ICARUS: THE GOD HAS FALLEN

Kabanata 32

"Ano?! Hayp na 'yan. Paano nangyari?!"

Halos mabingi si Maria sa lakas ng sigaw ni Mia. Kaagad niyang sinamaan ng tingin ang kaibigan. Sumenyas din siya at itinuro ang nakasaradong pinto dahil tiyak niyang kung may daraan, maririnig ito. Umakto naman itong sinisilyuhan ang bibig, at itinaas ang dalawang kamay na may hawak na Heinekin, tanda ng pagsuko.

"Sorry, nabigla lang," hinging paumanhin nito kapagkuwan.

Napabuntonghininga si Maria.

Nakabibigla naman talaga ang sinabi niya.

"Damn that bastard! I'm going to kill him," ani Brad. Nakaupo ito sa couch katapat niya. Nang balingan niya ito, mariin ang pagkakahawak ng lalaki sa lata ng Heineken, halos mayupi na iyon.

Ito na nga ba ang sinasabi niya kaya ayaw sana niyang sabihin sa dalawa ang nangyari sa pagitan nila ni Icarus. Pero dahil pinilit siya ni Mia, napilitan na lamang siyang umamin. Iyon naman talaga ang dapat.  Walang sekreto sa kanilang magkakaibigan. Iyon nga lang, nag-aalala siya sa gagawin ng dalawa.

Ipinagsalikop niya ang dalawang kamay. "Please, don't tell anyone. Alam ko naman na malalampasan namin ni Icarus ito. Saka, he's doing his best. Ayaw kong masira siya sa pamilya ko. He's a good man."

"Eh, paano ka? Okay lang ba sa 'yo?" wika ni Mia. Padabog itong naupo sa couch at tumabi sa kaniya. Tiningnan siya nito nang mariin. "Sabi ko na nga ba, eh, something's not right. Kaya pala ang lungkot ng mata mo kanina pa."

"I can handle myself," aniya. Totoo naman kasi iyon. Hindi nga lamang niya alam kung hanggang kailan.

"Damn! I hate it. Tell me how can I help you, Mary," si Brad. Naiiling.

Dumampot ng Lays si Mia bago nagsalita, "Tumigil ka nga. Eh, hindi mo nga nahanap ang nanay kuno ni Mary. Ano pa ba magagawa mo?"

"I did find her."

Nagulat si Maria sa sinabi ni Brad. Kunot ang noo na tinitigan niya ito.

"I know, I lied."

"You're kidding, right?" tanong niya.

Umiling si Brad. Nagwika, "Sorry, Mary. Nakiusap ang papa mo kaya hindi ko na sinabi pa. Nangako naman siyang sasabihin sa 'yo kaagad, naunahan nga lang." Napakamot ito sa ulo.

"Traitor!" patutsada ni Mia sa lalaking kaibigan. "I'm the true best friend here. Right, Mary?" Inakbayan nito si Maria.

Hindi nagsalita si Maria. Wala naman siyang sama ng loob kay Brad. Naiintindihan naman kasi niya kung bakit nito nagawa iyon. Isa pa, kahit magalit siya, nangyari na ang mga nangyari. Wala nang magagawa. Nagkaayos na rin sila ng mga magulang. Iyon ang mas mahalaga.

"Galit ka ba?" tanong ni Brad sa pananahimik niya.

Umiling siya. Nagwika, "Bakit naman ako magagalit?"

"Because he lied, Mary," inis na wika ni Mia. Lumayo ito sa kaniya at lumapit kay Brad. "Dapat sa damuho na 'to. . . binubugbog! Saka, bakit ba lagi kang nasa bakasyon? May tinatago ka bang asawa? Saan ka nga galing ngayon? Sa Hawaii?"

Hindi sinangga ni Brad ang mahihinang suntok ni Mia. Bagkus, natawa ito’t nailing. Si Maria ay ganoon din. Natatawa na lamang siya dahil mas apektado pa si Mia kumpara sa kaniya. Mukhang may tama na rin ang kaibigan. Bakit ba ito naglalasing nang maaga? Akala pa naman niya ay siya ang lalasingin nito dahil siya ang may problema. Weird!

"Hey, tama na 'yan." Tumayo si Maria at nilapitan si Mia. Pinapatigil ang kaibigan sa ginagawa nito. "Baka iwanan tayo ni Hawaiian boy ngayon," tudyo niya, ang mga mata ay natuon kay Brad. Mukha kasi itong kagagaling lang din sa isang Hawaiian vacation dahil sa suot na polo at short na terno. May bulaklaking garland pa ito sa leeg.