مساء الخير يا جماعة ياريت بس متنسوش الفوت قبل ما تقروا❤️
********
«أمير» :
"ايه يابني مالك و فين كريم؟"
«أنس» و هو يتحدث بصدمة :
"كريم عمل حادثة!"
«أمير» و هو يتحدث بتلعثم :
"انت بتقول ايه؟! طب طب..هـ..هو فين دلوقتي؟"
اردف «أنس» و هو يتخبط من كثرة القلق على صديقه :
"في واحد قالي أنه في مستشفى"....." لازم نروحله..خد مفتاح العربية و سوق انت انا مش قادر"
«أمير» :
"حاضر يلا"
ذهب الاثنان إلى المشفى في حالة من التوتر و القلق على صديقهما و تمنّا ألا تكون إصابة بالغة.
_____________
في المشفى عند «براء» و صديقتيها.
قالت «براء» و هي تعتدل في جلستها :
"انا مش عارفة انتوا عملتوا حوارات ليه ما كنتوا فوقتوني في الجامعة و خلاص كان لازم نيجي المستشفى يعني؟"
قالت «آلاء» بنبرة حادة قليلًا :
"أنتِ عايزانا نشوفك واقعة و نقف نتفرج عليكي و بعدين في تحاليل الدكتور قال لازم تتعمل عشان نعرف أنتِ أغمى عليكي ليه؟"
لتنفي «براء» بحركة من رأسها بعدما استقامت لتذهب من الغرفة و هي تقول :
"تحاليل ايه يا ماما دي اللي اعملها انا مش هعمل حاجة و وسعي بقى أما اروح اشوف بابا و محدش يقوله حاجة..فاهمين!"
قالت «نداء» بقلة حيلة من عِناد صديقتها :
"ماشي يا براء أما نشوف اخرتها معاكي ايه"
اتجهت الفتيات إلى مكتب «عبد الرحيم» و لكن لم يكن متواجد في مكتبه و ايضًا المكتب مغلق، فرأت ممرضة تمر من أمامهن فسألتها «براء» عن والدها أخبرتها الممرضة أنه حاليا لديه عملية، اقترحت «براء» عليهما أن ينتظرنه أمام مكتبه حتى يأتي .
*********
في المشفى عند «أنس» و ابن عمه.
"اهدى بس يا أنس هنتطمن عليه بس اهدى انت شوية"
تحدث «أمير» و هو يركض خلف «أنس» لمعرفة حالة «كريم» من الاطباء و بالفعل التقيا بطبيب في طريقهم .
«أنس» و قد تملك منه الغضب :
"كريم فييين؟"
الدكتور :
"مينفعش كدة يا استاذ وطي صوتك انت في مستشفى"
«أنس» بنبرة أشبه بالصراخ :
"اخلص بقولك فين كريم؟"
«أمير» بعصبية :
"استنى يا أنس بقى عايزين نفهم..لو سمحت صاحبنا عمل حادثة و جابوه هنا المستشفى احنا عايزين نعرف حالته ايه بالظبط؟"
الدكتور بعملية :
"هو في فعلا حالة جت من شوية بس مش انا الدكتور اللي بيشرف على الحالة تقدر تسأل اي ممرضة هنا..عن اذنكم"
أنت تقرأ
دعنا نحيا سويًا (مكتملة)
Romanceكثيرا ما يحدث لنا اشياء سيئة نطلق عليها سوء حظ أو ربما قدر، ولكن ما لا نعلمه أنه داخل هذه الأشياء السيئة خيرٌ لم نراه، كما حدث معها فقد أخذت الصدمة ثم تأقلمت عليها وبدأت تتعايش معها، فهذا ما يحدث الآن نتعرض لصدمات كثيرة، فالحياة ليست وردية كما يقول...
