لاتحرم الروح من وصلك ، وترى الوصل منك يحييها

35

راجح | الساعه 1 ظهر

دخل البيت بعد صلاه الظهر وشاف هتان جالسه على اللابتوب .
قال وهو يمشي : الساعه 1 ليه مانمتي للحين
هتان بتركيز وهي تهز رجلها : نتائج قبول الجامعه تنزل الحين !
بصدمه وفرحه قرب منها وقال وهو ينظر للابتوب : ان شاءالله لك نصيب !
بفرحه وهي تشهق : اخذت الجامعه ! جامعه نوره !
نظرت لابوها بفرح وهي تحضنه .
نزلت نسيم من فوق وقالت وهي ماسكه عامود الدرج : اخذتيها !
هتان : ليه واقفه هناك ؟ تعالي
نسيم وهي تنظر لفوق : كنت متوتره وسويت نفسي مو مهتمه زيك !
نزلت بهدوء تحت ضحكه راجح الخفيفه .
هتان بفرحه وهي تمسك جوالها : لازم اعلم محمد!
دقت على محمد .
محمد اللي كان يشرب الشاهي في مكتب خالد .
فتح جواله وكانت هتان ، قام بهدوء على جنب وقال : هتان !
هتان بفرحه واسعه : محمد !
محمد ضيق عيونه : الو هتان
هتان : اخذت جامعه نوره !
محمد بفرحه : نوره ! اللي تحلمين فيها !
هتان هزت رأسها : هي
محمد : مبروك ياحياتي انتي
هتان : امين
محمد : لازم اقفل عندي أشغال
قفلت ولف محمد على خالد وهو يدخل جواله بجيبه .
خالد وهو يتسال وينظر للورقه : نجود متى تجي ؟
حامد بعدم معرفه : حتى انا ماعرف متى تجي !
محمد بفضول : نسوي التحقيق بدون نجود ؟ لأننا بنتاخر
خالد نظر له : كل شي نسويه لازم الكل يعرف
دقت فاطمه على الباب وهي تعض شفايفها .
وبالمثل كانت نجود اللي قلبها يدق .
فتحت نوره الباب وقالت وهي تبتسم بخفه : نجود ! فاطمه !
مسكتها نجود وهي تلف يمين يسار ودخلتها جوا .
دخلت فاطمه وبحذر قفلت الباب .
نوره وهي تشيل يدها من نجود :وشفيك انتي !
نجود بخوف عليها : وش سويتي انتي !
فاطمه وهي تنظر من الشباك بحذر وقالت وهي تنظر لنوره : الشرطه لقت بالكاميرا صورتك ! تعرفين وش معنى صورتك عند الشرطه وانتي متهمه بجريمه !
نوره بعدم فهم وهي تحاول تنكر : اي جريمه يانجود !
نجود لفت تتنفس بقوه .
فاطمه مسكتها من يدها وجلستها على الكنب وقالت : الشرطه عندهم عنوانك وراح يدورون بكل بيت عن صاحبه الوجه اللي بالكاميرا !
نوره دق قلبها : وش اسوي !
نجود جلست على رجلها : ليش سويتي كذا ! ليش تعاونتي معهم ! مين هم اساسا !
فاطمه سكتت تسمع اجابه نوره .
نوره بندم : اجبروني وهددوني بالسلاح وأنهم يرجعوني الميتم !
نجود بشفقه : محد يقدر يصير يهدد بسلاح ولا انهم يرجعونك للميتم ، كله كلام علشان تخافين !
فاطمه وهي تمسك يد نوره : مانقدر نساعدك في شي ثاني ، احنا جزء من الشرطه واذا القو القبض عليك بنساعدك قدر المستطاع !
نجود وهي تبتسم بسرعه : اصلا كلمت خالد انهم ماراح يقبضون عليك إذا اعترفتي !
نوره بتردد : ماقدر !

