لاتحرم الروح من وصلك ، وترى الوصل منك يحييها

21

دخل محمد الغرفه وشاف منى جالسه تبكي بصمت .
وصلاح واقف يناظر بالملف .
تقدم بهدوء وقال : منى انتي بخير
منى نظرت له و قامت بسرعه وقالت : ساعد متعب لاتساعدني
محمد بلع ريقه وهو يناظر صلاح : تمام انتي اجلسي انا بروح اشوف وش الوضع
صلاح رمى الملف على الطاوله : المحكمه العليا سوت جلسه 27 يناير ي اما تنقذ متعب خلال الخمس الايام الباقيه ي ينسجن متعب
محمد نظر لصلاح ولمنى وقال : اجلسي انتي الحين انا بسوي طلب اقابل متعب
منى جلست وطلع محمد لزانزانه متعب .
لكن كان شرطي واقف ومنعه .
محمد : اسمعني انا محامي ، ومحامي متعب مره وحده بس على الاقل اقابل متعب
الشرطي هز رأسه : ورني الهويه
طلع الهويه بسرعه واعطاها .
شافها الشرطي ورجعه لمحمد وفتح الباب .
دخل محمد وشاف متعب جالس يناظر الأرض .
نظر للباب وقال بصراخ وعصبيه وهو يحط يده الثنتين على الطاوله : انت ماتدري وش الجريمه اللي سويتها !قبل كم اسبوع تتكلم عن حاكم والحين صرت اسوء منه
اما العكس كان متعب بارد برود .
محمد سكت بهدوء وهو يشوف متعب .
سحب الكرسي وجلس وبقى يناظر في متعب .
طلع الملف ورماه قدام متعب وقال : اذا مالقيت أصغر دليل تدري انهم راح يسوون الحكم القصاص ، تدري ولا لا
متعب نظر بهدوء لمحمد وقال : اغتصب زوجتي !

