لاتحرم الروح من وصلك ، وترى الوصل منك يحييها

30

تولين ورغد |

نزل الاثنين لدور الأرضي .
الكل كان نايم والبيت كان هادي .
مشت تولين هي ورغد وفجأه قالت وهي تشهق : هذا ممر السواق !
رغد وهي تسكتها : اش لا أحد يسمع ، اعرف
تولين مصدومه وهي تمسك يد رغد : وش اللي اعرف ، وش اللي نسويه عند السواق !
رغد ابتسمت : مادام الليله الكل مجتمع عندنا لازم استغل مقالبي
تولين تنهدت ومسكتها رغد وووقفو قدام الغرفه .
تولين بخوف : انتي كلميه ماني داخله
رغد : غبيه انتي ندخل عنده ليه
دقت الباب وطلع السواق وهي يحك عينه : وشفيه
رغد ابتسمت : مهيار كيفك ؟
مهيار ب استغراب : طيب !
تولين تنهدت وقالت رغد : ابغاك يامهيار تساعدني في مقلب
مهيار بصدمه : ايش ! انجنيتي انتِ ! والله خالتي تطردني
ابتسمت تولين ونظرت لها رغد بطرف عين وقالت : يامهيار اطلب منك شي بسيط ليه تقول لا
تولين : الرجال مايبي امشي ننام الساعه ٤ هيا
رغد تنهدت وقالت : اف مامنك فايده
قلدها وقال : مامنك فايده !
دخل ولفت رغد بغضب وقالت تولين وهي تبتسم : الرجال صادق وشتبينه يسوي يعني

------------

نجود |

في الهدوء وضوء القمر .
قالت نجود وهي تنظر للقمر : رحنا نجد علشان نقابل محامي
لفت عليها فاطمه وقالت : محامي !وفي نجد ؟
نجود : كان في الرياض بس نقل لنجد
فاطمه : ايه وش فيه
نجود : خالد ماسك قضيه فاتح هو وحامد ، المهم قال خالد للمحامي عن القضيه والمكان اللي يشك فيه خالد وقال المحامي ناخذ أذن، طلبنا أذن لكن رفض
فاطمه بفضول : وش بتسوين
نجود نظرت لها : بنرجع لنجد ونقول للمحامي نروح للمكان بدون أذن
فاطمه بصدمه : بس هذا ممنوع !
نجود : في الحقيقه انا اللي طرحت الفكره
فاطمه : بس هذا ممنوع يانجود ماتعرفين
نجود اعتدلت بجلستها : شفتي المدير اللي يعصب على كل شي ؟ انا اشك فيه انه متورط في قضيه فاتح ، لانه كل ماقلنا عن القضيه طار علينا ، لكن خالد انكر وعصب علي
فاطمه ابتسمت : اكيد بيعصب ، المدير مستحيل يسوي شي زي كذا وهو كان يعتبر فاتح ولده الثاني
نجود ب اصرار : مع ذلك لازم نحطه بعين الاعتبار ، وفيني شك انا وانا احساسي مايغلط
فاطمه سكتت ولفت على الصوت بصدمه .
قامت نجود وقالت : وش ذا الصوت
فاطمه قامت ومسكت نجود : هذا مو صوت تولين ؟
نجود ابتسمت : ننزل نشوف
طلع الاثنين لبرا بهدوء ونظرو من الدرج وقالت فاطمه وهي تضحك بهمس : يمه وش فيهم
نجود نزلت وقالت : تعالي
نزلو واول ماشفت تولين ورغد صاحو برعب .
انخرعت فاطمه ونجود وقالت نجود : عمى قام الكل
رغد بخوف : خرعتونا
تولين قامت وهي تتنفس بخوف .
فاطمه : وش تسوون هنا
رغد نظرت لتولين وحذرتها بعيونها ماتعلم .
تولين : نزلنا كذا نتمشى
نجود بتعجب : الساعه ٥ ونص تتمشون في وش ، الا مع الجن
تولين برعب : اش لا أحد يسمعك
ضحكت فاطمه وقالت وهي تلف وتمسك نجود : خلينا نطلع

