رواية مختلفة عن باقي الروايات .. غموض .. إثارة .. تشويق
...
طلاب في إحدى الكليات توصلهم رسايل تهديد من شخض مجهول
تتشابك الأحداث بماضيهم و بحاضرهم
من هذا الشخض و شن يبي منهم ؟
وشن ح تكون ردة فعل الشخصيات ،
تابعوا الرواية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة 20
فقدان السيطرة - Lossing Control
بعد عبدو يدرس السيارة قدام الكلية و ينزل
وهو خاش الكلية .. يتلفت يمينه و يرجع يتلفت تاني بيتأكد من اللي شافه
و يشوف شهد نازلة من سيارة ولد خالها و يقعد مستغرب
تنزل شهد من السيارة بدون ما تقول كلمة لأيمن و تصكر الباب
و أول ما تقيم راسها تشوف عبدو يشوفلها .. و ملامح وجهه كأنها تقول مني هذا اللي راكبة معاه !
يمشي أيمن
و تقرب شهد من جهة المدخل وين ما واقف عبدو .. و كانت تمشي بتوتر و تحاول تفسر ردة فعل عبدو
عبدو كان مشوش و يحاول يفهم .. يغير نظره للجهة التانية و يدخل للكلية بدون ما يعبر شهد
..............
.........
إلياس مقعمز في كراسي الانتظار يستنى انه يدخل لـ الهادي بابا رقية
يمل إلياس من الانتظار و يوقف ع السكرتيرة
إلياس : مازال ؟ من بكري نستنى راهو السكرتيرة : عنده اجتماع مهم توا .. لكن أكيد على طلعة توا و لو انت مستعحل تقدر تسلملي اللي عندك و أنا و نوصله إلياس : لا لا .. تو نستنى
يرجع إلياس يقعمز ع الكرسي و يستنى بملل ..
و بعد شوية وقت يطلع الهادي من الغرفة و في جنبه زوز انفار معاهم ورق في ايديهم و يتناقشوا
