لاتحرم الروح من وصلك ، وترى الوصل منك يحييها

10

محمد | الرياض

طلع محمد من السياره وهو ينظر للبيت .
لمح سيف جايه .
سيف بعد ماسلم على محمد : كيف حالك ؟
محمد مبتسم : الحمدلله بصير بخير اذا لقيت لي شقه
سيف متعجب : والفندق ؟
محمد : الفندق يبي لي ادفع كل يوم ابي لي شقه
سيف دخل يده بجاكيته من البرد : تعال معي ياولد انا عايش لوحدي
محمد مبتسم بخفه : مابغا ازيد عليك اخذ لي شقه هنا اريح
سيف بفضول : وش بتسوي بقضيه إيناس؟
محمد نظر للبيت الكبير اللي قدامه واستنشق الهواء :  بكره بروح للمستشفى
سيف بتعجب : ليه
محمد : إيناس انصابت والواضح اللي أصابها خالها !
سيف : محمد تجيني انا افكار
محمد نظر له بهدوء : وشهي
سيف : انا اقول ان البنت تزوجت قبل وخلفت
محمد : مستحيل محد تقرب لها غير خالها
سيف : انا عارف بس يعني..
محمد سكته وهو يقفل باب السياره : كفايه افكار وظن السوء !
سيف مشى وراه : ماقصدت اني اضن السوء والله لكن كل شي محتمل !

------

في مركز الشرطه | حامد وخالد

كان خالد جالس على المكتب الخاص فيه وقدامه حامد .
كانو ماسكين أوراق يفتشونها على الاقل لو يلقون دليل وخيط بسيط .
دق الباب ودخل المفتش .
نظر حامد وخالد للمفتش بتعجب وقال خالد وهو يقوم : تفضل
المفتش : جانا إبلاغ بشأن قضيه فاتح !
نظر خالد لحامد وتوجهو كلهم لمكان الابلاغ .
المفتش وهو يمسك الملف ويقدمه لخالد : حسب كلام البلاغ فاتح كان موجود بالعنوان الموجود هنا في حي *****
خالد مسك الملف وحامد كان ينظر .
خالد بعد ماقرا نظر لحامد وقال : فاتح كان موجود في نفس المكان اللي كنا فيه !
حامد : مافي دليل عندنا !
المفتش : اقاطعكم لكن المكان جنبه غابه واحنا نفكر انهم رمو الاسلحه والأشياء هناك
حامد نظر لخالد : بكذا ناخذ بصمات الأصابع
خالد سكت وهو يفكر .
المفتش : نطلع أذن تفتيش ؟
خالد : انا اول بروح هناك وافقد المكان
حامد : اروح معك انا ؟
خالد وهو يطلع : خلك هنا
أعطى حامد الملف المفتش وطلع .
وهو يمشي لمح فاطمه .
توسعت عينه ولف على طول دخل غرفه المفتش .
المفتش بصدمه : حامد ! وشفيك
حامد نظر وراه لان الغرفه أبوابها قزاز .
شافها تمشي وهي تضحك .
نظر للمفتش والمفتش نظر لحامد اللي كان ينظر له .
ضحك المفتش وقال : تنخش عن هذا ! والله مسكينه
حامد قمط لما شافه يضحك .
وقال : تضحك ليه !
المفتش بلع ريقه : اسف
نظر حامد لوراه وشافها راحت .
فتح الباب واول ماطلع ضحك المفتش .
طلع من المركز بسرعه .

-----

مركز الشرطه | منى

منى : ليه بابا خلاك هنا ؟
الطفله : مادري قلي أوقفي هنا وانا وقفت
منى ابتسمت : عادي تعلميني عن بابا ؟
الطفله بفرح : عادي
كملت : انا عشت وتربيت مع بابا ماكنت اشوف ماما لان بابا يقول ماما مسافره من يوم ما ولدت
منى بتعجب : ماما وين سافرت ؟
الطفله بتفكير : في الحقيقه انا ماعرف وين ، بعدها بابا وداني للمستشفى مع دكتوره خلاني هناك وبعدها جاء واخذني
منى بصدمه : وداك المستشفى !
الطفله بحزن : بابا كان يحطني في المستشفى كل مازعل مني ويضربني وبعدها يوديني للمستشفى كل هذا وانا احبه للحين !
منى : ليه يضربك ؟
الطفله : علشان كنت اتكلم عن ماما كثير وما اسكت وهو مايحب احد يتكلم عن ماما
منى : طيب انتي تعرفين شي عن ماما ؟ اشيائها ؟ صورها ؟ اسمها ؟
الطفله بتفكير : لا ما اعتقد
كملت بعد ماتذكرت : مااعرف شي عن ماما الا اسمها وبابا ماكان يخليني اقول اسمها والا يضربني
منى بحزن وهي تمسح على رأس الطفله : الحين يمكن بابا عنده مشوار ومايعرف وين يحطك ننتظر مع بعض هنا ؟
الطفله : طيب .
منى ماكانت راضيه عن اللي تقوله ، طبيعي محد بيحطه طفله قدام مركز شرطه علشانه مشغول ! ، لكن علشان تريح قلب الطفله .

-----

حاكم |

دق جواله وكان رقم مجهول .
نظر له بتعجب وفضول ومسك الجوال .
فتح وقال : نعم
المتصل : سلام ياحاكم
حاكم ضيق عينه وقال : وعليكم السلام لكن مين انت
المتصل : انا عمر
حاكم بتعجب : عمر ؟
المتصل : انتظرك بالمطعم اللي جنب المركز
وقفل قبل لايقول حاكم شي .
حط جواله على الطاوله متعجب .
وقام واخذ جواله معه .
فتح الباب وطلع من المركز وراح للمطعم .
دخل المطعم وهو يدوره مع انه مايعرفه .
شاف واحد يأشر له نظر له زين وعرف مين هو .
بسرعه مشى ومسك ياقه عمر وضربه على وجهه .
اللي بالمطعم خافو ونصهم تجمعو علشان يفصولونهم عن بعض .
ومن بين ضرب حاكم لعمر قال حاكم : عديم الشرف