ردة فعل (رواية ليبية)

الحلقة 14

حلقة جديدة و أحداث جديدة ..

ما تنسوش تفاعلكم اللي يخليني نكمل أسرع ..

صوتوا للبارت هذا و تعليقاتكم طبعا 

ـــــــــــــــــــــــــــــــــــــــــــــــــــــــــــــــــــــ

الحلقة 14

نصف الطريق – half of the way

الطاهر في غرفة مكتبه في الفيلا

حاط لعبة الشطرنج قدامه وكان هو يلعب بالون الاسود والابيض الجهة التانية

وكان في شوية جنود طايحين من الجهتين

و ياخد الملك الأبيض واللي كان يعتبر فيه رواد

ويحطه جنب الملك الأسود اللي يعتبر فيه نفسه ..

الطاهر : لعبتي أنا و قوانيني أنا هذا نسمي فيه تحالف الملوك .. توا بدت اللعبة الحقانية ..

.....

يوصل إلياس لقدام حوش نهال

ينزل و يبدا يطق ع الباب بقوة وهو متعصب ومتوتر ..

يسمع عاطف الصوت

عاطف : تي منو هذا اللي يقربع هكي ؟

..

...

يقرب عاطف من الباب و يفتحه

و يلقى قدامه شهد ..

عاطف : هو انتي ؟ خيرك بلاك تقربعي في الباب زي توا ؟
شهد : باش تسمع ..
عاطف : مصح وجهك وخلاص وبعدين شن جايتنا توا .. مش فاضيين
شهد : ما دخلكش و حول من قدامي ..

تشوف شهد يسار قبل ما تخش لـ إلياس و كريم شاده من يده

يدخلو و يصكروا الباب

........

...........

كريم : اركب اركب سيارتك اركب ..
إلياس : خليني قتلك
كريم : قسم بالله توا ما تركبش سيارتك يصير كلام تاني

يركب إلياس سيارته و يمشي و يركب كريم سيارة بوه ويلحقه

............