : لا .. ليش انت وصلاتك ؟
إلياس : اي .. يلا مش موضوع اكيد حد يلعب علينا
رواد : دامك توترت هكي اكيد التاريخ هذا مهم هلبا ليك
شوية ويجي طالب يقرا معاهم اسمه حامد
حامد : إلياس
إلياس : نعم خيرك ؟
حامد : كريم ضرباته سيارة قدام الكلية
يسمع كلامه و يطلع يجري و يخلي رواد
ياخد رواد شهيق و يعطي زفير و يطلع هاتفه و يفتح على اخر رسالة ويشوف للتاريخ اللي فيها "25/1/2021" هذا اليوم يوم وفاة بوه .. يوم اللي انتحر فيه بوه
يقعد رواد يفكر علاش ومني مصلحته يبعتله تاريخ انتحار بوه
وعارف ان رواد الشي الوحيد اللي كسره هو وفاة بوه منتحر
................
.........
................
يوصل إلياس قدام الكلية و يلقى الناس كيف بدت تتفرق
إلياس : وينه ؟ وين كريم ؟
تجيه شهد
شهد : رفعوه المستشفى
إلياس : ش.. شن وضعه ؟
شهد : ما تخافش وضعه كويس فايق ضربه خفيفة .. مذكراته و المفتاح طاحو منه
تمدله المفتاح و المذكرات .. ياخد منها المفتاح بس و يركب سيارته و يمشي
تركب شهد سيارتها (هونداي i30 .. نفس اللي في الصورة 👇)
أنت تقرأ
ردة فعل (رواية ليبية)
Misterio / Suspensoرواية مختلفة عن باقي الروايات .. غموض .. إثارة .. تشويق ... طلاب في إحدى الكليات توصلهم رسايل تهديد من شخض مجهول تتشابك الأحداث بماضيهم و بحاضرهم من هذا الشخض و شن يبي منهم ؟ وشن ح تكون ردة فعل الشخصيات ، تابعوا الرواية
