✍️ Unicode
" မေဂျာ king ဖြစ်လာတဲ့အတွက် ပျော်သလားရှင့်...... "
" ဟင့်အင်း... မပျော်ဘူး...... "
Follower တော်တော်များတဲ့ တက္ကသိုလ် page တစ်ခုကနေ လာပြီးအင်တာဗျူးနေတာကို ခံရခက်နေတာက ဈာန်ဦးခေတ်။
အောင်ဘုန်းခေတ်ရဲ့ရည်းစားစကားအပြောခံရတဲ့ video ကနေ နာမည်ကြီးလာတဲ့ ဈာန်ဦးခေတ်က သိပ်ပြီးရုပ်ချောတာမဟုတ်ပါဘဲနဲ့ မေဂျာက king ဖြစ်လာသတဲ့။
နာမည်ကြီးတာ၊ထင်ပေါ်တာ၊လူသိများတာကိုမကြိုက်တဲ့ ဈာန်ဦးခေတ်အတွက်တော့ မေဂျာ king ဖြစ်လာတာဟာ စိတ်ရှုပ်စရာသက်သက်။
" ဟယ်... တချို့တွေ ဒီလောက်ဖြစ်ချင်နေတဲ့ king ကိုဖြစ်လာတာတောင် မပျော်ဘူးဆိုတော့ ပြောစရာ reason တစ်ခုခုရှိသလားရှင့်...... "
" ဟင့်အင်း... မရှိဘူး... မဖြစ်ချင်လို့ကို မဖြစ်ချင်တာ...... "
ဈာန်ဦးခေတ်ဖြေလိုက်တာကို အင်တာဗျူးမေးနေတဲ့ ကောင်မလေးက စိတ်ရှုပ်သွားဟန်အူတူတူနဲ့။နောက်မေးခွန်းတစ်ခုကိုစအမေးမှာ ဈာန်ဦးခေတ်အနားရောက်လာတဲ့အရိပ်တစ်ခုကို ဈာန်ဦးခေတ်သတိမထားလိုက်မိ။
" ဒါဆို တက္ကသိုလ် king ကိုမပြိုင်တော့ဘူးလားရှင့်...... "
" မပြိုင်ဘူး...... "
" ပြိုင်မှာပေါ့...... "
ဈာန်ဦးခေတ်နောက်ကနေပြိုင်တူထွက်လာတဲ့အသံတစ်ခု။နောက်ကိုလှည့်ကြည့်လိုက်တော့ အောင်ဘုန်းခေတ်။
မေးနေတဲ့ အင်တာဗျူးမလေးကို ဈာန်ဦးခေတ်နဲ့အပြိုင်ဝင်ဖြေလိုက်တဲ့ အောင်ဘုန်းခေတ်ပုံစံက နောက်နေတဲ့ပုံစံမဟုတ်။
ခပ်တည်တည်မျက်နှာပေးနောက်မှာ ပြတ်ပြတ်သားသားဆုံးဖြတ်ချက်တစ်ခုတော့ရှိနေဟန်။
" ငါ့မေးခွန်းကိုဝင်မဖြေနဲ့...... "
" ညီ့ ကိုယ်စားပြောပေးတာ...... "
" ဒါ ငါ့စိတ် နဲ့ ငါ့ကိုယ်... ငါမပြိုင်ဘူးဆိုမပြိုင်ဘူး...... "
" အေးလေ ဘယ်ပြိုင်မလဲ... မရနိုင်မှန်းကြိုသိနေတာကိုး...... "
စိတ်ကိုလာဆွနေတာမှန်းဈာန်ဦးခေတ်သိပေမဲ့ အောင်ဘုန်းခေတ်ရဲ့လှည့်ကွက်ထဲကို ပါမသွားနိုင်။
YOU ARE READING
💕 ပိုးမျှင်ကြိုး
Romansaတစ်မျှင်ခြင်းဆိုရင်တော့ အလွယ်တကူပြတ်တောက်သွားနိုင်ပေမဲ့ ကြိုးဖြစ်သွားတဲ့အခါ............ တစ္မွ်င္ျခင္းဆိုရင္ေတာ့ အလြယ္တကူျပတ္ေတာက္သြားနိုင္ေပမဲ့ ႀကိဳးျဖစ္သြားတဲ့အခါ............