-----------

الصباح | خالد

طلع خالد من غرفته وهو يدور على نجود .
دخل على ساحه العمل وشاف الكل يشتغل وفاطمه موجوده .
راح لفاطمة وقال : سلام عليكم
فاطمه ابتسمت بهدوء : وعليكم السلام
نظر لحوله وقال : وين نجود ؟
اشر على ساعته : الساعه كم وينها
نجود من وراه : هنا
نظر لها ومشى لها وقال : وين كنتي ؟ اول مكان تدخلين له هو غرفتي اول ماتجين الصبح فاهمه !
نجود بتسليك : طبعا بس نسيت
خالد وهو يمشي لغرفته : تعالي وراي
نظرت لفاطمة بعصبيه وهي تحط الشاهي اللي شرته على طاولتها .
فاطمه بهمس : اياني وإياك تسوين مشكله ، اي شي يقوله قولي طيب
نجود : اذا ماعجبني شي والله ب اعترض معليش
مشت نجود لغرفته ودقت الباب .
فاطمه لفت تناظر اللابتوب وهي تشتغل .
: فاطمه !
نظرت لمصدر الصوت وكان فيصل .
ابتسمت بصدمه وفرح : فيصل !
فيصل وهو يضحك : كيفك يالنعجه
ضحكت فاطمه وقالت : بخير ياسعدون
فيصل ابتسم بهدوء وقالت فاطمه بفضول : متى رجعت ؟
فيصل : رجعت اليوم امي علقت علي تقول تعال لقينا لك بنت ممتازه
فاطمه بسخريه : ياويلي الله يعينها
فيصل : عيب وانا قدامك
فاطمه جلست على الكرسي وسحبت الكرسي وقالت :اجلس
جلس فيصل وقالت فاطمه : من هي البنت ؟ نعرفها ؟
فيصل : لا والله م اعرفها بس لو اني م اعرف امي كان قلت بنت خياليه
فاطمه ابتسمت : متى بتعرفك عليها
فيصل ضحك بسخريه : وين اول شي ننخطب وبعدين اشوفها تخيلي
فاطمه بصدمه : ترا عادي الشوفه الشرعيه !
فيصل : علشان كذا انا ابتعثت
فاطمه : مايصير كذا تر...
قطع عليهم حامد وهو ينظر بهدوء : فاطمه تعالي شويتين
فاطمه استحت من فيصل وقامت وقالت : حامد يشتغل هنا
فيصل قام وابتسم ومد يده وقال : سلام
نظر حامد بهدوء وجمود له وليده .
وبعدها انسحب .
فيصل بصدمه : أعوذ بالله واضح مريض
خجلت فاطمه وقالت : فيصل استنى هنا شويتين وانا جايتك
مشت بغضب وهي تلحقه .
كان واقف جنب الجلسه وهو يدور على نفسه .
مشت له وقالت : وش تفسير اللي سويته قبل شويه !
شتت نظره بجمود وقال : على فكره حنا قلنا الغريب مايدخل المركز ويسولف ويشغل العاملين
ضحكت فاطمه بسخريه : هذا انت اللي تقوله !
بقى ينظر لها بنفس الهدوء .
فاطمه : المهم وش تبغا
نظر لمدخل المركز وقال : تطلعينه ب اي طريقه من المركز
بغضب : وانا متوقعه بسمع كلامك !
اول مره يضحك ، ولكن بغضب وسخريه : مين البنت اللي جات أمس تتكلم معي وفجأه كانت بتعلن حبها !
سكتت بصدمه وبلعت غصتها وتذكرت كلام نجود .
"انا اللي مايعجبني ادعس عليه "
وفعلا بدا حامد يزعج فاطمه .
نظرت له ولعيونه ودخلت جوا .
شافت فيصل جالس ينتظرها .
ابتسمت وقالت : شي فيصل
فيصل قام وقال : وش فيه
فاطمه : مايدخلون اللي مايشتغلون
فيصل بتعجب : عسى ماشر ليه
فاطمه : يحسبون بيشغلون اللي يشتغلون
نظر لحامد اللي واقف يناظرهم وهو يحط يده بجيبه : هو اللي طلب منك ؟
نظرت له بفضول وشافت حامد .
لفت تناظر فيصل وقالت : ماله دخل هذا الكلام جاي من المركز
فيصل ابتسم : زين ، بس اسمعي تعالي المغرب عندنا
ابتسمت وقالت : ابشر
طلع فيصل تحت نظرات حامد .
لمحت حامد ولفت بتقزز لمكتبها .
عند نجود اللي دخلت الغرفه وقالت : تامر شي
نظر لها ونظر لقدامه .
نظرت بفضول للي قاعد يناظر فيه ولقت مكتب .
بفضول : وش ذا
خالد جلس على الكرسي : هذا مكتبك !
لفت بسرعه بصدمه وقالت : وشو
خالد : واضحه هذا مكتبك
وقرب ياخذ الملف ويمده لها : هذا الملف ابغاك تخلصينه ب اسرع وقت
قالت بتوضيح : اسمعني ياسيد خالد...
خالد : خالد
غمضت عينها وقالت : اسمعني ياخالد انا ماقدر اقعد معك بنفس الغرفه !
خالد : ليه ؟
نجود عضت شفايفها : كذا بس غير كذا انا ماقدرت اتحملك وانا مو بالغرفه كيف تبيني اجلس معك !
خالد ابتسم : تفضلي اجلسي على مكتبك
نجود لفت لورا تكتم غضبها ولفت تناظره وهي تبتسم : تمام
اخذت الملف وهي تصنع الابتسامه وتروح للمكتب تحت انظار السخريه .
فتحت الملف وبدات تلفه بسرعه بدون اهتمام وتبتسم بتسليك لخالد .
خالد نظر لها ورجع يشتغل .
دق الباب ودخل حامد .
نظرت لحامد وسوت نفسها تشتغل بس انها تسمعهم .
حامد مد الورقه : لقينا موقع محمد
خالد إذا الورقه وقال وهو يوقف : زين
حامد بتعجب : بتروح له !
خالد وهو يفتح الباب وينظر لنجود : تعالي
بصدمه وهي تاشر  على نفسها : انا ؟
خالد وهو يطلع : مافي وقت
طلع خالد وحامد ونجود قامت تلحقهم .
طلعو برا المركز وركب حامد وخالد ونجود ورا .
في نص الهدوء قالت نجود :  احنا وين رايحين ؟
حامد نظر لخالد ورجع ينظر لقدام .
خالد نظر لها من المرايه اللي قدام وطالت نظراتهم وقال : بتفهمين شوي لكن بنتاخر

