✍️ Unicode
အသိစိတ်ဝင်လာလာချင်း ပထမဆုံးစခံစားမိတာက ကိုယ့်လက်ဆီကတင်းကျပ်မှု။လက်နှစ်ဖက်လုံးကိုကြိုးနဲ့တင်းတင်းကျပ်ကျပ်စည်းထားတဲ့ခံစားမှု။
ဘာရယ်လို့စဉ်းစားမရသေးခင် နောက်ထပ်ခံစားမိတာကတစ်ကိုယ်လုံးရွေ့လျားနေတာ။ရွေ့လျားနေတဲ့တစ်ကိုယ်လုံးဟာကိုင်ရိုက်ခံထားရသလိုနာကျင်နေတာ။
ခန္ဓာကိုယ်နာကျင်မှုထက်ပိုခံစားလာမိတဲ့စိုးရိမ်စိတ်က ညီဘယ်မှာလဲ။ညီဘယ်ရောက်နေတာလဲ။
" အင်း............ "
နောက်ကျောချင်းကပ်လျက်ရှိနေတဲ့သူဆီကထွက်လာတဲ့ ညီးညူသံသဲ့သဲ့ဟာ ညီ့အသံနဲ့တူတယ်လို့ထင်ပေမဲ့ လှည့်ကြည့်လို့ကမရသေး။
ဖွင့်လို့မရချင်တဲ့မျက်လုံးတွေကိုအတင်းဖွင့်ကြည့်လိုက်တော့ မြင်ကွင်းထဲဝင်လာတာက အကောင်းစားကားတစ်စီးရဲ့ အတွင်းပိုင်းတွေ။
ကားမောင်းနေတဲ့သူကိုတော့ နောက်ကျောကနေပဲမြင်နေရတာမို့ ဘယ်သူဘယ်ဝါရယ်လို့ကွဲကွဲပြားပြားမသိ။ဒါပေမဲ့ ဒီပုံစံကိုအရမ်းရင်းနှီးနေသလိုလို။
" အင်း...... ဟင်း.... ဟင်း............ "
ကျောချင်းကပ်လျက်လူဆီက နောက်ထပ်ထွက်လာတဲ့ညည်းညူသံကြောင့် ညီဆိုတာကိုပိုပြီးသေချာသွားစေတာပဲ။
" ညီ... ညီလား...... "
" အင်...... အင်း ဟုတ်တယ်... အောင်ဘုန်းခေတ်လား...... "
" ဟုတ်တယ်ညီ...... ဟုတ်တယ်...... ညီဘယ်လိုဖြစ်နေတာလဲ......... "
" မသိဘူးတစ်ကိုယ်လုံးကအရမ်းနာနေတယ်......... "
" ခဏလေးညီ တောင့်ထားဦး... ဘာတွေဖြစ်နေတာလဲဆိုတာ ကိုယ်ကြည့်လိုက်ဦးမယ်......... "
ကြည့်ဦးမယ်လို့ပြောလိုက်ရပေမဲ့ ခြေထောက်နှစ်ချောင်းရော လက်နှစ်ဘက်ရောတင်းနေအောင်တုပ်ခံထားရတာမို့ ဘယ်လိုမှလှုပ်မရ။
ဒီအချိန်မှာပဲ ကားကတုံ့ခနဲရပ်သွားခဲ့ပြီး ရှေ့ကကားတံခါးကိုဖွင့်ကာဆင်းလာတဲ့ ကားမောင်းတဲ့သူကိုမြင်လိုက်ရတဲ့အခါ ကိုယ်ကြက်သေသေနေမိပါရောလား။ကိုယ်ဘယ်လိုမှထင်မထားခဲ့တဲ့သူ။
YOU ARE READING
💕 ပိုးမျှင်ကြိုး
Roman d'amourတစ်မျှင်ခြင်းဆိုရင်တော့ အလွယ်တကူပြတ်တောက်သွားနိုင်ပေမဲ့ ကြိုးဖြစ်သွားတဲ့အခါ............ တစ္မွ်င္ျခင္းဆိုရင္ေတာ့ အလြယ္တကူျပတ္ေတာက္သြားနိုင္ေပမဲ့ ႀကိဳးျဖစ္သြားတဲ့အခါ............