دعنا نحيا سويًا (مكتملة)

الفصل الثالث

لم تستطع أن تتحدث و كيف لها و هي قد سكبت جميع المشروبات التي تحملها عليه .

تحدث «أنس» بغضب :
"ما تفَتحي يا آنسة عاجبك كدة؟"

تحدثت بنبرة متوترة و خجلة بعض الشيء :
"ااا..انا اسفة والله مكنتش اقصد انا اسفة"

تحدث «أمير» بغضب يماثل غضب ابن عمه :
"حصل خير يا آنسة بس خلّي بالك اذا سمحتي يعني أنتِ حرقتي الواد!"

همس له «أنس» و هو يلكزه على ما تفوه به :
"ايه اللي بتقوله ده هو انا ابن اختك؟!"

نظر له «أمير» ثم قال ببرود :
"لا ابن عمي"

رمقه «أنس» بغضب ثم نظر إلى الفتاة التي تكاد تموت رعبًا أمامه و قال بابتسامة :
"هو التيشيرت باظ و اتحرقت بس خلاص حصل خير يا آنسة...! هو أنتِ اسمك ايه؟"

رمقته «براء» بتعجب فلِما يريد معرفة اسمها...لذا قررت انها لن تجيبه، و لكن ليس كل ما نتمناه يحدث...جاءت «نداء» و رأت صديقتها وسط حشد كبير فهتفت باسمها بصوت عالٍ :
"براااء أنتِ واقفة هِنا ليه؟ و اتأخرتي كدة ليه؟ ايه ده فين المشروبات؟!"

انهالت عليها بالأسئلة دون انتظار إجابة لتردف «براء» بقلة حيلة :
"ايه يا بنتي اصبري ارد اديني فرصة ارد، كنت بجيب الحاجة و انا بلّف بالغلط خبط في الكابتن ده و المشروبات اتدلقت عليه من غير قصد"

«أنس» بابتسامة بلهاء :
"أنتِ اسمك براء؟!"

ليلكزه ابن عمه و يكمل بدلا عنه :
"هو قصده أن ده اللي حصل فعلا"

ليكمل «أنس» بعبث:
"احم، أيوة انا اقصد كدة"

الآن وقد لاحظت وجوده فهي كانت مهتمة بصديقتها فقط التفتت لهما ثم قالت :
"ياااه كل ده حصل معلش حصل خير هي اكيد متقصدش عن اذنكم"

تحدث «أمير» سريعا :
"لا عن اذنكم ايه، كدة تمشوا من غير ما تاخدوا المشروبات بتاعتك اتفضلوا اقعدوا و انا هجيب اللي طلبتوه، انتوا طلبتوا ايه؟"

لا احد يفقه شيء مما قاله «أمير» حتى ابن عمه و لكن اخبرته الفتاتان ثم ذهبتا إلى إحدى الطاولات ليجلسا في انتظار المشروبات .

التفت «أنس» لابن عمه ثم قال ببسمة :
"بص انا مش فاهم انت عملت كدة ليه بس جدع ياض يا ميرو"

انتفض «أمير» برعب و كمم فم ابن عمه لألا يتفوه بشيء آخر و أخذ يتلفت حوله ليرى إذا كان أحد سمعه و هو يلقبه بهذا الاسم ام لا، ثم قال له بهمس :
"هششش الله يخربيتك ايه اللي بتقوله ده ميرو ايه و زفت ايه اسمي أمير و بس سامع؟!"

ضحك «أنس» على تصرفات ابن عمه و رفيقه ثم أشاح بيده التي على فمه و قال :
"خلاص يا عم أمير و بس، انا هروح اجيب تيشيرت بسرعة من العربية و اجي اوعى يمشوا قبل ما اجي"