#ليله_في_ديسمبر14
كل ماتكبر يوم، حتفهم إنه اليوم القاعد تعيشه لدة ما مجرد يوم.
هو عمرك، حياتك، تفاصيلك، قلبك، راحتك، وقتك ومجهودك.
كل ماتكبر حتفهم، انه ما بالضرورة تكون محاط بالكثرة، ما بالضرورة تكون تحت رحمة زول، وان حياتك ملكك، م ملك زول، وأنك تستحق تعيشها زي م عايز...🌻♥️
دكتور عمار كيفك
هلا بالسيدة شهد،تمام الحمدلله وإنتِ؟
الحمدلله،اسفة الفترة المضت دي م كنت برد على رسايلك لأني م كنت متفرغة وكنت مضغوطة شوية بيتنا ملان وكدة
العفو يا شهد ،انا كنت بحاول اتطمن عليك بس لكن طالما إنتِ كويسة مافي عوحة،ومتلمين في الحرم كدة إن شاءالله ي رب
اللهم امين،حبيت اعتذر ليك عشان م تعتبرها قلة ذوق مني 😁
لو إعتذرتي مرة تانيه حأزعل منك اكيد،المهم طمنيني عليك كيفك كويسة؟
الحمدلله ماشي الحال
ماشي الحال دي ما بتوحي بإنك كويسة ولا حتى النبرة القلتيها بيها
يا دكتور عايزة اسألك سؤال جاوبني عليه بصراحة من وجهه نظرك ما ك زول متقدم لي
إتفضلي
انا قبل م كنت بفكر في الزواج بصورة جادة او واقعيه وم كان ضمن خطتي في الحياة ف انا العايزة اقولو إنه هل المنطقي نتزوج عشان الحياة فارضة علينا كدة ،مش المفروض تكون في رغبة؟
الرغبة من اولويات الزواج،هي الدافع لإستمراريته،يعني اليوم اذا انا م عندي رغبة اداوم في الشغل لو مشيت وداومت م حشتغل واتعامل مع المرضى بنفس الطريقة البتعامل بيها يوم يكون عندي رغبة في الشغل
يعني مثلاً انا الزواج بالنسبة لي "بيتٍ آمنَ يسَكنُه الحُب والأمانَ طوَل العُمر"...♥️وطالما دي رغبتي اكيد حأسعى في تقديم افضل ما عندي في سبيل إني اعيش حياة مستقرة بعد العمرة دة كله
ايواا دي وجهه نظري الما قادرة اشرحها لزول،إنه الزواج رغبة،لو م حسيت إنه عندي رغبة كيف اتزوج واظلم الطرف التاني معي ،انا اسفة إني بقول ليك الكلام دة م من باب إني اطفشك وكدة م تفهمني غلط
بالعكس من دواعي سروري اسمع منك الكلام دة،و الزواج دة قسمة وارزاق،كان فيك النصيب اكيد ما بتفوتيني ،ولا لا كمان اكيد انا الخسران ،المهم إنتِ عايزة شنو!؟
ليه خسران؟ما يمكن ربنا كاتب ليك واحدة تعيش معاها حياة افضل صح؟
صح،بس بنرجع لموضوع الرغبة،ما اي واحدة انا رغبتي كانت إنتِ اول مرة اختار وم تظبط م تفهمي إني بقول ليك كدة ك عتاب لرفضك 😁
بس انا م رفضت لسة يا دكتور
وم وافقتي برضو 😁
سكتت
قال لي عموماً انا م مستعجل ابداً زي م قلت ليك قبل،متفهم الصراع الإنتِ فيهو ف م تستعجلي اخدي وقتك واياً كان قرارك واسبابك بالنسبة لي حيكون خسارة من ناحية ومكسب لإني عرفتك من ناحية تانيه،م تخجلي من حته إنه تقولي لا عادي ♥️
