لاتحرم الروح من وصلك ، وترى الوصل منك يحييها

16

محمد| الرياض

دق الباب وفتحه سيف .
دخل محمد وسيف قال : ياترى متى راح تقولي ذي بنت مين
جلس محمد على الكنب وهي يطلع آهات تعب .
سيف استغرب وجلس قدامه وقال : فيك شي
محمد نظر لسيف وقال : إيناس هذا بنتها!
سيف بصدمه : ايش!!
محمد اسند رأسه على الكنب وغمض عينه : هذا اللي صار لكن مو متأكد
سيف : كيف مو متأكد !
محمد نظر لسيف : رحت لمركز الشرطه ادور على منى لكن مارجعت ولقيتها قدامي سألتها عن أهلها وقالت اعرف اسم ماما وقالت إيناس
سيف جلس بصدمه : غبي انت! تاخذ اي بنت تقول اسم إيناس! مو بس إيناس الوحيده اللي اسمها كذا! وش بيصير لك لو عرفو اهلها! امداهم الحين يبك...
صرخ محمد : اسكت! اللي فيني كافي اصلا وانا عارف اللي سويته غلط
:وش يصير هنا
نظرو لمصدر الصوت وكانت ميلا واقفه وماسكه لعبتها العروسه .
محمد ابتسم وقال وهو يفتح ذراعيه : تعالي!
سيف نظر بصدمه لمحمد ونطت ميلا لحضن محمد .
محمد نظر لسيف وفهم نظارته .
سيف تنهد بغضب وقام وطلع من المجلس .
ميلا : ابغا بابا وماما
نظر محمد لها بشفقه وحزن وقال وهو يبعد شعرها عن عينها : ماما وبابا مشغولين
ميلا : طيب ابغا منى
محمد ابتسم وهو يبوس خدها : ابشري انتي نامي الحين وبكره اوديك لها
ابتسمت وطلعت لغرفتها تحت مراقبه محمد .
نظر للجه الثانيه وقام بسرعه لسيف .
محمد : افهمني انت ياسيف! انت صديقي الوحيد تكفى افهمني
سيف بعصبيه : على وش افهمك ؟ مختطف بنت لبيتي ؟
محمد : وش اختطاف وش قاعد تقول !
سيف ب اصرار : طلعها بسرعه من بيتي
محمد احتدت ملامحه وقال : سيف انت مو مصحصح
سيف بصراخ : بالعكس صحصحت اكثر
محمد : مايشفق قلبك لطفله صغيره
سكت متردد وقال : لبنت ممكن غير شرعيه ؟ لبنت امها بالمستشفى تعاني ؟
سيف : مايهمني من ذولا لو بذره
محمد سكت بصدمه .
طلع لغرفه ميلا وهو مصدوم من سيف انه تخلى عنه في أصعب اوقاته .
ورجوعه لأهله الحين ابدا لا .
فتح الباب وشاف ميلا حاضنه اللحاف وعروستها في حضنها .
توجه وهو يشيل اللحاف ويشيلها .
ميلا بتعجب : وشفيه!
طلع من محمد من الغرفه ونزل لتحت وشاف سيف واقف يناظر فيهم .
طلع محمد من البيت كله وهو مو عارف فين يروح .
الأهم ان محد يعرف ان ميلا معاه .
وخصوصا منى وأهله وايناس .
ركب السياره وركب ميلا وراه .
ركب هو وقالت ميلا بخوف : انا خايفه!
وعى على نفسه انه قاعد يخوفها .
نظر لها وقال وهو يبتسم : ليش تخافين ؟ انا صديق منى يعني تقدرين تثقين فيني زي ثقتك في منى!
ميلا : كل اللي ثقيت فيهم تركوني! بابا تركني قدام الشرطه وماما اول ماولدت راحت
محمد بلع ريقه وشالها من يدها وحطها على حضنه .
قال ب ابتسامه : خذيها قاعده في حياتك! مهما صار لايمكن لأي ام او اب ترك أولادهم! لو تركوهم بيرجعون لهم ب اسرع وقت
ميلا بفرح : يعني ماما وبابا يقدرون يرجعون لي ؟
محمد ضحك : اكيد!
محمد نظر لضحكتها وكلامها .
قال وهو ينظر لقدام : بس الحين علشان تنامين وش اسوي لك؟
ميلا بصدمه : ننام في السياره ؟
محمد : مجبورين الليله بس
ميلا بفضول : ليه طلعنا من البيت ؟
محمد ابتسم : كثره الفضول خطأ !
ميلا : امممم وشرايك تقرأ قصه جحا والحمار ؟
محمد ضحك وهو يتذكر بطفولته كان ابوه وأمه يقرون له القصه .
وهي قصه محمد المفضله من الطفوله .
محمد : تعرفين انها قصتي المفضله ؟ بس انا اقولها بطريقه ثانيه مالي شغل اذا ماعجبتك!
ميلا : يلا
بدا محمد يقرأ القصه بكل تفاصيلها .
ولما قرب ينتهي شافها لسا مانامت وقرر يزيد بهارات عليها .

