✍️ Unicode
" ရှင်ကကော ဘာတွေအသုံးကျနေလို့လဲ… ကျွန်မသားဆီကပဲလက်ဖြန့်တောင်းပြီးစားနေရတဲ့သူကများ…… "
ညစာစားဖို့ထမင်းစားခန်းအဝင်မှာပဲ အထဲကလွင့်လာတဲ့အသံကြောင့် ကိုယ်စိတ်ရှုပ်မိရပြန်ပြီ။မယ်ဖုရားတို့တော့ သောင်းကျန်းနေပြန်ပြီ။ဒီနေ့ နေ့လည်က နဒီနဲ့သွားတွေ့တာအဆင်မပြေလို့စိတ်ရှုပ်နေရတဲ့အထဲ အိမ်ပြန်ရောက်တော့လဲတစ်မျိုး။
အခုတလော နဒီနဲ့ကလဲသိပ်အဆင်မပြေ။တွေ့လိုက်ရင် ကြည်ကြည်နူးနူးစကားတွေပြောရမဲ့အစား စကားနာထိုးတာကခပ်များများ။စကားနာထိုးတာကလဲ ညီနဲ့ကိုယ့်ကိုမယုံတာချည်း။ကြာတော့ နဒီနဲ့စကားပြောရမှာတောင်ခပ်ကြောက်ကြောက်ဖြစ်လာပြီ။
" ဟော… အိမ်ကြီးရှင်လဲပြန်လာပါပြီရှင်…… "
ထမင်းစားခန်းထဲလှမ်းဝင်ဝင်ချင်း မယ်ဖုရားအသံက ကိုယ့်ဆီတည့်တည်ဝင်လာတာပဲ။ကိုယ့်ခေါင်းထဲကနဒီ့အကြောင်းတွေးနေတာတွေတောင် ဘယ်ထွက်ပြေးသွားမှန်းမသိလိုက်။
မယ်ဖုရားကိုဘာမှခွန်းတုံ့ပြန်ပြောမနေတော့ဘဲ ထမင်းစားပွဲကိုဝင်ထိုင်လိုက်ပေမဲ့ မယ်ဖုရားအသံကရပ်မသွား။
ဒါမျိုးတွေကကိုယ့်အတွက်တော့ရိုးနေခဲ့ပြီ။တစ်ခုပဲ၊ဖဖုရားအတွက်စိတ်မကောင်းဖြစ်မိတာတစ်ခုပါပဲ။မယ်ဖုရားဘယ်လောက်ဆူဆူဘယ်လိုပြောပြောသည်းခံပြီးပေါင်းသင်းလာခဲ့တာ ကိုယ့်တစ်သက်။
" ဒီမယ်အောင်ဘုန်းခေတ်မင်းကကော… ငါ့ကိုတစ်လစာအသုံးစရိတ်တိုးပေးဖို့ အစီအစဉ်လေးဘာလေးမရှိဘူးလား…… "
မယ်ဖုရားရဲ့ဒေါသက ကိုယ့်ဆီလှည့်လာပြီ။တစ်ခုခုကိုလုပ်ချင်တဲ့အခါတိုင်း၊တစ်ခုခုကိုတောင်းချင်တဲ့အခါတိုင်းမယ်ဖုရားက ဖဖုရားအတွက်ဘယ်တုန်းကမှထည့်မစဉ်းစားခဲ့။
အခုလဲ အသုံးစရိတ်တိုးပေးမလားမေးတာတောင် ငါ့အတွက်တဲ့။ဖဖုရားအတွက်ထည့်မပြော။အဲလိုတစ်ကိုယ်ကောင်းဆန်တတ်တာ။
" ဟဲ့ ငါမေးနေတာမကြားဘူးလား…… "
" ဒီကိစ္စနဲ့ပတ်သက်ပြီး ကျွန်တော့်မှာ ဘာမှပြောစရာမရှိပါဘူး မယ်ဖုရား…… "
YOU ARE READING
💕 ပိုးမျှင်ကြိုး
Romansaတစ်မျှင်ခြင်းဆိုရင်တော့ အလွယ်တကူပြတ်တောက်သွားနိုင်ပေမဲ့ ကြိုးဖြစ်သွားတဲ့အခါ............ တစ္မွ်င္ျခင္းဆိုရင္ေတာ့ အလြယ္တကူျပတ္ေတာက္သြားနိုင္ေပမဲ့ ႀကိဳးျဖစ္သြားတဲ့အခါ............