-----------

محمد |

محمد نظر لها ومسك يده .
رقيه ابتسمت : كيفك يامحمد من آخر لقائنا
محمد : سيئ
تغيرت ملامح رقيه : سيئ ؟ ليه
محمد بحيره : هذا الفتره احس اني مو بخير ، بعض الأحيان انسى شي واتصرف وكأنه مو فيه بعدين اتذكر وابتلش
رقيه ابتسمت بهدوء وهي تجلس بالدفتر : يعني تنسى كثير ؟
محمد : ايوه ، غير كذا انا تزوجت ، لكن مو ب ارادتي واحس عقلي متشوش
رقيه غمضت عينها وقالت بعدم فهم : انا مافهمت ولا شي ، ممكن تشرح لي وش صار بحياتك إلى الآن
تكلم محمد بكل شي صار له .
رقيه شبكت يدها مع بعض : ممكن الحنان اللي تحسه اتجاه زوجتك هو إكمال لفراغ والدتك ، ولهذا تحاول ابقاء زوجتك بجانبك
محمد : ......
رقيه : وانت مستاء وحزين لأنه زواج متفق عليه علشان قضيتها وانت بالأساس واقع لها
محمد لف لها بسرعه : واقع لها ؟ كيف يعني
رقيه ابتسمت : لانك ماحصلت على حنان امك إيناس جات وملات الفراغ اللي فيك بالحب ، علشان كذا تحس بالأمان معاها وانها تفيدك
محمد بحيره : وش اسوي ؟ اذا انتهت قضيتها بتتطلق مني
رقيه : ابنتها ميلا اللي خبيتها عنها طلعها لها ، في النهايه بتقابل بنتها كذا ولا كذا ، والافضل وقت قريب علشان ماتكون كذبت عليها
محمد بجمود : ميلا بنت ذيب واذا عرف ان بنته معي بياخذها مني بالزواج من إيناس
رقيه : ذيب اغتصبها بدون اذنها ، يعني متوقع المحكمه تعطي إيناس وميلا لها
رقيه بهدوء : محمد انت مو منفصم شخصيه ، انت مريض نفسي
لف ينظر لها بعدم فهم وقال : عفوا !
رقيه : التشخيص اللي أخذته زمان كان غلط انت مو منفصم شخصيه ولا أفعالك تدل على انفصام شخصيه
محمد : مستحيل !
قام بسرعه وقالت رقيه وهي تقوم : تمام اهدا
محمد نظر لها وقال : مستحيل !
قال وهو يأشر لها : مستحيل يكون لخبطه ، مستحيل !
رقيه حست انه يمر ب ازمه وقالت وهي تصب المويه : تمام اهدا واجلس وانا اقول لك ليش مو مستحيل
سكت وجلس بهدوء شرب المويه وقالت رقيه وهي تبلع ريقها : قبل ٩ سنوات تشخصت ك مريض منفصم شخصيه ، تم تثبت هذا من خلال اللي قلته انت لنا ، لكن الحين الأعراض اللي فيك غير انت مريض نفسي !
سكت ولف يناظر يده بهدوء .
نظرت له بشفقه وقالت : اذا تبغا إيناس تبقا معك ولا تروح لذيب قول لها ، قول لها عن بنتها وعن مرضك عن كل شي يعيق إكمال زواجكم ، اما اذا تقول انك خايف من راجح وتتطلق منها لما تنتهي القضيه هذا غلط ، كلنا نخاف من الاب اذا سوينا شي غلط لكن كل شي له سبب ، صارح راجح وقول له انك مريض وتعاني من سنين وقول له انك ماتقدر تكمل حياتك بدون إيناس
محمد نظر لها وقال بعد صمت : لكن إيناس وابوي بيعرفون اني اكمل نقص وايناس بتعرف عن قصتي وبتعرف انها زياده
