أحببت عبدتي 😍 💞🔞

الحلقة 1

- ياماما علاه مافيقتنيش بكري ماعادش عليا وقت
- قريب نسمع الجيران و انت تقول مافيقتنيش
- اووف بش نوصل روتار كيف العادة
- هيا ازرب روحك البس دبشك هاني حضرتلك سندويتش كولها في الطريق
- باهي
لبست سروال دجين نوار مريول ابيض و بسكات ابيض زادة عملت شعرها كي دو شيفال ... هزت ساكها .... باست امها من جبينها .... خذات من يدها السندويتش ....و خرجت تجري بش تلحق الكار .... أما كيف العادة فاتتها .. ترصتلها تكمل تجري بش ما يفوتهاش درس العلوم ...كان فاتها ماعادش تنجم تفهمو .
بعد ربع ساعة جري و اخيرا وصلت قدام الفاك ..... وقفت قدام الباب البرة ... حلت يديها ...عبات رواريها بالهواء... هي واقفة تاخذ في هواء لين يفجعها صوت تزمير وراها
- لباس ماهو ، بشوي الهم هذا فجعتني
تحكي و تهز في يديها .... و يهبط من الكرهبة طفل ... قنبلة ... الشعر اكحل على شيرة لعيون قري... اللحية محصورة...و البدن مسكل تي الكوستيم الي لابسها قربت تطرشق عليه ...هيا من الاخر طول و زين و قد
بقات حالة فمها تخزر لكتلة الجمال الي قدامها مافيقها من سرحتها كان صوته، صوت كله بحة و رجولية... ااههه ياربي
- باش تقعد برشا حالة فمك
- ش ش شنية
- لباس كنت تعيط
وقتها فاقت على وضعها كبست روحها و حكات بتنرفيز
-فجعتني و تحبني نسكت... لباس نازل تزمر هكك
معجباتوش كيفاه تحكي معاه بالعياط و الناس تخزر اما حافظ على هدوءه مش هو لي تتحركله شعرة على جرد فرخة كيفها .. و قال : كان جيت تفهم راك ما تقفش قدام الباب و الناس مشيا جايا
- بربي و انت لي باش تعلمني وين ناقف ، مش عندك ساقين اهبط امشي كيف الناس
جى بش يكمل يحكي اما قصت عليه اختو الي كان جاي بش يوصلها : عيش خويا مش لازم تعب روحك برشا مع لشكال الي كيفها... طفيها ولا احقرها هتو تعرف قدرها
- شكون تستخايب في روحك انت ماشي في بالك بنت البي تحكي معايا بالطريقة هذي الزم حدودك و اعرف اش تخرج من فمك
جات بش تجاوبها ياخي قص عليها خوها كي عمللها بيده اسكت : ريمة ادخل اقرى على روحك
دخلت طول من غير متزيد حتى كلمة... أما لخرى قعدت تقحرلو اول ما بعدت اختو قرب منها اكثر نزل وجهو شوي بحكم هي اقصر منو و قال : لكلام مع الي ميفهمكش زايد.... ماعنديش ليك برشا وقت ولا كنت علمتك كيفاه تحكي مع الي اكبر منك و الايام مزالت قدامنا
- و انا نستنى فيك
عطاها بضهره و مشى خطوات ... ركب في كرهبتو مرسيدس اخر مودال ديمارها و طار بيها لين ماعادش يبان
بقات مزهبلة تخزر مافهمت شي من مظهره باين فيه ولد شكون و شكون حست روحها في مصيبة ...أما مش هي الي تخاف.. بقات تتخمم حتى حست بيد تحطت على كتفها
- يا عنبو عمري ياخي الناس لكل تحب تفجعني ليوم
دارت وراها لقاتها صاحبتها سيلين تضحك
- فاش قام تضحك انت عالصباح فما حاجة تضحك
سيلين : انت ههههه انت يا ميسون ههه
خزرت لروحها...لبستها عادية ما فما شي يخليها تضحك ياخي بدات تصيح : لباس ماهو صارت حاجة لعقلك
سيلين : عقلي لباس..أما انت مانتصورش
ميسون هنا طارتلها عالاخر : تي شبي سماك عالصباح تحب تضبعني
سيلين: توا بربي قلي فما وحدة بعقلها تعمل عركة مع أمير المالكي و تعيط في وجهو زادة هههههه
ميسون : شكون هذا زادة ؟
سيلين: تحكي بجدك ماتعرفوش...الناس لكل تعرفه
ميسون : هاو طلعت مانعرفوش
سيلين: أمير المالكي بوه حسان المالكي صاحب اكبر عقارات في تونس و في برشا بلدان أخرى
ميسون في قلبها بش تموت من الخوف عرفت الي هي وحلت وحلة كلبة اما محبتش تبين : مممم هاو بدى في بالي
سيلين: اما ملا انت ياعشيرتي قريب تنقز تاكلو بسنيك مقواك
ميسون : ماو كان هو أمير المالكي ولا شنيا انا ميسون المختاري
المهم دخلوا يجاراو بش يخلطوا عالكور.
اما امير ملي تفارقوا طار للشركة عنده اجتماع