#ليله_في_ديسمبر17
من المهم جدًا، أن تستريح.
وأن تؤمن بأنك تستحق الراحة، وأن تضع لنفسك مكانة ليس من المسموحِ لأحد أن يقلل منها أو يخدشها أو حتى يجرحها.
" هذه الحياة تخصك وَحدك "
ولن يعيش حياتك غيرك، فلا تسمح لهم يجبروك أن تعيش مالا تستحقه.
كل البقدر اقولو ليك ي طارق إنه اياً كان الوضع النحن وصلنا ليه اليوم ف دة كان خيارك إنت وقرارك إنت كمان،وعموماً انا إتخطيت الموضوع وإتجاوزته وبالنسبة لي دة باب وإتقفل وم حابه اتناقش فيه مرة تانيه ،ولما رسلت ليك حبيت اطمئن عليك دي حاجه والحاجه التانيه عشان اكلمك إنه الأسبوع الجاي حتكون خطوبتي ،حسيت إنه مفروض اكلمك بنفسي وبس ،ابقى عافيه ♥️
..........................
يا سندس حبيبتي كيفك
اهلين رونق،الحمدلله كيف إنتِ وكيف اولادك امجد ومنه واحمد كيفهم؟
كويسين يسألو منك ساي،مشتاقين ياخي ،مشيتو خليتو لي البيت خلا ،الليله لبست من الصباح قلت بس اجيكم بأي طريقة
كتير والله ي رونق،كويس انك جيتي قاعدين برانا
والله فقدتكم فقدة انا زاتي بقيت قاعدة براااي زي الحاجه الشينة وعارفة براك ي خالتو سلوى انا واهلك ديل م بنتفق
كيف هم كويسين بس ان شاء الله؟
م بعرفهم وم قاعدة امشي عليهم قافله بابي علي،لكن سامعة كدة شهد إتخطبت لزول امريكا داك،خربت على المسكينة دي وظبطت امورها بهناك
إتخطبت ليه عديل؟متين
اي والله ي عمتي سلوى والجمعة الجايه بعد يومين دي الخطوبة اظن م كلمتكم؟هو زاتو نزل السودان واليومين دي طالعة ونازلة معاه ينزلها قدام البيت بدون إختشى او إحترام لأبوها او اخوانها مبالغة اظنها طايرة بيه السماء شايبها دة
ماف زول كلمنا غايتو نهائي
اها إنتو طارق كيف متواصل معاكم ولا حاجه؟
طارق مقفل تلفوناتو واي شي،م قادرين نصل ليهو هو زاتو لكن اتكلمت مع اصحابو معاه هناك سندس دخلت ليهم من صفحتو في الفيسبوك واتكلمنا معاهم غايتو قالو لينا كويس م عندو عوجة مع الشغل بس لكن ،قلنا نخليه يروق شوية ونتكلم معاه
إن شاءالله ربنا يصلح الحال ويطيب النفوس،سندس ما اوصيك خليك بت شااااطرة وامسكي في طارق دة قوي اصلاً م تخليه إتمسكني لمن تتمكني بعدين إتحلحلي ليه،شوفي البيت دة بانيه ليك كيف وشوفي العمار والحال دة ،عايزة شنو تاني؟دة كلو بيتك عنده منو غير عمتي سلوى دي في الدنيا؟ولا شي،الف بت تتمناه ،بت عمتك خربت عليك لكن الله في،وبرجع شوفتي الرجال ديل اكتر حاجه بتلف و بترجع ،إنتِ بس شدي حيلك وخليك قادرة يلف يمين يلف شمال خليك ثابته يلف قدرتو في النهاية برجع ليك فاهمة؟الرجال ديل بتمسكو بالشطارة والعقل،اوعى تعملي ليه امور الغيرة والزعل والحماقة والكلام الفاضي دة،هسي انا شهاب دة لو م بتعامل معاه بعقلي وبفكري زمان كان بيتي مخروب لكن الحمدلله مهما يعمل مهما اشوف منه قاعدة في بيتي وبيت اولادي برجع براه كان قلت ليه بوس رجولي دي ببوسها دة كله بشنو بالعقل بس
