لاتحرم الروح من وصلك ، وترى الوصل منك يحييها

5

"الثقه كالانسان ، سنوات لتكبر وثوان لتموت."

●●●●●

قالت بخوف وعيونها تتوسع : مايرد !!
نسيم بتوتر وهي تمرر نظرها لغرفه بشرى :طيب جربي محمد !
قالت وتجمعت الدموع في عيونها : كمان مايرد !
عضت شفايفها وهي تربت على ظهر هتان ، هتان بخوف وهي تبكي : وش صار مستحيل يغيب اسبوع كامل بدون رد !
نسيم : كلمتي مساعد ؟
قامت هتان بسرعه وقالت وهي تمسح دموعها وتدق عليه : نسيته !
دقت على مساعد ورد ، نظرت لنسيم وهي مبتسمه ، مساعد :تفضلي
قامت هتان وقالت وهي تضحك بهدوء وتمسح دموعها : عمي مساعد !
مساعد : هلا يابنتي
هتان وهي تنظر لنسيم : عمي قبل اسبوع ابوي خرج معاك ! ليه لين الحين ماوصل ؟
مساعد بتعجب : ماوصل ! انا وصلته لبيتكم !
دق قلب هتان وتوسعت عيونها اكثر وقالت : ك..يف كيف وص..لته !!
مساعد : هتان بنتي نسيم عندك ؟
طاح الجوال من يد هتان وطاحت هتان على الأرض ، قامت نسيم بسرعه وهي تاخذ الجوال وتنحي لجهه هتان : عمي مساعد
مساعد : وش تقوله هتان ؟ راجح فين
نسيم ويدها ترجف وتنظر لجهه البيت كله : ابوي مو فيه من اسبوع ولا يرد على جواله !
مساعد بخوف وهو يصارخ : كيف ماتعرفين ! اسبوع كامل وتوك تدقين
نسيم وهي تبكي بهدوء : مادرينا ياعمي حسبناه معاك
مساعد : قفلي قفلي انا جايكم الحين
قفلت نسيم ورفعت هتان لجهتها وهي تبكي بصمت

●●●●

خلف بفضول وهو يحط الفطور على الطاوله : على وين
محمد ب ابتسامه خفيفه وهو يزبط ربطه العنق : عندي قضيه اليوم بمسكها
ابتسم خلف : زين ان الوظائف تجي لعندك مو انت تروح لعندها
ضحك محمد وتوجه للطاوله ، سحب الكرسي وجلس وجلس خلف قدامه وهو يصب الشاهي ، محمد بفضول وهو ياكل الخيار : ماراح تروح معاي ؟
خلف بجديه : غبي انت ! اروح معاك ليه !
محمد : انت كنت معاي بكل القضايا الحين ماتبي !
خلف وهو يشرب الشاهي : احس غريب يارجال خلني بعيد هذا المره
محمد :بكفيك ، مير اني مو بالشكل بمسك القضيه ! بحاول اتكلم مع موكلتي
خلف وهو يسند ظهره لورا : هذي تعتبر حاله نفسيه !
ابتسم محمد وهو يتمركز عينه على عين خلف ، ويسند ظهره للورا مثل خلف ، خلف ابتسم وهو ينظر للمناظر اللي تحت ، والهواء البارد ، تنهد وقال وهو يفكر فيها : حبيتها بالغلط !
نظر لمحمد اللي ينظر له بهدوء ، وقال : بالغلط !
محمد بتنهيده : بعد عن الحب ياضلعي ماراح تلقى شي يرضيك !
ابتسم خلف بهدوء على كلامه ، واللي كان ميقن ان كلامه صح ، لكن مو هو اللي يتحكم بقلبه ، قلبه يتحكم فيه ، قال مبتسم علشان يقفل الموضوع وهو ياكل : ماجاك خبر عن تهاني ؟
عقد محمد حواجبه وقال وهو يحرك يده : تهاني ! كان يجمعنا قضيه حق وعطاء ، وصار وكل واحد بطريقه !
خلف ابتسم بهدوء : صح !

●●●●●

حس بعدم ارتياح كونه جالس ببيت مع بنات بس ، استقام ب ألم ووجهه شاحب ، حط فروته عليه ولف شماغه على وجهه ، كون الجو الحين بارد ، فتح الباب وتصاقع الهواء بوجهه ، ابتسم بهدوء وطلع ، وقف يناظر لشباك الغنم اللي عرفه عنه ضيف الله ، وهديل ، ابتسم بهدوء وهو يمرر نظره على الأشياء الجميله اللي موجوده حوله ، كان يمشي حتى استوقفه منظر من روعته ضحك وقال : يالله اذا كذا كيف الجنه !!
لاحظ شجره كبيره مخصصه للعنب ، توجه لها وجلس واسند ظهره على غصنها ، تنهد بهدوء وطمأنينة وهو ينظر للاشياء اللي حوله ، اخذ الوقت وهو يفكر ب اشياء كثيره لاتعد ولا تحصى ، ويطرد من عقله اشياء كبيره لاتعد ولا تحصى ، فكر بنفسه اب لثلاث أبناء مستحيل يفكر بهذا الشي لو وش ماصار ، البنت تصغر وماراح تقبل فيه كونه اب لثلاث أبناء ، وعنده حفيده كمان ، تنهد وهو يلم همومه ويتوجه البيت ، مشى وهو ينظر لشباكها ، تعوذ من ابليس من ذاك الموقف ،