-------------

بعد اسبوع |

وقف محمد وجنبه متعب .
وبالجهه اللي قدام كانت منى تناظر في متعب وجنبها موده .
نادا القاضي أسمائهم ودخلو .
جلست منى بحزن وهدوء على الكراسي هي وموده .
ومحمد وقف جنبه متعب .
بدأت الجلسه وأخذت وقت طويل .
دق القاضي مطرقته وقال : تم الحكم على متعب 10 سنوات !
محد أعطى رده فعل قويه اكتفى الجميع ب انه يغمض عينه بحزن .
خرج محمد من القاعه وجنبه منى وموده اللي اخذو متعب قدامهم وهو مربط اليد .
دق جوال محمد ومحمد بعد عنهم وقال وهو يتلفت عليهم : اخذت موعد ؟
: نعم موعد ميلا اليوم الساعه ٨ وايناس بكره ٥ عصر
محمد : تمام
قفل ورجع لهم وقال بهدوء : انا عندي شغل شويتين تقدرون تروحون بسياره منى
موده : زين
طلع محمد وركب سيارته وكان يناظر ساعته .
راح للمكتب ودق الباب .
فتح الياس الباب ودخل محمد قبل لايقول شي .
ميلا ب ابتسامه : جيت
محمد ابتسم وسلم على رأسها وقال : جيت
نظر لالياس وقال : ميلا عندها موعد ل DNA الساعه ٨ ابيك تروح انت بدالي
الياس : وانت وين بتروح ؟
شتت محمد نظره وقال : كنت بطلع إيناس للبيت بس نسيت علشان قضيه متعب
الياس بصدمه : قضيه متعب ؟ وش صار
محمد قال له كل شي وقال الياس بصدمه : انت صادق !
محمد وهو يمسح وجهه : هذا اللي صار والا كان بيحكم عليه القصاص
الياس نظر لميلا : خلاص انت روح وانا بجيك
فتح الباب وانصدم لما شاف منى قدامه .
منى : سلام
محمد بلع ريقه ولف يناظر الياس .
منى دخلت وقالت بهدوء : ميلا وين
محمد : ميلا ماراح تروح مكان
نظرت له وقالت وهي ترفع حواجبها : ليه ؟
محمد نظر لالياس يأشر له يروح .
نظرت منى له لين راح وقالت : ترا مانسيت لما اخذتها من المركز ، الشي اللي سويته جريمه !
مشى محمد وجلس على الكرسي وهو يحك شعره .
نظرت له وبعد ثواني جلست على الكرسي وقالت : تكلم قول
محمد : ميلا ممكن تكون بنت إيناس !
منى ب استنكار وهي ترفض تنزل دموعها : مستحيل !
ماكانت دموعها على ذا الشي كانت على صديقها الطفوله اللي انسجن قبل ساعه .
محمد نظر لقدامه : وعلشان كذا الياس بيودي ميلا لموعد تحليل DNA وانا بودي إيناس بكره
منى غمضت عينها تمنع دموعها وقالت : اذا طلعت النتائج علمني
قامت وهي ماسكه فمها بقوه ودموعها تنزل .
فتحت الباب وطلعت وركبت سيارتها ومشت لبيتها .
منى كانت تلوم نفسها على اللي صار وان كل شي صار بسببها لان عمر كان خطيبها القديم .
وقفت السياره وطلعت لبيتها .
قفلت الباب ورمت المفتاح على الكنب .