لاتحرم الروح من وصلك ، وترى الوصل منك يحييها

32

بعد مرور ثلاث ايام _

دخلت نسيم لغرفه محمد وهو نايم .
نظرت له واقتربت له بهدوء .
جلست على حافه السرير وبدات تنظر له .
مما جعل محمد ينفجع منها .
محمد : نسيم وش فيك
نسيم بهدوء : محمد
محمد استنكر وجهها واعتدل بجلسته وقال بصوت نايم : وش مقومك الحين
نسيم نظرت للي في يدها : لقيت علاج بدرجك
بصدمه نظر للدرج وقال بتوتر : علاج كنت أخذه وانا مصخ...
نسيم بهدوء : العلاج كان علاج نفسي وش يجيبه لك
محمد بتحذير ورجاء : هدي صوتك لاحد يسمعك
نسيم ب اصرار : محمد قول لي ليه عندك العلاج
محمد : طيب بعلمك
عملها عن كل شي صار الا الأحداث القديمه .
نسيم بخوف : مرض نفسي بدون اسباب !
محمد : ......
نسيم قامت وقالت ب إنكار : لي ثلاث ايام ابحث عن المرض ، هو مرض يا يصيب الانسان في طفولته وتتاثر بالمستقبل ، ياصدمه صارت فقط !
محمد قام وقال وهو يهديها : هذا ماله تبرير يانسيم ، مرض وقدره لي ربي
نسيم نظرت له وقالت بحزن : من متى عندك ؟
محمد بهدوء : ٣ سنين
نسيم بشفقه : ٣ سنين واحنا مانعرف عنك !
حضنته وتنهد .
اسوء شي كان يتمنها محمد الشفقه .
وهذا احد اسباب انه ماكان يعلم احد .
دق جواله وشاف وكانت منى .
محمد بعدها وقال : بكلم
طلع برا الغرفه وشاف الكل نايم .
فتح باب الحوش وطلع وقفله ووقف ورد وقال : منى
منى وهي تصب القهوه : محمد قسم الجرائم اللي بالرياض طلبو مقابلتك
محمد : انا !
منى وهي تشيل الكوب وجوالها تحت اذنها وكتفها : ايوه انت
مدت القهوه لايناس اللي قالت بهمس : محمد ؟
ابتسمت منى وهزت رأسها ب ايوه .
محمد تنهد : طيب
إيناس كانت بتكلمه لكنها ترددت بخجل .
منى قفلت وهي تبتسم .
لف محمد على البيت ودخل ودخل غرفته .
ونسيم ماكانت موجوده قال : يكفي اذا تهربت منها ب اسرع وقت
غير ملابسه بسرعه وطلع من البيت .

--------------

يوم صباح جديد استعد الجميع لمكانه .
ومن ضمنهم فريق A اللي كانت عنده مهمه خاصه وسريه .
ومن الصباح طلب خالد انهم يتجمعون في مكتبه .
دخل خالد ومعه كوب شاهي وحطه على المكتب .
نظر للموجودين وكانت من ضمنهم نجود .
بلع ريقه وقال : اليوم جمعتكم علشان مهمه سريه ، وسريه يعني محد يعرف عنها !
هز الجميع رأسه بالتفهم .
خالد نظر لحامد وقال وهو يجلس على الكرسي : محمد وصل
حامد : على وشك الوصول
دخل محمد وقال : سلام عليكم
خالد : وعليكم السلام ، اجلس هنا
نظر محمد للجميع وجلس وهو ينظر لخالد .
خالد : بنروح للمكان اللي قلنا عنه ، لكن بدون أذن وهذا تحتاج مهاره
محمد : اسوي اللي بيدي
خالد نظر لحامد وحامد طلع الملف وقدمه لمحمد .
خالد : اول شي توقع معانا انك المحامي الرسمي للقضيه !
محمد نظر لهم لثواني ومسك الملف ووقع .
خالد نظر للطاقم وقال : الليله كلها كنت اخطط عن دخولنا للمكان ، أوضح لكم ان المكان محاصر بالناس ، بتكون صعبه لكن إذا تقسمنا فريقين بتسهل اكثر
نجود : مافهمت
خالد بهمس : اصلا اذا فهمتي شي استغرب
نجود :عفوا
خالد : ولا شي ، حامد اشرح لهم انت
حامد : المكان كبير ومثل ماقال خالد انه محاصر بالأشخاص ، ف اذا دخل الفريق الأول في المنطقه المشدده بيكون الفريق الثاني يراقب من بعيد
خالد : العمليه بتكون خلال ٤ ساعات ، تقدرون تغادرون
همهم الجميع بالموافقه وغادر الا نجود وحامد ومحمد .
خالد نظر لمحمد : في حاجه تبغاها
محمد : لا
قام محمد وطلع .
جلست نجود على مكتبها وبدات تشتغل .
حامد ابتسم بهدوء : حاط مكتبها هنا ليه ؟
خالد ينظر لنجود : تتدرب عندي