----------

خالد |

مسك جواله وهو يدق عليها وماكانت ترد .
بحيره : وين راحت البنت !
رمى جواله بخوف عليها وغضب على الطاوله .
محمد : خلونا نبدأ ندور هي تجي بعدين !
خالد قام وقال وهو ياخذ الدفتر : يلا
ركب الكل السياره وتوجهو للعنوان الأول .
وكان العنوان في حي غني وبيت فاخر .
نزل الكل وقال حامد : هي ندخل !
دق خالد الباب وفتحت بنت في حوالي 15_17 سنه .
: تفضلو !
خالد : وين امك ؟
بصدمه : ليه ؟
خالد طلع كرت الشرطي وقال : نبغا نتكلم مع امك كم كلمه ، ناديها
دخلت وهي تهز رأسها بخوف منه ونادت امها .
فتحت امها الباب وقال خالد : السلام عليكم ، انا الشرطي خالد جاي اسئلك عن ليله صارت وممكن تذكرين وش كنتِ تسوين وقتها
ركز محمد فيها او انها تكذب او لا .
وبحركاتها كانت طبيعي ولا انها قاعده تكذب .
المرأه : وقتها كنت نازله للبقاله اخذ حليب لطفلي اللي عمره ٢ سنتين
خالد : غيره
المرأه : بعدها رجعت البيت وسويت العشاء لنا كلنا والكل كان موجود....
خالد وهو يشتت نظره : الساعه 2 وين كنتِ !
المرأه وهي تتذكر : الساعه 2 ؟ كنت انوم طفلي لان عنده مشكله في بطنه وماكان ينام بسرعه
محمد بهمس : المرأه صادقه
خالد هز رأسه وهو يحك شنبه : شكرا لك !
هزت رأسها : العفو
دخلت وقفلت الباب ورجع الكل من باب إلى باب وكانو كلهم صادقين في كلامهم .
وقف محمد وهو ضام يده لبعض : تكلمنا مع 6 بيوت كم الباقي ؟
خالد وهو ينظر للورقه : بيت واحد !
حامد وهو يأشر على البيت : اخر واحد هذاك
دق خالد الباب وطلعت له امرأه في متوسط العمر .
خالد : السلام عليكم ، انا الشرطي خالد جايين نسألك كم سؤال عن ليله صارت !
نوره وهي تنظر لمحمد وحامد وبتوتر : تفضل
خالد نظر لها بطرف عينه وقال : الساعه 2 ليل بتاريخ *** وين كنتِ موجوده ؟
نوره مسكت طرحتها وهي تنظر للارض : كنت بالبيت اغسله !
محمد : عندك احد عايش معاك ؟
نوره نظرت له بطرف عين : لا !
خالد فهم انها متوتره لكن ماشك فيها ، وعلشان يثبت شكوكه نظر لوراه وقال : نشوف الكاميرات اللي جنبنا اجل !
توسعت عيونها بصدمه وتوترت وحاولت تقفل الباب .
لكن محمد وحامد حطو رجلهم على حافه الباب .
نوره بعدت بخوف : بعدو عني !
دخل محمد وحامد وهم ينظرون للبيت وقفل خالد الباب .
خالد وهو يهديها : لمين كنتِ تشتغلين علشانهم ، ولا ناخذك للمركز ونتهمك انك متورطه بالجريمه !
محمد جلس على الكنب وقال : واذا كنتِ خايفه منهم ، قولي من هم وناخذك في محميه من قبل الشرطه ولا تتعفننين معاهم !
سكتت وهي ترتجف وتناظر الأرض .
حامد بهمس : مالها حل ياخالد ، ناخذها للمركز !
خالد سحب الكرسي لقدامها وقال وهو يحك شنبه ويلف يمين ويسار : ادري انك خايفه منهم ، لكن الحين تغير كل شي ، اذا ساعدتينا اننا نلقاهم ماتبقى عليك جريمه !