✍️ Unicode
" ငါတို့က Cooking club ကိုဝင်မှာနော်... ဦးခေတ် နင်ရောလိုက်ဝင်မှာလား...... "
ဈာန်ဦးခေတ်ခေါင်းကိုဘယ်ညာအသာယမ်းလိုက်တဲ့အခါ လှစ်ခနဲပြုံးသွားတဲ့ ရောင်စဉ်ခြယ့်နှုတ်ခမ်းတွေကို ဈာန်ဦးခေတ်သတိထားမိလိုက်သားပဲ။
" ဒါဆို နင်က ဘယ်အသင်းကိုဝင်မှာလဲ...... "
" Music club...... "
" ဟဲ့... နင် ဝါသနာပါလို့လား...... "
" နင်ကော ချက်တာပြုတ်တာ ဝါသနာပါလို့လားရောင်စဉ်ရာ... မီးဖိုထဲဝင်ရတာတောင်မကြိုက်ဘူးဆိုတဲ့သူက အချက်အပြုတ် club ဝင်မယ်ဆိုပြီး...... ငါဂီတ club ကိုဝင်တာကိုကြမှ ဝါသနာပါလို့လားဆိုတော့ နည်းနည်းတော့ ရယ်စရာကောင်းမနေဘူးလား...... "
ရောင်စဉ်ခြယ်ဆက်မပြောတော့။ပြောစရာလဲရှိမှမရှိဘဲ။ချက်တာပြုတ်တာဝါသနာပါလို့မဟုတ်ဘဲ အောင်ဘုန်းခေတ်ရှိနေလို့ အချက်အပြုတ် club ကိုဝင်တယ်ဆိုတာ ဈာန်ဦးခေတ်သာမက မေစိမ်းသူနဲ့ ဂျူးဆက်သွယ်ပါသိနေကြတာပဲ။
မိန်းကလေးတွေသုံးယောက်လုံး Cooking club ကိုဝင်ကြမှာမို့ Music club မှာကျန်ခဲ့မှာက ဈာန်ဦးခေတ်တစ်ယောက်တည်း။အမြဲတမ်းတတွဲတွဲမခွဲခဲ့ကြသူတွေက အခုတော့ အောင်ဘုန်းခေတ်ကြောင့် ဈာန်ဦးခေတ်တစ်ယောက်တည်းကျန်ခဲ့တော့မတဲ့လား။
ဒါပေမဲ့ ပြဿနာမရှိ။အခြားသူတစ်ယောက်နဲ့ကြည်နူးနေမဲ့ အသဲနင့်အောင်ချစ်ရသူကိုကြည့်နေရတာထက်စာရင် တစ်ယောက်တည်းလွမ်းနေရတာကပိုကောင်းတယ်မဟုတ်လား။
ချစ်ရသူကိုပူပန်စိတ်နဲ့မို့ ဂျူးဆက်သွယ်နဲ့မေစိမ်းသူကိုပါ ရောင်စဉ်ခြယ်နဲ့အတူတူလိုက်သွားခိုင်းလိုက်တာ။ခံစားရတဲ့ဝေဒနာတွေကို ဂီတနဲ့ကုစားဖို့ ဈာန်ဦးခေတ်ကိုယ်တိုင်ပဲရွေးချယ်ခဲ့တာမို့ ဒီအဖြစ်အပျက်တွေပေါ်မှာ နောင်တရခြင်းအလျင်းမရှိ။
" ဟဲ့... ကော်ရစ်တာမှာ အောင်ဘုန်းခေတ်ရပ်နေတယ် တွေ့လား...... "
ဈာန်ဦးခေတ်တို့အရှေ့ခုံမှာထိုင်နေတဲ့ ကောင်မလေးတွေဆီကခပ်တိုးတိုးအသံဟာ ဈာန်ဦးခေတ်ခန္ဓာကိုယ်ကိုဆတ်ခနဲ။ရှေ့မှာ စာသင်တဲ့ဆရာမရှိနေတာတောင် ကဲကဲလှုပ်ချင်နေတဲ့ကောင်မလေးတွေကို စိတ်ထဲမှာခပ်ချဉ်ချဉ်။
YOU ARE READING
💕 ပိုးမျှင်ကြိုး
Romanceတစ်မျှင်ခြင်းဆိုရင်တော့ အလွယ်တကူပြတ်တောက်သွားနိုင်ပေမဲ့ ကြိုးဖြစ်သွားတဲ့အခါ............ တစ္မွ်င္ျခင္းဆိုရင္ေတာ့ အလြယ္တကူျပတ္ေတာက္သြားနိုင္ေပမဲ့ ႀကိဳးျဖစ္သြားတဲ့အခါ............