✍️ Unicode
ကိုယ်တွေချစ်ချစ်တောက်ပူပြီး အဖျားတက်နေတဲ့ ညီ့ကိုကြည့်ကာ ကိုယ်ငိုချင်လာသလိုလို။ခြံထဲအလုပ်သမားတွေဖျားရင်တိုက်ဖို့ထားတဲ့ဆေးတွေတိုက်ထားပေမဲ့လဲ အခုအချိန်ထိတော့သိပ်မထူးခြားသေး။
အဲလိုမထူးခြားသေးတာကိုက ကိုယ့်ရင်ထဲပူလောင်နေလှပြီ။ညီကတော့ကုတင်ပေါ်မှာမျက်လုံးလေးတွေမှိတ်ပြီး ခွေခွေလေးမှိန်းလို့။အိပ်ပျော်နေတယ်ထင်ရဲ့။
" ဟင့်အင်း… အောင်ဘုန်းခေတ် ငါမင်းကိုမကြိုက်ဘူး…… "
ရုတ်တရက် ညီကအဖျားတက်ပြီးကယောင်ကတမ်းတွေပြောလိုက်တယ်ထင်ရဲ့။ခပ်တိုးတိုးထွက်လာတဲ့အသံထဲမှာ ကိုယ်ကိုဘယ်လောက်တောင်မုန်းနေခဲ့သလဲဆိုတာသိသာလိုက်တာ။ကယောင်ကတမ်းပြောရင်းခေါင်းတွေတောင်ခါလို့။
ကိုယ့်စိတ်ထဲ ခံစားရပေမဲ့လဲ ကိုယ်ဘာတတ်နိုင်မှာတဲ့လဲ။လွင့်နေတဲ့အတွေးတွေကိုတစစီလိုက်ကောက်ရင်းဘာဆက်လုပ်ရမယ်မှန်းမသိချိန်မှာ မားကိုဖုန်းဆက်ဖို့သတိရလာလို့ ဖုန်းနံပါတ်တွေကိုနှိပ်လိုက်တော့ ဖုန်းထဲကထွက်လာတဲ့မားအသံကြောင့် မားတို့ကိုလွမ်းမိသွားပြန်ပါရော။
" Hello… အကြီးကောင်လေး ဘာဖြစ်လို့လဲ…… "
" မား…… ညီအရမ်းဖျားနေလို့…… "
ကိုယ့်အသံမှာငိုသံစွက်နေတာကို မားကကိုယ့်ထက်အရင်သတိထားမိခဲ့ပြီ။ပြန်ပြောနေတဲ့မားရဲ့စကားမှာ အားပေးလိုဟန်တွေအပြည့်နဲ့။
" အရမ်းတွေစိတ်ပူမနေနဲ့ အကြီးကောင်လေး… ခေတ်လေးကအဲလိုပဲဖျားလေ့ရှိတယ်ရယ်… ဆေးတိုက်ထားသလား……… "
အရမ်းပူမနေနဲ့ဆိုတဲ့မားရဲ့အသံမှာလဲ စိုးရိမ်နေတဲ့အရိပ်တွေကို ကိုယ်ခံစားနေမိတာပဲ။
" ဆေးတိုက်ထားတယ် ဒါပေမဲ့အဖျားကမကျဘူး… ကိုယ်တွေလဲအရမ်းပူနေတာ……… "
" ကိုယ်တွေအရမ်းပူနေရင် ရေပတ်တိုက်ပေးလိုက်… အဲကွန်းရှိတယ်မလား… အအေးလျော့ပြီးဖွင့်ပေးထားလိုက်……… "
" အေးရင်ပိုဖျားမှာမဟုတ်ဘူးလား……… "
" ကိုယ်အရမ်းပူနေရင်လုပ်ပေးရတယ်……… "
YOU ARE READING
💕 ပိုးမျှင်ကြိုး
Romanceတစ်မျှင်ခြင်းဆိုရင်တော့ အလွယ်တကူပြတ်တောက်သွားနိုင်ပေမဲ့ ကြိုးဖြစ်သွားတဲ့အခါ............ တစ္မွ်င္ျခင္းဆိုရင္ေတာ့ အလြယ္တကူျပတ္ေတာက္သြားနိုင္ေပမဲ့ ႀကိဳးျဖစ္သြားတဲ့အခါ............
