لاتحرم الروح من وصلك ، وترى الوصل منك يحييها

3

"انسى الماضي ولكن لاتنسى الدرس."

●●●●

توسط شعور غريب في محمد ، قال وهو يشبك يده ببعض : طيب الحين انتم لقيتو الشخص المتهم عليه ؟
منى هزت رأسها بلا وقالت : ماقدرنا نتكلم معاها ، شخصيتها مره تعبانه وممكن نضطر نوديها لدكتور نفسي
محمد بحيره : والله مدري ، لااكذب عليك شدتني القضيه ، اذا خلصت من اللي ماسكه الحين أمكن امسك هاذي
منى : مانقدر ننتظر ، احتمال بيرجع بخطه جهنميه انا والشرطه مانلاحظها ويسوي بها جريمه شنيعه ، خصوصا انها اشتكت وهو مهددها اساسا
محمد شبك يده مره ثانيه وقال : اقدر اكلمها ؟ واضح نفسيتها مو بخير
منى بسرعه : اكيد واي وقت تبغاه
محمد قام وقال : اجل راح اجي بعد كم يوم ، لاني مشغول وأساسا راح اكلمك انا
ابتسمت منى وقالت :على الرحب والسعد
ابتسم محمد وطلعت منى ، رجع محمد يشتغل على الابتوب وفجأه دق جواله ، نظر للمتصل وكانت "صغيره قلبي" ، ابتسم وفتح ، جاه صوتها : ليه ماتدق !
ضحك وقال : مشغول والله مشغول ياحياتي
هتان : زين ، وينك الحين ؟
محمد : بالفندق ، اشتغل على الابتوب
هتان : زين ، كيفك ؟
محمد بابتسامه : بخير ولله الحمد ، كيف ابوي كيف نسيم وبشرى ؟
هتان : ابوي بخير ونسيم بخير وبشرى بخير ، مير بشرى انها تضايقني شوي الا انها حبوبه ونفس جوي
ضحك محمد وقال : ياحبي لها ، ابوي موجود ؟
هتان ابتسمت : لا مو هنا ، راح مع مساعد مدري فين
محمد : زين وين بشرى ابي اكلمها
هتان : مدري ، ايه صح خرجت مع نسيم يتمشون برا
توسعت عيون محمد : ومخلينك لحالك ؟
هتان ضحكت ، وابتسم محمد ، هتان : مير عاد الجلسه لحالي افضل بكثير من المزعجه نسيم وبنتها
محمد : زين انا بقفل ياقلبي عندي أشغال كثيره
هتان : زين يلا فمان الله
محمد :فمان الله
قفل محمد ونظر للابتوب ، وهو يكمل شغله

●●●●

طلعت تهاني من الغرفه وقام خلف بسرعه وهو يقول : انتي بخير ؟
خانتها العبره ، وبدات تبكي بهدوء ، سكت خلف على حالها ، ماتجاوز عمرها 19 لسا وتعيش كل هذا ، مسكها من كتفه ومشى بهدوء وهو يسمع انينها ، شاف الدكتوره تطلع وقال : متى تطلع النتيجه ؟
الدكتور : بعد 23 ساعه
هز رأسه مبتسم بهدوء ومشى وجنبه تهاني ، توجه للسياره وركبت ، وتوجه لمركبته وركب ، مشى بالطريق تحت الهدوء فقط انين تهاني الخافت ، وشهقاتها ، لمح محل ايسكريم ، قال بتغير جو وهو يوقف عنده : تبين ايسكريم ؟
مسحت دموعها وابتسمت وقالت : اذا ماعليك زود
ابتسم وقال : ابشري وش تبين نكهه ؟
تهاني : فرواله !
ابتسم ونزل تحت انظار تهاني ، اللي كانت تبتسم بهدوء ،
رجع خلف وبيده ايسكريم واحد فرواله والثاني شكولاته ، ركب وأعطى تهاني ايسكريم ، وقال بتحذير وهو يبتسم :انتبهي لاتعدمين السياره
هزت رأسها وهي تبتسم : ابشر
مسكت الايسكريم وتلامست ايديهم ، تقشعر جسد تهاني وتلاشت ابتسامتها وقلبها يدق ، سحبت الايسكريم بدون لايعرف وهي قلبها يدق ، خلف وهو يمشي : لي فتره ما اكلت ايسكريم !
تهاني :.....
نظر لها وشافها ماسكه الايسكريم وتناظر لقدام بدون تاكل ، تعجب وقال : تهاني ؟
نظرت له بسرعه وكان وجهها مشحوب، ضيق عينه وقال : ان شاءالله انك بخير ؟
كان خايف تأثير الفحص يأثر عليها ، تهاني : ولا شي ، بس ابي ارجع البيت
هز رأسه مبتسم ومشى وهو ياكل الايسكريم