---------

مركز الشرطه | منى

في نص المركز كان صلاح واقف ينتظر مجيئ الفريق وخصوصا منى .
دخل الفريق ومنى وجنبها متعب .
صفق الكل لهم افتخار لهم .
تقدمت موده وقالت وهي تحضن منى : أعظم شرطيه قويه مرت على حياتي !
منى ابتسمت بتعب : مايحتاج المدح الزايد
موده : لا والله مهما اللي اقوله حقيقي ، المهم ترا جاء هنا محمد أمس يسأل عنك ولما قلت انك لسا بالعمليه راح
منى طلعت جوالها : شكله كان يبي يتكلم معي بقضيه إيناس ، خليني اروح الغرفه
مرت بتمشي بس وقفها صلاح .
منى نظرت له لثواني وقالت : صلاح !
صلاح ابتسم :ايه صلاح
منى : خير ان شاء الله ! ليه جيت هنا ؟
صلاح ضحك : خير خير ان شاءالله ، اذا عندك وقت نقدر نتكلم بالغرفه ؟
منى : اذا ماراح تكثر كلام والموضوع مو طويل تفضل
صلاح سكت ب احراج ومشى وراها للغرفه .
لما جلسوا قال صلاح : انتي تعرفين يامنى حاكم لسا صغير وعقلها مو في رأسه لسا صغير
منى بالرغم عن تعبها الواضح من وجهها الا انها ضحكت وقالت : ايت ورع وهو زي الحمار!
صلاح : اقصد تصرفاتها وانا فهمت ان لما عطيته اداره المركز خطأ مني
منى : طيب وش المقصد من كل شي
صلاح : انقذي حاكم قبل لاتنتهي مسيرته!
منى تلاشت ابتسامتها : شوف انا مالي علاقه باللي صار كله! ولد اخوك راح وتهاوش مع واحد ثاني يعني كذا ماراح يطلع إلى لما يرفع شكوته
صلاح : طيب انا اقصد تكلمين عمر يتنازل
منى ضحكت بصدمه : وليش انا اكلمه انت كلمه!
صلاح بلع ريقه : انتي خطيبته السابقه أمكن يتنازل
منى نظرت بصدمه له وقالت : مين قال!
صلاح قام : اللي علي وصلت اللي ابيه والوقت يمشي بسرعه وانا اعرف ان عندك مشاعر اتجاه حاكم لكن انتي بكيفك!
طلع صلاح تحت صدمه منى .

------

مدالله فتح جواله وكان المتصل **** .
فتح وقال : البنت فين راحت؟
: ماندري احنا حطيناها قدام الشرطه زي مابغيت!
قام وهو يشرب المويه ويقول بتفكير : الخبيثه اخذتها
: هذا اللي تقوله ؟
نظر للشباك وقال بحده : دورو عليها لو كانت المسائله بروح! فاهم
: حاضر
قفل وطلع من الغرفه بتعرج .
لمح بنت تمشي من الدرج للمطبخ .
ابتسم وتوجه لها وهو يجلس على كراسي المطبخ اللي مفتوح : سلام
نظرت هديل له وتشجنش جسمها من الصدمه .
صبت المويه بسرعه وطاح الكوب .
بضحك : بسم الله عليك انتبهي!
نظرت بخوف له وطلعت كوب ثاني .
بتفقد لجسمها : في ايت صف تدرسين
بتوتر : م ادرس
صبت المويه ونزلت تشيل الكوب .
بتدقيق فيها وابتسامه جانبيه : ليه ؟ ضيف الله مايدرسك ولا وش
هديل : خلصت دراسه
لمت الكوب واستقامت وقام مدالله من الكرسي ودخل للمطبخ .
رفعت السكين وبعدت وقالت : بعد عني!
بضحك : اهدي! ماراح نسوي لك شي
هديل بخوف وقلبها يدق : بعد!
بعد عنها بسخريه وهي شردت من المطبخ وهي ضاغطه يدها على فمها وهي تبكي .
دخلت غرفتها وقفلتها بخوف وهي الآن تدرك وش يصير بالبيت .
طلع مدالله للجلسه اللي تطل على البحر .
وكانت جالسه خديجه فيها .
نظر لها وجلس جنبها .
خديجه : فينك ماجيت من امس!
حك شنبه : كنت مشغول
خديجه ضربت كتفه : ضيف الله ناوي يدور على إيناس!
ب ابتسامه : منجد! زين يدورها بدال عني واخذها انا
خديجه : انت غبي ؟ انت تعرف عقوبه الزاني!
نظر لخديجة وقال : إيناس بعقلها الصغير وش بتسوي ؟
خديجه : اقعد يالغبي واخوك هو اللي ياخذ حقها والله ليسويها
قام وبملل : انا طالع طفشت من ضيف الله
خديجه سبته على تجاهله الشي