رقيه ابتسمت بهدوء وسكتت وقالت بعد صمت : انت شفت فيها شي كان لأمك شي ربط بينك وبينها شي خلاك تتكلم عن هدوءك معاها ، وهذا الشي انت راح تكتشفه !
نظر لها وقال : اكتشفه !
رقيه : نعم ، لكن اول شي تتأكد اذا تحبها من قلبك ، وغير هذا الأهم انها هي تحبك ، ماتقدر تخلي زواج يستمر بدون حب
محمد : اسألها يعني ؟
رقيه ضحكت بهدوء : اللي تبيه واللي ترتاح له ، لكن إذا تبغا ترتاح تماما تترك كل شي مضر وتركز على حياتك ومهنتك !
محمد سكت .
لفت على الورقه وكتبت فيها .
مدت له الورقه وقالت : هذا علاج تصرفه من الصيدليه اللي تحت ، العلاج هذا تأخذه وقت تحس انك تعبان او ماتقدر تنام ، والأهم اذا جاتك حاله صرع !
اخذ الورقه وطلع من الغرفه .
مشى وكأنه طفل فقد امه وفقد امل وجودها .
صرف العلاج وركب السياره وتنهد بقوه .
مشى للبيت ونزل ودخل .
دخل غرفه النوم على التسريحه ووقف يناظر في العلاج .
فتح درج اللي فوق ودخل العلاج .
لف على صوت دق الباب .
طلع بشويش وتذكر اهله .
فتح الباب ورحب فيهم .
حضنه راجح وهتان ونسيم وبشرى وهم يضحكون .
نظر للأغراض وقال وهو يبتسم بتعجب : ماشاء الله كم يوم
هتان ضحكت : ابوي كان مقرر ٦ ايام لكن نزلناها ل ٣
سكت بهدوء وقال : حياكم ، لكن مع الأسف البيت صغير
راجح دخل وشاف البيت غرفه ومطبخ وحمام وغرفه نوم .
راجح : انا انام معك والبنات مع بعض
بلع ريقه وابتسم : اللي تبيه
بشرى ب استنشاق وابتسامه : واه يالجو يبي له كشته
ضحك وهو ينظر لها ويشيلها ويسلم عليها : كيفك ياحلوه
بشرى : بخير وصرت بخير اكثر الحين
محمد بتعجب : افا وش يعني
في هذا الوقت دخلت نسيم وهتان لجوا وقالت هتان وهي تبتسم : البيت حلو على شخص واحد والأكثر الحوش
نسيم حطت شنطتها بالغرفه وقالت وهي تنظر لها : اصلا ليه قاعد هنا المفروض يجي عندنا
هتان تنهدت وحطت الأغراض على الأرض : كيف يجي عندنا وهو يشتغل هنا
نسيم بتفكير : الحين هو عنده أشغال؟ م اظن
هتان نظرت لها وابتسمت بهدوء : خلينا نجلس مع بعض وخلي الموضوع هذا بعدين
طلعت نسيم وشافت ابوها جالس برا على كنبه وقالت : احط الفطور الحين ؟
في الحقيقه راجح وهو جاي اخذ فطور علشان يفطرون مع بعض .
محمد : جبت فطور ؟
راجح ابتسم : نجي ومامعنا شي !
راجح : حطيه يانسيم
دخلت نسيم للمطبخ وبدات تطلع الأغراض والصحون .
وقالت وهي تصارخ : هتان تعالي ساعديني
هتان اللي كانت ماسكه جوال ابوها تركته مفجوعه وقالت : طيب
اخذت رقم تركي وحطت على جوالها وطلعت بسرعه .
دخلت المطبخ وبدات تسوي الشاهي ونسيم تحط الفطور .